استفسارين .....صقا الأسياح

[صقار الأسياح]

السلام عليكم ورحمة الله وبركاته
اخواني عندي استفسارين الأول
الطير يرف جنحانه على الوكر بشكل متواصل احيانا لين يتعب بفتح فمه وهو يرف
السوال الثاني الصوص هل هو مفيد للطير بالربطه وكم مره بالاسبوع

[بو غازي]

السلام عليكم ورحمه الله وبركاته
بالنسبة للطير الي يرف على وكره عادي وشي طبيعي واغلب الطير ترف على الوكر لين تفح.
اما بالنسبة للصوص يمدحونه للريش لكن انصح انك تنتبه منه لانه خطير جدا اذا ابطى في الحرارة احتمال انه يذبح الطير لانها قد صارت عند واحد من الربع طلعه من الفريزر وابطى شوي بالحر وعطاها طيوره والنتيجة موت ثلاث طيور والطير الرابع فكه الله.
يعني تكون حذر في استخدامه.
تقبل مروري.
:)

[راعى شاهين]

افادك خبيرنا المخضرم ابو غازى جعل ربى يحفظه من كل شر اما بالنسبه لرفيف الطير جناحه عندنا وعندك خير اغلب الطيور كذا

[نمر الصحراء]

افادوك الاخوه الله يجزاهم خير

[فارس طيء]

يا مرحبا يا صقار الاسياح

الاخ ابو غازي ما قصر الله يجزاه خير

عندي اضافه بسيطه بالنسبه للصوص

الصوص يالغالي زين للطير ولكن حاول التنويع بالغذاء لان الصوص يفتقر لعدة فيتامينات وللكالسيوم بالذات وهو مهم لنمو ريش الطير ولعظامه.

وبالنسبه لي انا اجيب لي مية او ميتين فريه (سمان) وحللها وعقب افرزنها زي ما هي لمدة لا تقل عن الاسبوع واعطيها الطيور. منها روباجه ومنها جميع ما يحتاجه الطير وخصوصا المصران لانها تحتوي على فيتامينات مهمه جدا ولا توجد الا بالمصران. ولو تحط على عشاء الطيور فيتامينات بين فترة وفترة تراه ازين.

لا تخاف من الدود الله يكرم السامعين لان الفرزنه تقضي عليه وعلى بيضه. وعليك بالسمن السمين المتعافي.

هذي الطريقه يتبعونها مزارع التفريخ الي عندهم ازواج تقعد بالسنين ما تشوف لها بيطري!

تحياتي للجميع

[7or 100]

افادوك الاخوان

[الكايد 123]

افادوك الاخوان

[علي الصقار]

افادوك الربع

[((السنياري))]

عطاك العلم

يرف على وكره خير وبركه

ابرك من الي يكافخ

الصوص بين فتره الى فتره

[قناص الهمله]

افادوك الاخوان

[صاحب نوماس]

افادوك الاخوان

[هولاكو2008]

حاسب من الصيصان ترى تقلب كفوف الطير صفراء فاقعه

[راعي شيشان]

يامرحبا فيك اخوي صقار الاسياح

مافي شي الطير وبعض الطيور ترف جناحه على الوكر وشي طبيعي
بس هل هو يرف جناحه وهو مبرقع واذا لا ترا عادي

والصووص من افضل الاعلاف حق الطير هو والفري والجرابيع

وافضل شي انك تنوع يعني 3 ايام فري وبعدها 1يوم صووص وكل معتاد مثل الجدول

او خمس ايام و2 صوص

و والاخ العزيز الى يقول الصووص يغير الالوان ماغير واحترم رايك فوق راسي

بس الى يغير الالوان الكفوف هو البيض ومو كل طير يغير الالوان كفوف الطيور

بعضها ماتتغير مره يعني بعضها تصير الالوانه صفر تقول اخلوي الى هو البيض

وتحياتي لكم

[يدوي الشرق]

,,,,,,,,,,,,,,,,,