مكسيما مسروقه فزعتكم ياجماعة الخير تكفون

[ابو صالح449]

السلام عليكم ورحمة الله وبركاته


اخواني مابي اطول عليكم هذي مكسيما مسروقه يوم الاحد
5/4/1431هـ لوحة رقم و ل ك 039 اللوحة القديمة
مواصفات الموتر جناح جنوط اللون لؤلؤي موديل 2007 مسروقه بحي المنار بالرياض .


تكفون يارجال اي واحد يشوفه ولا يسمع خبر عن الموتر يتصل على هالارقام وبحط الارقام بعد اذان المشرفين


ابو صالح 0555514347
صالح 0505151867
بندر 0559999261



والسلام عليكم

[هو1ي البر]

و عليكم السلام
ان شاء الله ترجع لك
و احب افيدك
رح دورها بحي العزيزيه
و اماكن التفحيط
لان كثير لقو مواترهم هناك
خصوصا العزيزيه
و بالتوفيق لك
:)

[VIP-503]

الله يعقلها

وانا سجلت لوحتها وابشر بالسعد مالك الا اسعا فيها لك تحياتي

[ابو صالح449]

امين
الله يجزاكم خير الجزاء

[رفرف83]

وعليكم السلام ورحمة الله
الله يخلف عليك وان شاء الله بتلقاها بس لازم تبحث انت بعد حول اماكن التفحيط وحجز المرور لانه يبطي ما يبلغك لي خوي راحت عليه مكسيما 98 وليومك ما لقاها راحت

للرفع والفزعه

[لاهنت يا قلبي]

الله يرجعها لك

ولو كان فية صورة احسن

بعدين الايام هذي كثرة السرقات والناس صارت من تشتري سيارة يحطون لها فاصل الكهرب

لانه مر علي موقف في سيارة اخوي سفاري حاط له فاصل وجاء واحد حاول يسرق السرقة لدرجة انه فصل الدقمة مفتاح التشغيل وحاول يشغل ماقدر لانه فيها فاصل ومن القهر الي هو فية راح كسر ديكور السيارة من الداخل والدرج وعداد السرعه لكن على قولتهم شي احسن من شي تكسير يتغير ولا اختفاء السيارة بالكامل
لان السيارة اذا راحت لازم تدور عليها ولا اذا كان اعتمادك على الشرطة فأنا اقول لك اغسل يدك منها الا اذا حصولها بالصدفة او صار عليها حادث او سرقة او تفحيط

واسئل مجرب

تقبل خالص التحية

[شوفان]

الله يردها لك... وحسبي الله على يتعمد الاضرار باموال وممتلكات المسلمين..

[ادولف هتلر]

اخوي فيه اقتراح بكره الجمعه واغلب الشباب يتجمعون في اماكن المقاومات والمجاكر بالرياض ... مثلا مخطط القوات ..المسانده .. طريق التخصصي حول اسواق نوف بتجاه الثمامه اتوقع تلقاها بها الاماكن ...

الله يعقلها عليك

[ابو صالح449]

الله يجزاكم الجنه على حرصكم
اخر مره شوهدة السيارة في النسيم الغربي

[ابو صالح449]

لرفع الله يرفع مقداركم
تكفون ياجماعه احرصو

[ابو صالح449]

بحمد من الله وفضل منه وجدنا السياره بالنسيم بشارع سلمان الفارسي طبعن حنا اللي لقيناه موب المرور الشباب مغيرين اللوحه ومتكين على الموتر<<يدرون انه محد وراهم يبي يقطع هالايد<< موقفين عند محل شافهم راعي السياره وعرف الموتر طبعن بزران اعمارهم 17 سنه تخيل 17 يلعب بأمن دوله <<من امن العقوبه اساء الادب
واشكر كل من قام بالرد على الموضوع

[جول قميري]

بحمد من الله وفضل منه وجدنا السياره بالنسيم بشارع سلمان الفارسي طبعن حنا اللي لقيناه موب المرور الشباب مغيرين اللوحه ومتكين على الموتر<<يدرون انه محد وراهم يبي يقطع هالايد<< موقفين عند محل شافهم راعي السياره وعرف الموتر طبعن بزران اعمارهم 17 سنه تخيل 17 يلعب بأمن دوله <<من امن العقوبه اساء الادب
واشكر كل من قام بالرد على الموضوع

الحمدلله اللي ردها لكم
وياليت هالبزران تقطع يديهم..

[سعد الاحمد]

الحمد لله ان الله رد لك ضالتك ..

بعد تعطيل حكم الشرع والسيف الاملح .. تعطل معه الامن والاماااااااااااااااااان ....

طبيعي جدا جداً تشوف مثل ها الامور من سرقات وجرائم قتل ودعاره واغتصاب واتلاف للمال العام ..

الحل الوحيد هو الرجووووووووووووووع الى شرع الله وتطبيق احكام الله سبحانه وتعالى من الكتاب والسنة في من عاث في الارض فساداً ... وسوف يعود الامن والطمأنينة ولن يتجرأ أي أحد بعمل أي شيء تسول له نفسه عمله .. لإنه ان لم يخاف من الله فسوف يخاف من القصاص .. لان السارق سيخاف من قطع يده .. والقاتل سوف يخاف من قطع رقبته .. وتأتي بقية الأحكام في الطريق ...

[هوايتي مكشات]

الله يعوضك خير

[ابو صالح449]

الله يجزاكم خير
بعد تعطيل حكم الشرع والسيف الاملح<<<لاتقهرن تكفى تراي منغث لا وازودك من الشعر بيت لا اخذو بصمات ولا شي ولا بعد معنا رقم لوحة السيارة اللي ركبو به وهجو واقول لدوريه يقول السياره ما عليه بلاغ اقول اللي سرقو سيارتي ركبو بسياره ثانيه وهذا رقم اللوحه لاكن للاسف يقول ما اقدر امسكهم ماعليه بلاغ السياره!!!!!!!!!!!!؟هههههههههههههههه مسخره وربي مسخره

[أطلال نجد]

حاميها حراميها
أكثر اللي يستلمون الدوريات بالنهار يفحطون بالليل
وسالفة الطعس أبو كاب معروفة
خلها على الله يا رجال

[الإستراتيجي]

الله يجزاكم خير
بعد تعطيل حكم الشرع والسيف الاملح<<<لاتقهرن تكفى تراي منغث لا وازودك من الشعر بيت لا اخذو بصمات ولا شي ولا بعد معنا رقم لوحة السيارة اللي ركبو به وهجو واقول لدوريه يقول السياره ما عليه بلاغ اقول اللي سرقو سيارتي ركبو بسياره ثانيه وهذا رقم اللوحه لاكن للاسف يقول ما اقدر امسكهم ماعليه بلاغ السياره!!!!!!!!!!!!؟هههههههههههههههه مسخره وربي مسخره


أخوي بسيطة قل له سو عليها بلاغ :)

أو أفضل لك

روح لواحد في المرور وخذ بيانات السيارة وإسمه ولو تعرف الرجال إلي في المرور أفضل وخذ وين ساكن

وأبد من هذه النقطة

ولا تنسى الإتصالات خذ أرقامهم بعد ما تأخذ الإسم رباعي ترى المسألة يبيلها شوية شغل


وتراك في مثل موقفك معذور لو توقف التفكير و الحل وما يجيب الحل إلا واحد بعيد عن الموضوع لأنك منشغل بالك وما تقدر تركز زين


الله يرجع عليك حلالك

[ابو صالح449]

ياحبيلكم بس طيب سويت بلاغ يبي جيبونهم ايهين دور احد واذا افترضنا انهم صارو ذيابه وجابوهم هل العقاب صارم( حكم الشرع والسيف الاملح) !!!!!!!!!!!!!؟

[4800 VTC]

الله يهديك الى ضالتك

[صدام بن حسين]

كلامك مضبوط يا سعد%100