شفت الحبارى وفكيت سبق الطير...وأذا الحباري فيها جهاز! (تعالوا شوفوا وش صار)

[بـــن خــتروش]

السلام عليكم ورحمة الله وبركاته


اخواني الاعزاء ..
الصراحه اشتقنالكم شوي عليكم لكن اتمنى ان تكونوا بصحه وبكل خير اللي اعرفه واللي ما اعرفه والله يجمعنا على خير
استغفر الله العظيم واتوب اليه من كل ذنب اثيم اللهم لا تجعلنا في مقانيصنا وفي جلساتنا وفي حياتنا من الغافلين عن ذكرك
اما عن اخباري واحوالي لمن سأل عني ابشركم اني بخير وبسهاله على هدد كراوين من بداية الرجوع اللى هذا اليوم وقد زارني اخواني من السعوديه هذي السنه وقنصوا عندي والحمدالله توفقنا بصيد الكراوين فالربيع الي اليوم اما سالفة الحبارى فهذي قصتها ...
قبل يومين بالضبط رحت انا وخوي للدعو وتوني اركب الريشه بواحد من الطيور ببدأ الدعو الا الجوال يرن ارد ولا لا يالله ارد ...الووووه مرحبا منوه ... واحد من العيال يقول الحق ما تلحق حبارى درج قدامي ..يافلان بدل غير ..قال حبارى عجل علي انا جنب استراحة الطيور 5 كلم بالضبط وسكر التيلفون اقول لخوي اللي عندي ابشر بحبارى على طول قال والله لتهذ عليها طيرك الجير شاهين فزعه نباه يصيد قبل الربطه خاصه ان الطير قاطع وهد علة كل شي الا الحبارى ماشافها لليوم قلت مانختلف بس حرك الساعه 5 المساء وقت هدد وهات طيرك لا تروح علينا خلك جاهز المهم... بيني وبين الحبارى حوالي ربع ساعه بس شوي نتسابق انا وخوي لين وصلنا عند الربع ولن الحبارى ناير 30 متر عن العيال اللي معينينها وقفت وقمت اطالع واللي شفته وفكرت فيه راح تعرفونه من خلال هذي الصور المنقوله واللي مصورنها بنفسي
http://www.m5zn.com/uploads/2010/3/24/photo/i0a0szcyd6emaq27.jpg (http://www.tobikat.com)
اول ماشفت الحبارى شفت جهاز الارسال وكان واضح
,,,
http://www.m5zn.com/uploads/2010/3/24/photo/u0nje65ndo.jpg (http://www.tobikat.com)
تذكرت الجهود المبذوله للحفاظ على الحبارى من الانقراض
,,,
http://www.m5zn.com/uploads/2010/3/24/photo/fx0c6zru0sanol2o3.jpg (http://www.tobikat.com)
واطالع في الحبارى اهد ولا ما اهد طيري غالي ودي اقيضه صايد ولو وحده وهذي فرصه
,,,
http://www.m5zn.com/uploads/2010/3/24/photo/k0vj80ov.jpg (http://www.tobikat.com)
اتذكر ولد الحبارى والتعب المبذول لين يكبر في الاسر
,,,
http://www.m5zn.com/uploads/2010/3/24/photo/mggw4c5y9or.jpg (http://www.tobikat.com)
صورة ثلاث حبر ابرك من صورة واحد بروحه
,,,
http://www.m5zn.com/uploads/2010/3/24/photo/2l101ac3g0.jpg (http://www.tobikat.com)
يازين شوفها مع فروخها
,,,
http://www.m5zn.com/uploads/2010/3/24/photo/l3q3by71.jpg (http://www.tobikat.com/)
اولادنا بكره وش راح يبقى لهم
,,,
http://www.m5zn.com/uploads/2010/3/24/photo/i31zb0gt9ylg5w6w.jpg (http://www.tobikat.com)
اللهم لا تجعلني من المسرفين
,,,
http://www.mekshat.com/pix/upload04/images153/mk8675_k3.jpg
وين بنقنص بنجتمع
,,,
http://www.mekshat.com/pix/upload04/images153/mk8675_k4.jpg
وش بيجمعنا ويا الربع مثل مقناص الحبارى
,,,
http://www.mekshat.com/pix/upload04/images153/mk8675_k5.jpg
يابوحمد وش يعادل هالفرحه
,,,
http://www.m5zn.com/uploads/2010/3/24/photo/vqt4mscqxe.jpg (http://www.tobikat.com)
مستحيل يعيض في الحبارى لو ان مقناصه ونيس
,,,
http://www.m5zn.com/uploads/2010/3/24/photo/azkpkwfqzk4cks5zo52.jpg (http://www.tobikat.com)
خلها تروح وتتكاثر ولا تضيع الجهد اللي مبذول على هذي الحباري



وش رايكم يالربع خلينها ولى هدينا عليها صادها الجير الشاهين ولا راحت علينا... حط نفسك مكاني وش تسوي اتمنى يعجبكم الموضوع وكل واحد يقول رايه بصراحه ويكتبه ونشوف الراي الاكبر مع صيدها ولا تركها ...؟
وانا انشالله اخبركم وش صار معانا بعد ان اقرا ردودكم
وتحياتي لكم جميعا

[طير الهقاوي]

وعليكم السلام ورحمة الله وبركاته

ماقصرت يا الحبيب على هصور الزينه وبالتوفيق انشاءالله

[شنقاري]

الله يعطيك العافيه


لا تعليق

[مشبر البران]

عن نفسي والله ما أصيدها
لو عطوني 10000

[قشميط]

هد يارجال وتونس انت وخويك

[شروركي 111]

ياخوي سوالف زي الصقارين ... واخلص علنا ....

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / بن ختروش
اتوقع انطلق الطير وحلتوا بينه وبين الحبارى
فعل طيب ومتوقع من بن ختروش وشرواه من الطيبين
واللي تشوفه كــــلنا شايفيــنه .. ترك الحبارى عقب هذي مهو عيب
العيب والله من يخرق السفينه .. إمواطــنــيــن كـــــان والا معازيب
وانته وانا اللي مثل هذا ندينه .. ولو قـــال ياايا مـا يلاقي له إمجيب


مشكور يابن ختروش والكروان يسد خريمة الحبارى هالأيام
الحمدلله اللي قرينا لك وتطمنا عليك
*
والسلام
الفيتو
الحجاز
8-4-1431هـ

[عاشق التوام]

http://www.m5zn.com/uploads/2010/3/24/photo/mggw4c5y9or.jpg (http://www.tobikat.com/)
صورة ثلاث حبر ابرك من صورة واحد بروحه

حكيم طال عمرك وكلمتك بهذي الصوره تدل على تفكيرك السليم وبيض الله وجهك يالذيب

[راعي جزلا]

مشكور اخوي على الموضوع لاكن اذا انك قانص ومستانس على الكراوين خلاص يكفي خليها تروح
ويرزقك الله انشالله

[برق بريده]

صراحه انا ماني راعي طيور لا كن اخليه افضل حتى لو اني راعي طيور راح اخليه لان موجود عليها الجهاز ومتعوب عليه


الف شكر لك

[علي الصقار]

انا رايي خليها ان شاء الله الموسم القادم تصيد الخرب العود

[صاحب نوماس]

والله لو اني مكانك كان ماهديت

وانت حكيم واكيد انك ماهديت


ومن ترك شي لله عوضة خير منة


بيعوضك الله بالاطيب ان شاء الله ويبي يهد جير الشاهين وتبي تتنومس ان شاء الله

[نمر الصحراء]

السلام عليكم ورحمة الله وبركاته
لوانا في مكانك ماهديت

[الشاطر ماطر]

احسسن ماسويت صحيح فيه ناس تدور فرصه تهد وانا ادور ربع فرصه عشان اشوفها بس وبدون هدد وتقبل مروري

[حزين السلق]

ما شاء الله عليك

[إبن ورآن]

حبيت اشاركم في الموضع انا والربع اول الصفري عينا جرت حباروين جميعا وقصينا جرتها شوي وطلع طير مع واحد من اخواني وصاد وحده والثانيه طارت وهديت حر معي وصادها وحلوت اعشي الطير وانتبه الي الحباره فيها حجول وراسلت اخوي الي عند طيره وقال حتى هذي فيها حجول بس اخبر التفريخ تجي وثله بس هاذي مشرد بس والله ماوفرنها

[فارس طيء]

ابيـض وجـه وعـزالـلـــه ان الـي ربـــاك شـيـــخ الـلــــه يغـفـرلـه

عـنيــت بـنـــســلـك وطـــــاب اليـــوم قرنـــــاســه ..... واهـــــداك درب(ن) مــــــا يعــــرف المخــــــــاسيـــــر

تـحيــــاتي
اخـــوك/ فــارس الفـــارس الشـمـــري

[القرناس المهاجر]

حي الله بن ختروش

بعد هالكلام الزين ماظنك تهد عليها :)

والماضي اللي راح مايرجع .. لكن نسأل الله الغفران

احزنتني هذه الصورة :( :(


http://www.m5zn.com/uploads/2010/3/24/photo/i31zb0gt9ylg5w6w.jpg (http://www.tobikat.com)

شكراً ولاهنت :good:

[ابوضاري]

والله اذا كان في وقتها معنى طير ماهد هالسنه
نبي ندوس الراي ونشوف وش الله يكتبه

[مرهف]

مااقول غير بيض الله وجهك والله ومجهود جبار تبذلة المراكز والمحميات لاكثار طائر الحبارة مشكورة عليها

[ابـــًًو تركـــًي]

مشاء الله عليك

[ذراع الذيب]

السلام عليكم ورحمة الله وبركاته
مسيت بالخير يابن ختروش,,

يالله ان تحييه ومن طول الغيبات جاب الغنايم ياحي ذا الطاريسواه ماحدن يسويها ابد واللي مثلك
قليل والكراوين تبي تكفي وتوفي وانت كفيت ووفيت بهالموضوع السلس الرائع ولاهنت سلم واسلم,,
تحياتي لك,,

[ابو امنه]

الله يجزاك خير
لا تعليق

[المزروعي]

والله يا بومطر إن ما خاب ظني أعتقد أنك ما هديت على الحباره !!! بيض الله وجهك و أشهد انه قليل إللي يمسك أعصابه في هذا الوقف

[منصور الشمري]

يعطيك العافية على النقل اكثر من رايع

[الكايد 123]

مشاء الله تبارك الله

[بـــن خــتروش]

الاخوان اللي ردوا على موضوعي الله لا هانكم ولكم الشكر بدون استثناء والقصد هو معرفة ارائكم في الموضوع اما عن الحباري ابشركم انها روحت بخير مشينا وياه شوي لين شبعنا منها شوف وحرام ماطلع طير عليها لا عندي ولا عند خوياي وكان رايهم كلهم مانهد عليها وطيرتها اللي محميه قريبه صعب الدخول فيها وعيني عليها لين حلت في المحميه وهذي نهاية السالفه

وجهك ابيض يالمزروعي وتسلم على المرور

ويجزاك خير يابو امنه

ذراع ذيب الله يمسيك بالنور والرضى والله اني احب هالمنتدى من كثر ما احب في الله الناس اللي مشاركين فيه

صقار الوجه تسلم ياخوي

مرهف ووجهك ياخوي لازم نحاول نحافظ على هذي الجهود قدر الامكان

والله يابوضاري ماعاد فيها ظرب راي بعد ماشفنا الجهاز والطير والله اني ادوره حبارى ماشاف لين اليوم وتسلم على المرور

القرناس المهاجر الله يحييك ويبقيك ياخوي الصوره تحزن كل صقار عنده حب للطير والطبيعه

فارس طي الله يرحم والديك ويرحم امواتنا واموات المسلمين وبيض الله وجهك

ابن ورآن تسلم على المرور ياخوي ولكني انا شفت الجهاز واضح انا الحجول ماتنشاف ولا تتابع مثل الجهاز

حزين السلك تسلم ياخوي

الشاطر ماطر كلامك صحيح وتسلم على المرور

نمر الصحراء هذا اللي صار وتسلم على شعورك وهذا الامر اللي نبا كل صقار يسويه

صاحب نوماس جعل فالك الصيد والنوماس والله يعوضنا بشوفك انته والربع وباللي اطيب من الحبارى

علي الصقار هذا الراي العدل وتسلم ياخوي

يامرحبا يابرق بريده رايك ياخوي راي الصقر الفاهم والمقدر لمجهود غيره بارك الله فيك

الفيتوا ياخوي لك وحشه ومبطين من اتصالك وابرك موضوع اللي بيجيبك انته والربع وياليت نتشرف بزيارتك وربي يسلمك على مرورك وردك

[بـــن خــتروش]

يالربع اسمحولي على عدم الترتيب في الرد

الكايد تسلم ياخوي

منصور الله يعافيك وتسلم على المرور

السموحه من الربع اللي مارديت عليهم وانشالله ارد عليهم بس الجهاز شكله بيفظي

[بو غازي]

الاخوان اللي ردوا على موضوعي الله لا هانكم ولكم الشكر بدون استثناء والقصد هو معرفة ارائكم في الموضوع اما عن الحباري ابشركم انها روحت بخير مشينا وياه شوي لين شبعنا منها شوف وحرام ماطلع طير عليها لا عندي ولا عند خوياي وكان رايهم كلهم مانهد عليها وطيرتها اللي محميه قريبه صعب الدخول فيها وعيني عليها لين حلت في المحميه وهذي نهاية السالفه







بيض الله وجهك انت وأخوياك
فعلا موقف من الصعب ان تمسك اعصابك فيه
لكن مهيب غريبة عليكم
:)

[بـــن خــتروش]

السموحه على عدم الترتيب في الرد يالربع

طير الهقاوي مشكور على المرور ياخوي

شنقاري مرورك كفى ووفى تسلم ياخوي

مشبر البران الله يبارك فيك وهذا الصح

شروكي فالك طيب والسموحه منك ياخوي وهذا انا كملت السالفه عشان خاطرك

الفيتو هذي ثاني مره ارد عليك وابياتك جميله مثل حظورك ياخوي

عاشق التوام الله لا هانك على مرورك وردك ياخوي

راعي جزلا ابشرك ياخوي مستانسين بالكراوين ولا بلاهن مدام هالمنتدى يجمعنا على عز وطيب

بوغازي هلابك ياخوي وماعليكم زود توني صدت ردك واستانست الله يونسك دنيا واخره

[عاشق المقناص3]

يعطيك العافية





وما قصرت

[أبو رداد]

وعليكم السلام ورحمة الله وبركاته
بيض الله وجهك يابو مطر ......... وعسى الله يعوضك بفروخها

[قهد ابوسلمان]

انا من ناحيتى أعتقها لوج الله ويرزقنى الله باحسن منها لاانها بالحق اهى حلال ناس ومجهدين عليها وتقبل مرورى اخوك ابو سلمان

[محمد الفهيد]

الله يعطيك العافيه

وفعلا موقف موب بسيط
انا أعتبره امتحان للصقاقير وأتوقع نسبة الي بيجتازه 2 %

وننتظر ردك

وهذي الصوره كل ما اشفتها ابي أكذب عيني وللأسف تمغث الصوره والاسراف
http://www.m5zn.com/uploads/2010/3/24/photo/i31zb0gt9ylg5w6w.jpg (http://www.tobikat.com/)

تحياتي لك ياغالي

[المري]

عسى الله يعيضك بأبرك منها يابومطر ويرزقك

اخوك - المري

[شقأوي شمألي]

|[مشكـُـور يـالغـالـي ]|

|[ولاهـنت على الصـور ومـأقصـرت]|

[راعي أنقره]

السلام عليكم ورحمة الله وبركاته
من ناحيتي بيض الله وجهك
وانشاء الله تشوف الأجوال إلى ان تقنع
وتهد وتستانس

[المغيض]

الله يعطيك العافيه وبارك الله فيك وجعلها الله في موازين حسناتك..
تقبل مروري

[@قرناص@]

بيض الله وجهك ,,

فـعل طيب ولايسويه اي واحد ..

وعسى الله يعوضكم بأطيب منها ..

[البراء آل عثمان]

أحيك على قيمك وأهدافك

[صقار بني ياس]

سلام الله عليك ي بن ختروش

والله نعم ما سويت

صدقك والله

لو كل حبارة انشوفها وانصيدها جان ما بقى للجيل الياي شي

نعم الصنع صنعك ويزاك الله ألف خير

ولو كنت مكانك لسويت سواتك

تقبل مروري

صقار بني ياس

[ابوسعد 3]

وعليكم السلام
بيض الله وجهك وماقصرت .

[بـــن خــتروش]

الله يمسيكم بالخير

جميع الاخوان...
مشكورين على الردود وبيض الله وجيهكم وانا ماسويت غير اللي كل صقار منكم اتوقع انه يسويه وتصدقون الربع اللي عرفوا بالسالفه حولي كلهم يهنوني كاني صايد 10 وكلهم يقولون سويت الواجب الصحيح وفالكم الصيد والوناسه والسموحه وقتي ضيق ولى ودي ارد على كل واحد باسمه

سلامي للجميع
وخاصه الادراه اللي ثبتت الموضوع

[اااالحبردي]

لو كنت مكانك هديت عليا ونومست طيري قبل الربطه
وهذي علعموم صيده ان تركتها ماتركها غيرك
ولكن بشرط مايكون معها فروخ

[دواء لعيون]

بارك الله فيك علي تخليت سبيلها وتخلفها في عز الموسم القادم بعشر نشالله وارحم من في الارض يرحمكم من في السماء

[ذيب العرمه5]

الله يعطيك العافيه
يابن ختروش
ويبيض وجهك

[ألحر العراقي]

بارك الله فيك الله يرزقك بالخرب العود

[Cyber]

والله ونعم فيك

والصيد صيد العلم الغانم من الناس الطيبه مثلك طال عمرك

ولازم كل صياد يكون بنفس ثقافتك والله يكثر من امثالك

[حزوبر]

وش فيك يابن حتروش خليتني على أعصابي!!!
وانا ادعوا الله انك ما تخيب ظني فيك يالصقار
يبن حتروش الصقاره والفروسيه تهذب الأخلاق، وتخلي الرجل عفيف عزيز نفس، شجاع ومقدام، لكنه رحيم عفوا عند المقدرة
وهذي صفاتك، ومهي غريبه عليك هذه الفعول
بل تفعل اكثر من كذا
قول أمين؟
الله يعتقنا وياكم من عذاب النار
وما تركته لله أسأل الله ان يعوضك بخير منه
أخوك أبو عبد الرحمن

[المارد1]

صراحه انا ماني راعي طيور لا كن اخليه افضل حتى لو اني راعي طيور راح اخليه لان موجود عليها الجهاز ومتعوب عليه


الف شكر لك

[أخو المري]

حي والله ذالراس يابن حتروش


عز الله عداك اللوم


وبيض الله وجهك


بكره ان شاء الله تبيض وتتكاثر كلها بفضل الله ثم بفضلك


بس بصراحة

احييك على تمالك نفسك لين شفت الجهاز؟؟؟؟؟؟؟؟؟؟؟؟؟؟؟؟


(( من ترك شئ لله عوضه الله خير منه ))

البركة فالكراوين ذلحين


تقبل مروري واعجابي

[تـقوى الهجـر]

ماشاءالله عليك يالذيب
والله ماهد على الحبارى
ااستانس على الكروان
والله يرزق الجير شاهين بالخرب الارزق

[حمد القناص]

:f ماشاءالله عليك:f

[راعي طلاع]

ما شا الله عليك على ارادتك اللي يوم
شفتها ما هديت عليها ويعطيك العافيه

[1231]

بنـي خالـد لا عدينـا القبايـل
هل الوقفات في ايـام صعيبـه

حمو بيض الحبـارى وعتوقهـا
وقام السيل يدرج مـع شعيبـه

[عبدالرحمن السالم]

هذا الكلام ، ماشاء الله تبارك الله
الله يوسع صدوركم بالعافيه
صايدين وفايدين

موفق خير

[صقار الخرج]

مع احترامي للجميع والله لهد
لنهالك ولى للوحش

[احسسسأس]

مشكووووووور
لا تعليق
مدري وش يصير بها الموقف
مدري بس

[aboraad0550]

الله يعطيك العافيه على هل موضوع

[يوسف الخليفة1]

وين الحباري داهلات النجاجيد=راحت يابن ختروش في خرج الاجواد
ما عاد فيها بالصحاري شواريد=يدوج قناص الكراوين ما صاد
سود الليالي دايره كنها القيد=والا كما عقل الجمل دون الاذواد
الصيد يرهف مثل ذيب المباعيد=ما فيه مرح وراثعن فيه الاجهاد
ما تذكر ايامن وفيرن بها الصيد=يوم الوحش دايم على الجول هدّاد
اليا استوا الموتر بحزم الجلاميد=والطير فرع وانتهض كل صيّاد
يوم الحباري بالمشاجر ملابيد=يطريها باطروق النبا كل قصّاد
عندي على قولي صمال الشواهيد=ما تاه فيهم بالدواريب نشّاد
اللي لهم مع ماضي الوقت توريد=ذولا مداغيش النجايع بالانجاد
واليا لفيت الرس واحداهم تريد=ينبيك بدر وعايدن وابن فهّاد
وابو سعد والزول وانجيب وانزيد=علي وابو سلطان واعداد واعداد
ناسن على درب الصقاره مجاليد=ليت الزمان بقدرة القادر يعاد
لكن هوانا يرتخي طوع للبيد=لو هي شحيحه والسلم تحتها قراد
نروق بارتوج الخلا والمنافيد=والدوح الاعزل والشويّه لنا زاد
هذا ولعنا ما شكينا التلاهيد=والذيب مثلك يا فتى الجود ما حاد
ما يجهله علمي وهو علمه مفيد=ماشي على سلم العدايل والاجداد
يابو مطر ميعادها لانقضى العيد=اليا افطر المسلم وروينّ الاكباد



والقصيدة على الرابط التالي


http://www.mekshat.com/vb/showthread.php?t=283763 (http://www.mekshat.com/vb/showthread.php?t=283763)


وبارك الله فيك أخي الفاضل بن ختروش والشكر الجزيل

[ذراع الذيب]

السلام عليكم ورحمة الله وبركاته,,
مسيت بالخير يابوعبدالله ,,

وصح لسانك ويستاهل ابن ختروش ولاهنت على هالقصيده,,

ما تذكر ايامن وفيـرن بهـا الصيـد

يوم الوحش دايم على الجـول هـدّاد

اليا استوا الموتـر بحـزم الجلاميـد

والطير فرع وانتهـض كـل صيّـاد

يـوم الحبـاري بالمشاجـر ملابيـد

يطريها باطروق النبـا كـل قصّـاد

[الشقاوي22]

مشاء الله
الله يبارك فيك

[صقراليمامة]

شكرا لك على الجهد وماقصرت

[elsayad]

جزاك الله خير الجزاء وعوضك خيراً عنها إن شاء الله وتستاهل يالطيب .

[يدوي الشرق]

مشاء الله عليكم

[يدوي الشرق]

,,,,,,,,,,,,,,,,,,,,,

[مقناص الكويت]

وانا اخوك لو شايفه للحين طرده هههههههههههههههههههههههههههههه اذا منت صايده انت غيرك يبي يصيده

[بـــن خــتروش]

يامرحبا ومسهلا بالجميع والسموحه على عدم الرد عليكم بسرعه ..اشغال الدنيا الله يكافينا واياكم شرها ويسلم كل من شارك بالرد على الموضوع وتستاهلون الرد كلن باسمه ولكن المعزه في القلب للجميع
اما مشرفنا وشاعرنا الغالي يوسف الخليفه1
اقوله بيض الله وجهك على هالقصيده الرائعه ويشهد الله انها سرتني كثيرا واستانست وانا اقراها اكثر من مره وهالشي مايدل الى على طيبك واهتمامك بالموضوع وبالصقاره يابودعيج وعلى شاعريتك الجميله يالشاعر تستاهل الطيب
اتشرف بمرورك وقصيدتك ولا تبخل علينا بجديدك اخوك خليفه بن ختروش

[الصبيحي22]

الله يكثرمن امثالك ويزيدك من اصيد

[راعي المرباع]

تقرير رائع جداً تشكر عليه ياخوي

[الحر9]

يعطيك العافيه ع طرح الموضوع

[محمد النعيمي]

جزاك الله خير

[حامل المسك 1]

ماشاء الله

[فهد33]

والله أنا لو شفتها ومعها الجهاز كان اقلع الجهاز وأوديها للبيت وأصور جنبها وكل ماطلعت للبر أخذتها معي وش أخليها له بهالبران يبي يجي غيري ويصيدها .