هل هذا هو أبو جمل الأصلي .. يوجد صورر

[النوخذة الأحسائي]

السلام عليكم ..


الله يمسيكم بالخير ..


اليوم المغرب شريت هالمبروك .. وبعد معركة طاحنة :D بيني وبين البياع حول السعر والنوعية والأصليه ..


خذت هالزين بعد قراءتي هنا عن هالنوع وبهالشكل ..


طبعا مكتوب عليه ستكر الشراع .. فهل هو الأصلي .. وخذته بـ 250 ريال ..


عندي كم سؤال بس أول شي نشوف انه أصلي ولا لا ..


((لمعذرة أنا خففت حجم الصور بقووووووة:( وصارت الصور ماهي ذاك الزود))


http://www.mekshat.com/pix/upload02/images100/mk15897_20100321028.jpg


http://www.mekshat.com/pix/upload02/images100/mk15897_20100321027.jpg


http://www.mekshat.com/pix/upload02/images100/mk15897_20100321026.jpg

[لاتكب البيالة]

هذا الاصلي بدمه ولحمة
لكن يالغالي اعتقد هذا الحجم الصغير وليس الوسط المنتشر وانا اخذت مثل هذا من الوكيل ب 200 او 210

[النوخذة الأحسائي]

هلا بالغالي..


الحمدلله أنه الأصلي ..


لكنه هو الوسط لأن الصغير كان ب195 وعليه غطاء أسود بدل الفضي

[منتعش]

ما شاء الله ويعطيك خيره ويكفيك شره
وعلامات الأصلي ما يلي :

1- يكون وارد ( الشراع ) ويكتب على الكرتون .


2- يكون لون الغطاء أخضر كما في الصورة :


http://www.mekshat.com/vb/../pix/upload/images11/mk7805_kjhgg%20resized.jpg

لأن التقليد يكون لون الشراع بني.

3- يوجد ملصق مكتوب عليه - أحذروا التقليد -
وبجانبه أستكر مكتوب عليه بلد الصنع ( الصين )

وعذراً على عدم وضوح الصورة لأني مركب المنفاخ في السيارة :

http://www.mekshat.com/vb/../pix/upload/images11/mk7805_s3010012%20resized.jpg

http://www.mekshat.com/vb/../pix/upload/images11/mk7805_s3010014%20resized.jpg

والله يحفظك ويرعاك .

[خيال الغلبا]

منتعش كيف افصل كيس او شنطه للماطور داخل الكبوت

[النوخذة الأحسائي]

بارك الله فيكم .. طيب يا منتعش .. كل هالاشياء موجودة .. وهذي صور.. للماطور اللي شريته

http://www.mekshat.com/pix/upload02/images100/mk15897_img_6183_001.jpg

http://www.mekshat.com/pix/upload02/images100/mk15897_img_6184_001.jpg

http://www.mekshat.com/pix/upload02/images100/mk15897_img_6185_001.jpg

http://www.mekshat.com/pix/upload02/images100/mk15897_img_6186_001.jpg


http://www.mekshat.com/pix/upload02/images100/mk15897_img_6187_001.jpg



http://www.mekshat.com/pix/upload02/images100/mk15897_img_6188_001.jpg


http://www.mekshat.com/pix/upload02/images100/mk15897_img_6190_001.jpg


http://www.mekshat.com/pix/upload02/images100/mk15897_img_6192_001.jpg



http://www.mekshat.com/pix/upload02/images100/mk15897_img_6193_001.jpg



http://www.mekshat.com/pix/upload02/images100/mk15897_img_6194_001.jpg



http://www.mekshat.com/pix/upload02/images100/mk15897_img_6195_001.jpg





وهالحين .. اللي عندي الأصلي ولا لا ؟؟!!


وبعدين أي حجم هذا لأني شفت صغير غطاه أسود بدل الفضي ..



انتظر ردكم

[هاوي الترحال]

ماشاالله الله يعطيك خيره ويكفيك شره

[منتعش]

منتعش كيف افصل كيس او شنطه للماطور داخل الكبوت


حياك ربي أخوي الغالي
الكيس ما يحتاج تفصل وتخسر نفسك
دور عند محلات الزينة شنطة عدد مفكات وتكون مناسبة جداً لمقاس المنفاخ
وأفتح لها فتحات من تحت لتثبيت الماطور .
والله يرعاك .

[منتعش]

هلابك ومرحبابك أخوي النوخذة
اللي معك هو الأصلي ومقاسه الوسط
والموجود عندي ومعروض بالصور أعلى حجم كبير وله ما يقارب 6 سنوات
فلا تأخذ هم تراه عملي وطيب
والله يبارك فيه .

[النوخذة الأحسائي]

كفو والله يا غالينا منتعش .. والله يرفع قدرك


طيب ترهيمه في كبوت سيارتي الفورتشنر في إشكال عليه .. من حيث الحرارة والغبار ؟؟


وبعدي اللي صغير هل من فكرة لإطالة اللي

[منتعش]

كفو والله يا غالينا منتعش .. والله يرفع قدرك


طيب ترهيمه في كبوت سيارتي الفورتشنر في إشكال عليه .. من حيث الحرارة والغبار ؟؟


وبعدي اللي صغير هل من فكرة لإطالة اللي



ما أتوقع فيه إشكال
لأني مركبه في جيب vx-r لمدة سنتين
وما شفت شي منه ولله الحمد

[النوخذة الأحسائي]

ياجعل عيني ما تبكيك يا حبيبي على الاستجابة السريعة ..



حفظك الله .. اللي ( الهوز ) إذا تم تثبيته بالكبوت شلون أو كيف يتم إطالته وترهيم لي جديد له..

[منتعش]

ياجعل عيني ما تبكيك يا حبيبي على الاستجابة السريعة ..



حفظك الله .. اللي ( الهوز ) إذا تم تثبيته بالكبوت شلون أو كيف يتم إطالته وترهيم لي جديد له..



ما يحتاج إلى ترهيم
اللي يطول لأربع كفرات .

[فتى سدير]

اخوي اذاكان وكيله الشراع الي موجود في شارع الغرابي بالرياض وانا ماخذ نفس الي عندك من الوكيل ب200 ريال بس الكرتون والشنطة تختلف.....

[النوخذة الأحسائي]

http://www.mekshat.com/pix/upload02/images100/mk15897_img_6188_001.jpg

اللي صغير مرة حتى متر ما يجي

[لاتكب البيالة]

اخوي النوخذة اطلعت على ماطوري طلع نفس اللي معك وسعره عند الوكيل 200 او 210 والفرق بينهن الصغير قوته 150 والكبيير 250

[نباك]

اخوي النوخذه الي عندك اصلي وهذا هو سعرة بالشرقيه الاسعار الي يقولونها الاخوان عند الوكيل بالرياض

[المشكل]

الله يهنيك بجديدك
لو سمحت أنا عندي ابوجمل لاكن خربان تخبر أحد يصلحه أو يبي قطع الغيار حقه

[صقار الهواشم]

بيض الله وجهك اخوي

<STRONG><FONT size=3>لاكن وين ينباع

[ابوعدي]

مبروك يالنوخذه على الماطور يتربى بعزك:p
واللي معك هو ابو لي قصير وفيه نوع ثاني لي طويل
واشوف ان اللي معك افضل من ابو لي طويل من ناحية انه ما يحتمي ويصير دفع الهواء اضعف
لكن ليش لازم ترهيم بالكبوت دورله مكان بالسيارة يكون دايما فيه ولا تخلي احد يتعدى علي مكانه لو تاصل المواصيل والدم للركب وسمي هالمكان باسمه :D
وانا عندي واحد مثل هالمبروك والحمدالله اجره على الشوك ويصير جلد ماهو لك دفع الهواء اقوى (امثال ما لها داعي)
ارجو اني افدتك بشي قليل ياولد الأحساء

[سوبر152]

الباترول :: أنا مركب الماطور خلف اللوحة الأمامية بوسط الصدام له الأن 6سنوات

[الوسيطاء]

اخوي حبيت اقولك معلومه يمكن انك جهلتها يوم شريت الماطور الي معاك ماعليه ضمان

والي عليه ضمان الهوز متحرك مو الماطور المتحرك وانت شف عن الضمان وهو 6شهور

[بندر بريدة]

اخوي النوخذه موجود موضوع لاأحد الاعضاء طريقة تثبيت المطور با الكبوت دوره مع الموضيع المميزه وتحصله

[بندر بريدة]

اخوي نوخذة الاحساء هذي طريقة تثبيت الماطور


http://www.mekshat.com/vb/showthread.php?t=38248

[النوخذة الأحسائي]

ياحبي لكم يا أهل مكشات ..

والله أنك ما قصرتم ..

ولا هنت ياراعي بريدة ..


طيب يالذيابة .. اللي القصير هالحين وش الحل معه؟؟ !!

[منتعش]

هلابك أخوي الغالي : النوخذة
الحل الله يحفظك ويرعاك مثل ما قال أخونا الحبيب : ابوعدي
لا ترهم ولا شي خله على شد بلده
وتنقل به عند طلعاتك وحتياجاتك .

[abufahd]

الله يخلي لك البنية الي بالصورة وانتبه تنومها تحت التلفزيون لأن في ذلك خطورة عليها

[Avalanche]

نعم هذا أصلي ...

وهذه صور اضافية :D



http://www.mekshat.com/pix/upload03/images138/mk34212_25487.jpg

http://www.mekshat.com/pix/upload03/images138/mk34212_01a.jpg

http://www.mekshat.com/pix/upload03/images138/mk34212_02a.jpg

http://www.mekshat.com/pix/upload03/images138/mk34212_03a.jpg

http://www.mekshat.com/pix/upload03/images138/mk34212_04a.jpg


تحياتي لك ...

[B A R E K]

صحيح أخوي النوخذة هذا هو الأصلي ..


ومثل ما قالوا الأخوان لا تثبته أفضل .. لأن تثبيته يبي شغل ويبي ترهيم لي طوييل وشغلاااات ..


لكن ابي انبهك لشغلة راس الهووز اللي يدخل بالبلف نوعيته سيئة نوعاَ ما .. يعني لا يضيق صدرك بعد فترة مع الرمل وكذا راح يخرب وتحتاج تغير البلف بواحد أفضل بقيمة مما تتعدى 15 ريااال ..

[اتجاه السحاب]

لقد احسنت الاختيار ...
وهذا الاصلي فعلا,,

[راعي الصطحه]

بالتوفيق والله يبارك لك فيه

[معهم]

نعم هذا الاصلي بس النوع الثاني ابو لي اصفر الطويل انفع تثبتة بالسيارة واسهل عند الاستخدام

[NOYEB]

http://www.mekshat.com/pix/upload03/images138/mk34212_25487.jpg
هذا هو الاصلي من ابو جمل اخي النوخذه وقيمته بحدود 260 ريال من مؤسسة الشراع .
موفق

[ولد وايل..]

الله يبارك لك بها الوليد اللي بخلفيه الصووورة المنسدح ......


والله يا ودي اجغف خديداته... هههههههه


الله يحفظه لك ويخليه....

[سرهيد]

السلام عليكم

هلا بك

اعتذر منك على عدم على الخاص

وقد كتبت في توقعي اني غير متواجد

فالعذر منك والسموحة

والاخوان بيض الله وجهيهم ما قصروا

انا افضل هذا على اللي ليه طويل

اسهل في التعامل

ويطعمك خيره ويكفيك شره آمين

تقبل مودتي

[النوخذة الأحسائي]

لاهنتم وبارك الله فيكم ..

[أبوتركي الخالدي]

ماطور ابوجمل اللي ليه طويل متعب

ثانيا اللي ليه ضغير اتوقع انه اكثر دفع للهواء

ويريح الماطور من لو كان يدفع مسافة مترين

[فراس التميمي]

هذا الأصلي وما عليه كلام

[ابوصالح77]

الله يطرح فيه البركة
هو ما دام فيه استكر الشراع
مؤسسة الشراع :
في الرياض الغرابي
في الدمام شارع الملك سعود

[عبدالرحمن305]

هلا وغلا بالاخ النوخذه الاحسائي

مبروك على الماطور الجديد

والله يهنيك فيه

لكم اجمل واعطر التحايا

[اصيل نجد]

السلام عليكم ومساكم الله بالخير كلن باسمه اخوي (النوخذه) هذا الاصلي ميه بالميه ولايجي مجال للشك انا مركب بالسياره واحد نفسه بالضبط والان له 9 سنوات ولا صار فيه اي شي والحمدلله ويجيه شغل غير عادي واخر حلاوه هذا بالنسبه للماطور بالنسبه للي احسن شي تروح للصناعيه والماطور معك ورح للمكابس حقت الليات وخلهم يكبسون لك لي هدروليك بطول 50 سم ورح لشارع الريل تحصل عندهم ليات يجي لونها اصفر او برتقالي تحصله شكله مبروم يعني زي السسته وحط شنطه صغيره من الشراع شفها بسوق الخيام يعني جنب شارع الريل واشتر رقع تيوبلس امريكي واشتر عدد اثنين سكاريب خاصه بالرقع واحد مبرد وواحد تركب فيه الرقعه بس تكون ايدينها حديد تري البلاستك ينكسر مع الشد وخذ امريكي عطي الله لك وللزمن وبالنسبه للتغطيه الماطور صراحه انا لا اايد ذلك ابدا لاانه يسوي زياده حراره للماطور حتي لو كان شراعه مفتوح اعتقد ماله داعي طبعا هاذي نظرتي الخاصه (مع احترامي لنظره الساده الاعضاء)واسف على الاطاله وتجد الصور مرفقه للماطور وشنطه اللي وتوابعه تحياتي لك وللاخوه الاعضاء واداره المنتدى واسف على الاطاله للمره الثانيه :


http://www2.0zz0.com/2010/04/22/09/636581305.jpg (http://www.0zz0.com)



http://www2.0zz0.com/2010/04/22/09/635334192.jpg (http://www.0zz0.com)



http://www2.0zz0.com/2010/04/22/09/529017565.jpg (http://www.0zz0.com)

[SHAKIR]

اخواني الاعزاء انا وخوي لنا تجربة في نفس الموضوع اود ان اطرحها عليكم


وهي قبل اربع سنوات ذهبت انا وصاحبي واشترينا نفس الماطور المذكور (على فكرة تراه الاصلي)
انا اشتريت اللي القصير وهو اشترى اللي الطويل


علما اننا من ملاك الجمس يعني نفس الاستخدام
ودايم نطلع مع بعض


اتضح ان صاحبي كل مرة يغير اللي ومرة يرهم فيه حاجه وكل طلعة له تجربة مع الليات حتى انه في نهاية المطاف ركب لي قصير نفس اللي الي عندي وصار له من ابدع ما يكون .
ولازال ماطوري ذو اللي القصير شغال ومن احسن مايكون ومخصص له مكان داخل السيارة ولا ارضى بديل عنه ....


هذه تجربتي انا وصاحبي في موضوع الماطور وقصر اللي وطوله


فلا تشيل هم وانا اخوك ماطورك هو الاصلي ولاتغير فيه شي وخله داخل السيارة وحافظ عليه وراح يعيش معك من احسن مايكون
وتقبل مروري انت والاخوة الاعضاء


والسلام عليكم
:f

[ابونايف77]

السلام عليكم جميعا والله يعطيكم العافية على الموضوع

لكن انا جربت اكثر من ماطور وكلها اللهم لك الحمد تخرب لكن ماجربت اللي انتم تشرحون عليه بالصور وياليت تقولون وين الاقي مثله بالدمام ؟؟؟؟؟

اخوي ابو صالح 77 قال في شارع الملك سعود .... لكن وين بالضبط وش اسم المحل لاهنتو جميعا اللي يعرف تكفوووووون لا يبخل علي بالمعلومة

شاكر لكم جميعا عالموضوع

[ALOM3RI]

ابو نايف راجع الخاص

تم وصف المحل على الخاص