هل من الممكن عمل طرمبة بنزين للطواري لليوكن

[مغلي]

هل من الممكن عمل طرمبة بنزين للطواري لليوكن
.
مثل هذه بالمقطع
http://www.youtube.com/watch?v=jDYBUQn0L_Y&feature=related

وتكون سهلة التركيب بحيث اي شخص يقدر يتعامل معاها لما يكون مسافر وبالطريق بدلا من الوقوف ساعات لأنتظار سطحه لنقل اليوكن وثم يبلش بعائلته خصوصا ان طرقنا ماشاء الله
1000كم و1500 كم ويستحيل تجد احد يقف لك خوفا من ((!!!!!))

[VIP-503]

والله فكرة لاكن كيف


تحياتي ومتابع للموضوع

[ضحية بيشة]

على يدينكم والله اشين شي الوقفه بالطريق ...تكفووون دبرونا والله صرت اشيل همها

من كثر المواضيع هنا عن الطرمبه وخرابها ...

[تناهيت]

فكره جديده ولا يستحيل تطبيقها
لاكن اختصر عليك الوقت في حل مفيد وغير مكلف ومجرب تفضل هالرابط ونا اخوك ولعله يفيدك ويقلل من روعك

http://www.mekshat.com/vb/showthread.php?t=264677 (http://www.mekshat.com/vb/showthread.php?t=264677)

تحياتي
تناهيت

[HUMAN]

طرح رائع ...

وممكن الأخوان أهل الخبرة يفيدون ويبدعون

موفقين إن شاء الله

[قوقل ارث]

والله انا صابني عقده من طرمبة اليوكون لاني غيرتها 11 مره علما باني فاكن السياره بنفسي من الوكيل موديل 96 لدرجة ان الوكيل العيسى كتبوا للشركه المصنعه وعوضوني بقيمة جميع الطرمبات اللي ركبت منهم وكانت بحدود 2800 ريال

[rigidman]

هل من الممكن عمل طرمبة بنزين للطواري لليوكن
.
مثل هذه بالمقطع
http://www.youtube.com/watch?v=jDYBUQn0L_Y&feature=related

وتكون سهلة التركيب بحيث اي شخص يقدر يتعامل معاها لما يكون مسافر وبالطريق بدلا من الوقوف ساعات لأنتظار سطحه لنقل اليوكن وثم يبلش بعائلته خصوصا ان طرقنا ماشاء الله
1000كم و1500 كم ويستحيل تجد احد يقف لك خوفا من ((!!!!!))
اول شي اوصيك بالاذكار الشرعية وما راح ربي يخليك لا وقعت بازمة (ان رحمة الله قريب من المحسنين)

نعم ممكن جدا وسهلة جدا ان شاء الله

بس احب اذكرك والاخوة الاعضاء بشي ان الطرمبة لما تتعطل ما توقف بنسبة 100% يبقى عزمها بسيط جدا ما يشغل السيارة او يضعف عزمها والحل انك تفلل التانكي تمليه بنزين من الاحمر لين توصل اقرب قرية او مدينة .

الطريقة السهلة جدا وهي تسوي قسام للي الخارج من التانكي للمكينة يعني بوسط السيارة بدون ماتنزل التانكي ولا تقربه وتشبك فيه طرمبة ثانية وتوصل به اسلاك الكهرب الطرمبة الاصلية وتحط لهم فيش عندك في الطبلون ، واذا تعطلت الطرمبة الاصلية تشغل الاحتياطية وبتمشي السيارة معك زي الحلاوة :good2: لين توصل ديرتك ثم تغير الاصلية على رواق . انا ماجربتها لكن الفكرة بسيط وعملية جدا ان شاء الله

ملحوظة / تقدر تركبها في الكبوت اسهل ما تحتاج حفرة ولا يحزنون

تحيتي

[مغلي]

مشكورين على تفاعلكم
وشكر خاص للأخ rigidman (http://www.mekshat.com/vb/member.php?u=149201)

فكرتك مميزه
بس وين مفروض نحط القسام ... وهل الطرمبه الي بالكبوت بتسحب بنزين من خلال ليات الطرمبه المتعطله ...لأن اتوقع ان الطرمبه المتعطله بتسكر مجرى البنزين ... ممكن ليش لا ... !!!
وهل ايضا الطرمبه الي بالكبوت بتقدر تسحب بنزين وهي بعيده كل هالمسافه عن التانكي وارفع منه بحول المتر !!!

[rigidman]

مشكورين على تفاعلكم
وشكر خاص للأخ rigidman (http://www.mekshat.com/vb/member.php?u=149201)

فكرتك مميزه
بس وين مفروض نحط القسام ... وهل الطرمبه الي بالكبوت بتسحب بنزين من خلال ليات الطرمبه المتعطله ...لأن اتوقع ان الطرمبه المتعطله بتسكر مجرى البنزين ... ممكن ليش لا ... !!!
وهل ايضا الطرمبه الي بالكبوت بتقدر تسحب بنزين وهي بعيده كل هالمسافه عن التانكي وارفع منه بحول المتر !!!

سؤالك جميل ويدل على حس ميكانيكي كهربجي :good:

القسام تقدر تركبه اسفل السيارة او في الكبوت قريب من البخاخ .

الطرمبة الاحتياطية جديدة وماراح يأثر بعد المسافة وللاحتياط تقدر تركب طرمبة اكبر حجم .

الطرمبة المتعطلة ماتسكر مجرى البنزين ابد عارف ليه ؟ لان محرك الطرمبة مصمم بشكل دوار توربيني فاقل جهد يحركه .

ارجوا ان الصورة وضحت لك

[HUMAN]

نعم فيه اشخاص تركب طرمبة جديدة بداخل حجرة المكينة بدل العطلانة بالتانكي وتشتغل تمام زي الحلاوة !!! بس مو حلاوة الأطفال ههه ههي هاه ...
وما منها ضرر أبد !!!

[بوخضب]

والله فكرة حلوووووووووووووووووووووة حيل ياليت اللى عملها يعكني الفكرة بالتفصيل لاني ناوي اعملها بنفسي فياليت يكلمني على الجوال 0555959667

[da7aam]

اذكر واحد من الشباب
كان مسوي طرمبه احتياط
وموصلها بزر خاص يشغلها ويطفيها
بزر ثابت في السياره

السياره كانت ترانز ام

[راعي المجهم]

كل شئ جايز حتى زواج العجايز

تجي ليش لا

[الطا مس]

مع ان الموضوع قديم شوي بس يوجد رابط لمشرفنا المبدع بدوي جنوبي راح ينفع الجميع تفضلوا
http://www.mekshat.com/vb/showthread.php?t=287259