ابشروا يا عشاق الكراوين

[هديب الشام]

لقد رجعت هذا اليوم من رحلة صيد قريبة جدا ولقينا ثلاثة كراوين صدنا اثنين والثالث شرد من وكرية ما تعرف الكروان ( طبعا نحن جنوب حائل )وابن عمي في الشملي لقوا تسع صادوا سبع واثنين شردن وجرة الكروان في كل مكان والربيع واجد ولله الحمد يعني الكراوين هاضن.
بس اللي نكّد علينا احد الاحرار ضرب الكروان في الأرض وراغ عنه وانكسر جناحه كسر تكفون ياهل العرف وش اسوي فيه افزعولنا

[وهبى]

بالعافيه وشئ طيب الصراحه وتوفق بالصيد اكثر انشاله --------وهالسنه سنه فقر مرينا بها بالكويت وتصدق ماشفت جره ابد
وحتى كروان ماشفته
وبالعافيه يالغالى

[بو شهاب]

والله ودي افيدك بس مامر علي مثل هل موقف بصراحه وبنسبه عن الكراوين عندي سوال لو سمحتو وين وشلون احصل الكراوين؟؟
ومشكورين

[هديب الشام]

شكرا جزيلا ابوشهاب اما بالنسبة كيف تجد الراوين طبعا الكراوين لهن معابر كثيرة ولكن دور المكان الموسوم اللي فيه خضار ودور جرة الكروان ( يعني اثره ) في المسايل وفيي الأرض التي تثر وبعدين دور في اقرب حزم اورضام من اثر الكروان وان شاء الله تلقاه

[ورّاد]

أخوي هديب الشام 00 تستاهل الصيد 00 والله يبارك لكم وتاكلونهم بالعافيه 00 وعندي سؤال لو سمحت لي 0 وين إنت من جنوب حايل ؟ وحسب معلوماتي المتواضعة إن الكراوين تذكر (شمال السعودية ) عادةً بعد منتصف شهر مارس (3) 0 فهل هي سبقت؟ أم إنها تقيض هناك ؟
تحياتي,,,