عندي مشكلة باترول ربع والبطل يحلها

[كاسبر القصيم]

السلام عليكم

عندي مشكلة باترول ربع 2007

المشكلة : القزوز يحمر

كنت مركب هدرز كامل وكان يحمر اذا طعست او اذا مسكت الدائري

ومشيت 10 كيلو مع المكيف ووقفت فجاءة وفتحت الكبوت القاء القزوز احمر لين الدبه اللي تحت

قالو يمكن احدى الدبات مسكرة جيت وفتحت السدة ومشيت وطلع الهدرز احمر

قلت يمكن الهدرز حديدة ضعيف جيت ورجعته بلد ومسكة الدائري وطلع القزوز احمر لين الدبة

فيه ناس يقولون عادي هو اصلن من البلد يحمر

عدلت بالديلكوا 3 مرات ما فاد


ياليت اللي عنده حل لا يبخل على

او معه نفس الموتر من 2005 الى 2009 يجرب ويقولي

[مركزالعبد]

اعتقد انه عادي والله اعلم،،

اذكر ان الددسن يصير القزوز احمر بالليل !!! فما بالك بالجيب 4.8؟

شف لك موتر زي موترك من احد الشباب وشيّك عليه.

[كاسبر القصيم]

اعتقد انه عادي والله اعلم،،

اذكر ان الددسن يصير القزوز احمر بالليل !!! فما بالك بالجيب 4.8؟

شف لك موتر زي موترك من احد الشباب وشيّك عليه.


مشكور اخوي


صحيح حتى الهايلكس اذا ابطيت تطعس بالليل تشوف القزوز احمر ويمكن ياصل الى الشكمان


بس الصراحة تخاف منها

[الوسيطاء]

اخوي عندك زياده بلبنزين والتحدي قائم

[كاسبر القصيم]

طيب كيف اعرف توازن البنزين عندي

[سوبر VTC]

اذكر الربع يقولون
اذا كانت توجد دبة تلوث فانه تكتم العادم و تحمر القزوز بسببها
بدليل يغلون دبة التلوث حقت الفتك
الحل الاخر
مر على الكهربائي العثيم بصناعية الرواف خله يوزن الديلكو بالملي :good:
و هو خبرة ما شاء الله
ان مازان الموتر
مر على ورشة ابو خالد الخضير بطيق خضيراء
او الهبيش
او الصمعاني ابو عبدالله بالتشاليح

موفق

[لن أمل من العطاء]

هناك دبة او تكون اثنتين وقد تكون ثلاث دبات
وهي خاصة بالتلوث البيئي
متطلبات بئية عالمية وحنا ما حولك احد

المهم
عملية جراحية بسيطه
يشقون الدبات ويخرجون ما فيها وتخيط قصدي تلحم مكان الشق

وسمع الله لمن حمده

[adil33]

اوزن الديلكو وعملية وزن الديلكو لازم تكون على طريق مو بورشه حتى توزن وتجرب الى ان يضبط معاك باذن الله

[راع السفاري]

الله واعلم ياطيب ان عندك تنسيم بسيط في القزوز
او تاكد من البلوف والبواجي

[كاسبر القصيم]

مشكورين


الفلتر حق البيئه شايله

والديلكو وازنه بورشة ثم و زنته عند الخضير اللي بالتشليح ثم وزنته بورشة بالشارع التجاري وزن يدوي


ورحت الصمعاني يوم كنت حاط الهدرز ولا كان فية فايدة واللي بالخضيرا ما يعرفون

بس كيف اعرف وزن البنزين بالمكينة او وش الورشه اللي تسويها



ومشكورين على الردود

[سوبر VTC]

هل تقصد اللي التشاليح يوسف الخضير ؟؟؟
راعي المرهمات

اخر حل باذن الله
مر على العثيم تلقى عنده حل ان شاء الله
يوزن الديلكو بواسطة جهاز مثل حق تنشيف الشعر الاستشوار
موفق

[المتزن]

إذا الموتر كلبليتر عندك دفع بنزين زياده
ويكون دايم من العوامه الموجوده بالكلبليتر توزن وباذن الله ينتهي الموضوع
وتقبل مروري واحترامي

[كاسبر القصيم]

هل تقصد اللي التشاليح يوسف الخضير ؟؟؟
راعي المرهمات


اخر حل باذن الله
مر على العثيم تلقى عنده حل ان شاء الله
يوزن الديلكو بواسطة جهاز مثل حق تنشيف الشعر الاستشوار
موفق






صحيح اللي مريته يوسف الخضير الكدة

وسوالي فحص بالاستشوار وما فاد

وبروح للعثيم واشوف


ومشكور اخوي المتزن

بس السيارة بخاخ 4500

بس كيف اعرف انه عندي زيادة بالبنزين

[1988]

اخوي ابيك تأكد من توقيت المكينه وقت ما تكون السياره واقفه والمكينه بارده توها مشتغله والتشييك الثاني وقت ماتكون محتميه هل هو نفس التوقيت او اختلفت القرائه بعد التسخين اذا كان فيه اختلافات في القراءات معناه انه فيه مشكله بالتوقيت يعني فيه حركة تاخير بالشراره الصادره من الديلكو يعني تكون مرحلة الاحتراق خارج غرفة الاحتراق او متوزعه بالنصف مابين غرفة الاحتراق ولحظة فتح البلف لخروج العادم من غرفة الاحتراق(المفروض بهاللحظه من مرحلة الاحتراق يكون البلف قافل لكن عندك المشكله الشراره متاخره يفتح البلف ما جت شرارة الاشعال) الشرح الموضح اعلاه لحفظ الحق منقول عن ابو صالح التركي

[كاسبر القصيم]

طيب ممكن يكون البواجي او حدى البواجي خربانة

[اسدهم]

اخوي اشوفها طبيعي اي سيارة يحمر القزوز مافية اي مشكلة واللة لو تسوي اي شي طبيعي
مايبيلها عرف

[كاسبر القصيم]

طيب كيف اعرف زايدة البزين بالمكينة

[vtc30]

انا لامني طلعت النفود جمر لين الدبه ويطلع نار مع السده

الموتر باترول 93

[سوبر VTC]

لو البنزين زايد كان تلاحظ ان الموتر يصرف :good:
هل هو يصرف ؟
ايضا تلاحظ كربون اسود
خل احد ربعك يدوس للموتر
اذا طلع كربون فهو يكب بنزين
نقطة اخرى مهمة
لازم توزن البلوف
احتمال احدهن مسكر او ثقيل
موفق

[salih100]

تجمير القزوز خرررررررررراب مو طبيعي وخصوصاً اذا كان ممشاك طبيعي مو تطعيس ولا مجاكر,,,,,,,اما اذا كنت تطعس فعادي يجمر فترة الشحط بعدين يبرد وترى من مسببات اشتعال السياره لا قدر الله,,,,,,,,وبالنسبه للبلف اذا تقفل ما يسوي كذا وترى السياره مو طبيعيه يعني الي يقول انه طبيعي في الظروف العاديه !!!!!!!!معليش يعني

[abrahim]

انا نعي باترول باب 2003هدرز وكله احملر اعتقد عادي

[1988]

وييييييييييييييييييييييييييييييين عادي وين عايشين

[Abu Sary]

تهريب أو شعر بالقزوز ، فيه تهريب هواء بالقزوز ،
المشكله " بالقزوز " 100%100

بالتوفييييق ،













( اللهم حسن الخاتمة )

[كاسبر القصيم]

لو البنزين زايد كان تلاحظ ان الموتر يصرف :good:
هل هو يصرف ؟
ايضا تلاحظ كربون اسود
خل احد ربعك يدوس للموتر
اذا طلع كربون فهو يكب بنزين
نقطة اخرى مهمة
لازم توزن البلوف
احتمال احدهن مسكر او ثقيل
موفق






اخوي للحين مازانت المشكلة
ورحت لعثيم يقول ما اعرف
ياليت اذا عندك الحل عطني اياه

[TNT 11]

الشباب ماقصروا
عطوك اللي عندهم
وانا عندي اضافه بالنسبه للي يقول ان البلوف ماتسوي
البلوف تخبط بالموتر اذا كانت شاده
اسئل مجرب
بس فيه سؤال ؟؟؟
تحس ان الموتر عزمه ثقيل(يعني مكتوم)
والحراره كيف؟؟؟؟؟؟؟
باذن الله الحل نلقاه


من سار على الدرب وصل
(خطوه خطوه)






___________________

[ساري 111]

يابن الحلال عادي موتري نفس الوضع اطرق فيه خطوط وبران وماشفت إلا العافيه

[كاسبر القصيم]

الشباب ماقصروا



عطوك اللي عندهم
وانا عندي اضافه بالنسبه للي يقول ان البلوف ماتسوي
البلوف تخبط بالموتر اذا كانت شاده
اسئل مجرب
بس فيه سؤال ؟؟؟
تحس ان الموتر عزمه ثقيل(يعني مكتوم)
والحراره كيف؟؟؟؟؟؟؟
باذن الله الحل نلقاه



من سار على الدرب وصل
(خطوه خطوه)







___________________

مشكور
الحين اوزن البلوف ولا ما اوزن
بعدين لا احس بكتمة والحرارة كما هو المعروف اذا مشيت بالسيارة 170 ترتفع فوق الربع بشوي

وحيبت اسال ساري 111
انت تقول سيارتي امشي عليها ولا فيها شي
طيب وش سيارك ؟
وهل سويت نفس طريقتي وفجائة وانت بالخط فتحت الكبوت وشفت القزوز؟


معليش بعض الشباب يقول ابدا سيارتي ما تحمر القزوز
اقولة طيب فية مرة من المرات مسافر ونزلت فجائة وفتحت الكبوت ؟ اكيد بيقول لا

طيب كيف عرفت ان سيارك ما تحمر بالخط

[rigidman]

انصحك بتغيير فلتر الهواء وان شاء الله تخف حرارة الاكزوست

[ساري 111]

وحيبت اسال ساري 111
انت تقول سيارتي امشي عليها ولا فيها شي
طيب وش سيارك ؟
وهل سويت نفس طريقتي وفجائة وانت بالخط فتحت الكبوت وشفت القزوز؟

سيارتي هدد 2007
اذا طعست او مسكت خط يصير زي الجمره
وموتري شد بلد ماجاه لاترهيم ولالعب

كثير من الناس يتوقعه مهب طبيعي لانه مايلاحظه إلا راعي الجلد ومايشاف إلا بالليل

[ابو علي 99]

هلا بالغالي

لا تلعب بموترك وتتخسر

الحين القزوز وش وضيفتها اعرف وضيفتها وبعدين تقتنع

اكيد بتصير حمرا اجل من وين يطلع فايض الانفجار في الماكينه

والله العالم ان رجلك حاره مو شوي قوه