المساعد الشخصي الرقمي

مشاهدة النسخة كاملة : اخواني فيه ريحة بنزين طالعة من الشكمان


سلطان444
22/03/2010, 08:55 AM
بسم الله الرحمن الرحيم


السلام عليكم ورحمة الله وبركاته


اخواني معي يوكن 2001 امريكي ، من فترة بداء تطلع ريحة بنزين من الشكمان وكذلك ملاحظ زيادة بصرفية البنزين اكثر من الاولى .


اشار علي بعض الشباب بان اغير البواجي ، فغيرتها وركبت بواجي جديدة من الوكالة راحة يوم ورجعة من بكراء ، مع العلم مافيه تقطيع والحمدلله بس ماني عارف وش السالفة .


تكفون وش تنصحوني فيه وايش المشكلة برايكم .
المحتر77ف
22/03/2010, 09:06 AM
افحص البخاخات....
لبرتي
22/03/2010, 09:07 AM
وعليكم السلام والرحمة

هلا أخوي
أنت تاكدت ان البواجي اللي غيرتها أصلية ومناسبة لمكينة سيارتك !!
- تاكد من أسلاك البواجي انها توصل الكهرب .

الله يعينك وأن شاء الله يجي أحد الشباب اللي يفيدك أكثر
سلطان444
22/03/2010, 10:56 AM
وعليكم السلام والرحمة

هلا أخوي
أنت تاكدت ان البواجي اللي غيرتها أصلية ومناسبة لمكينة سيارتك !!
- تاكد من أسلاك البواجي انها توصل الكهرب .

الله يعينك وأن شاء الله يجي أحد الشباب اللي يفيدك أكثر

بالنسبة للبواجي اخذتها من اوتو ستار (Autostar (http://www.autostar.com.sa/))وقال انها اصليه وعلى الضمان ،، حتى طلب استمارة السيارة يوم اطلب البواجي منه .
سلطان444
23/03/2010, 09:41 AM
يا اخوان فحصت السيارة امس بجهاز وركب تحت الدركسون عن دعسات البنزين والفرامل ، وقال عندك حساس الاكسجين السنسور اللي على اليمين الخلفي ، لان موجود عندي اربع 2 يمين و 2 يسار والمشكلة عندي بالحساس اللي يمين وراء .


السؤال هل معقولة تكون من الحساس هذا صرفية البنزين وريحة البنزين اللي تطلع مع الشكمان ،،


وكيف يا اخوان افضل طريقة لحل هذة المشكلة ،،
رفيع المقآم
23/03/2010, 01:04 PM
يمكن يالغالي بس انت اسال خبراء
سسته
23/03/2010, 03:48 PM
طيب ... وش دخل البواجي بالاستمارة هو طلب الاستمار يبي رقم الهيكل ... اسمع وانا اخوك ... غير البواجي مع الاسلاك مع الصفاية حقت البنزيم ... واشترها من التقوى او بالبيد او الجميح ... وبإذن تروح مشكلتك . اتمنى لك التوفيق
ممدوح 2010
23/03/2010, 07:36 PM
وش دخل البواجي والاسلاك والصفاية بريحة البنزين
اخوي انت عندك مشكلة زيادة بنزين والحل حول البخاخات
nayf01
23/03/2010, 07:48 PM
خروج رائحة البنزين من الشكمان ناتج عن عدم حرق البنزين
سوبر VTC
23/03/2010, 11:09 PM
البواجي اذا كانت الشرارة ضعيفة مايحرق البنزين بالكامل
لانه يوجد بكل بوجي بوبينه او عدسة
اذا ضعفت او انتهى عمره الافتراضي
تكون الشرارة ضعيفة


لو كانت المكينة مهب صافية فالمشكلة من الكويلات تهريب كهرب
و اذا كان هناك تهريب كهرب
فان شرارة البواجي تكون ضعيفة و لذلك مايكون هناك احراق


منظم الهواء يقيس كمية الهواء الداخلة الى بيت النار و بالتالي يعادلها
بكمية البنزين المناسبة
لو كان خربان يسبب لخبطة

حساس الاوكسجين
يقوم بتحسس الكربون الناتج عن الاحتراق
و اذا كان الكربون زايد فانه يقوم بتقليل بخ البنزين بواسطة الكمبيوتر
لو كان الحساس خربان فان الموتر يصرف

فلتر الهواء لو كان مسكر يصرف الموتر
لان البخاخات تكب بنزين على حساب الهواء تعويض

الاسباب كثيرة

حساس الاوكسجين تحصله بالتشاليح بكثرة
من 20 الى 50ريال تقريبا


http://www.mekshat.com/vb/../pix/upload03/images124/mk11979_dirty_03.jpg



ان شاء الله هذا الرابط يفيدك


حل مشكلة Check Engine لمعظم السيارات وخصوصاً الأمريكية بالصور (http://www.mekshat.com/vb/showthread.php?t=251036)


رابط اخر بخصوص البواجي

معلومات قيمة تخص ملاك اليوكن والتاهو والجمس والكابرس عن الزيت والبواجي (http://www.mekshat.com/vb/showthread.php?t=195867)
سلطان444
24/03/2010, 09:13 AM
بيض الله وجهكم جميعا وعزالله انكم ماقصرتو ،،


وشكر خاص لخونا سوبر VTC للمعلومات القيمة وللرابط اللي افادني كثير وراح اقوم ان شاء الله بكل الخطوات اللي موجودة بالرابط ،، والله يسهل ويوفق اخوانا كبسولة على المجهود الرائع والمفيد للجميع