كرهت النيسان من عقبه الفزعه تكفون

[abo fai9al]

السلام عليكم كيف حالكم انا موتري فتك 2003 والمشكله هي ان الموتر بعض المرات اذا عشقت بالدي يمشي باول نمره بس ما يفصل للثانيه ( القير توماتيك وعايدي توبترونك) مع العلم اني من شريته ما غيرت زيت القير ومتخوف منه انا شاريه قبل شهرين والموتر هالحين ماشي 153 الف ( وودي اغير زيت القير بالوكاله اللي يعرف كم سعر تغيير زيت القير بالحمراني يعلمني )

اذا احد عنده حل لمشكلتي تكفون لا يبخل علي مع العلم ان هالمشكله تجي وتروح يعني اذا جت هالمشكله للسياره اطفي وبعد ساعه او ساعتين اشغل الموتر واطلع به ما فيه شي بس برضو عزمه لك عليه احس انه ما من عزم

وبعدين اذا جت المشكله للسياره اذا طفيت وشغلت تأشر لمبه (التشييك ) AT cheec وتطفي



والله اني احترت اخاف اوديه لواحدن يتعبث به ويلعب علي

[رفيع المقآم]

هلا يالغالي الله يحل مشكلتك باسرع وقت يالغالي انت رح وشيك سو فحص كمبتوتر ويعلمك وش المشكله ترى اللنبه تطلع عندك يعني المشكله بتلقاها بفحص كمبيوتر ان شاء الله بالتوفيق يالغالي

[راعي العشــه]

مرحبا اخوي ابو سيف
احتمال يكون من مبرد الزيت يجي في اسفل الراديتر
ومع الوقت يخرب خريطة القير حقك
وكل هذا باسباب حساسات
دمرونا بالسيارات اللي كلها حساسات
صارت معنا في سفاري 2005
شيك على مبرد الزيت

[سوبر VTC]

وين موقعك ؟؟؟

[هواوي تعديل]

تأكد من حساسات القير

[راع المنارة]

اخوي وسع صدرك انامعي باترل 2005 تماتيك ماشي 155000 وصارة نفس المشكلة بالتمام وصار السبب بزيت القير غيرة وراحت المشكلة مع اني فحصت بالكمبيوتر وغيرة البواجي وماصر شي وبع تغير زيت القير انتهت المشكلة ولله الحمد وسبق ان شخصين صارت نفس المشكلة وغيرو الزيت وانهى الامر ولو ترسل رقمك على الخاص افيدك اكثر ولااطلب من الا الدعاء بصلاح النية والذرية

[TNT 11]

السلام عليكم
تعقيب على كلام اخوي راع المناره
فيه كتاوت القير في الكبوت قد صارت لواحد من الشباب ووديناها لابو خطيب اللي بالتركي وغير الكتاوت وصلحت
واذا كانك من اهل الرياض رح لمه وبيفيدك


اتمنى اني افدتك

[سؤال كل جواب]

والله ما بعرف بس حبيت أشركك واقولك الله ييسرلك للي فية الخير

[راع المنارة]

اناقمت بتغير الكتاوت الموجود بالكبوت ومانحلت المشكلة الابعد تغير زيت القير

[abo fai9al]

موقعي الرياض




(( المشكله تجي وتروح ))

ودي ابدأ بالاقل تكلفه وش رايكم اغير الزيت ووين اغيرة

[abo fai9al]

وكم تكلفت تغيير الزيت عند الوكاله

[سوبر VTC]

اخوي
انت تحتاج لتنظيف كتاوتات القير و المكينة بالرفرف الايسر
+ تنظيف اللهاة + التشييك على حساسات اللهاة
و ان شاء الله يضبط الموتر
انت مر على ورشة التركي بالصناعية القديمة تخصص باترول
بجانب مركز ترايستار
و ان شاء الله تنحل امورك
لاتنسى تحط حل المشكلة
موفق

[abo fai9al]

يعني ما يحتاج اغير زيت القير


وكم التكلفه تقريبا

[قشميط]

فيه فيش مشبوك من الدفرنس للقير تاكد منه سعر 135 ريال

[و ا ك 700]

نصيحة رح لورشة التركي بالصناعية القديمة وهو يضبط موترك

رقم جواله 0504118191

[دليله]

قد علق علي القير في التغييرات مره بالثاني ومره بالثالث غيرت زيت القير والحمد لله رجع الوضع طبيعي وكنت ماشي بالزيت فوق المية الف .. ستر الله .."

[rigidman]

غير الزيت وانا اخوك قبل اي شي ثاني لا تبخل على موترك يبخل عليك

[salih100]

لا تنسى تحط حل مشكلتك ع شان نستفيد وشوكرررررررراً

[ابودعسان]

مشكلتك من الزيت غير الزيت عند الوكاله او اشتره من الوكاله وغيره عند محل ثقه