مشكله التاهو

[ابا سديم]

يا شباب انا عندي تاهو سعودي م 2008 المشكله فيه كتمه في بدايه القومه رحت للجميح قالو لي لازم الوكاله اللي في طريق خريص عساس عندهم كمبيوتر وشكل اصلاحهم غالي وماشي حدود 55 الف الا تعتقدون ان هذا عيب بالله ردو علي ودلوني على ورشه طيبه الوكاله شكلهم ماعندك احد:mad:

[محبوب 2007]

السلام عليكم أخي صاحب التاهو
فيه ورشة في بريدة يقال لها ورشة الشيبان في حي خضيراء متخصص في مشاكل جميع السيارات وعندة كمبيوتر
وجدا ممتاز
بس أشوف سيارتك مازالت تحت الضمان

[aBu_aBdAlSlaM]

اخوي اذا كتمه مع رجفه بالمكينه هذا الصباب السادس بالمكينه معلق رح للوكاله وغيره تحت الضمان

[بدوي جنوبي]

ينقل لقسم الاعطال

[تايتد]

السياره تحت الضمان لان الضمان الى 60000
وديها عند العيسى الدايري الشمالي
غير بواجي فلتر هواء تنظيف بخاخ زيت جربكس فلتر ب 1000ريال
انا مسويها عندهم وتغير عزم السيار تاهو 2008
لكن عندي مشكله قطعه عللاى خفيف بي 60/90دوختني
حتى الوكاله ماعرفوها
لكن ناوي افك التانكي واشيك على الصفايه
واذا عند حلللل اخوي تكفى فيدني
لأن الوكاله قالو من الجربكس وفكو الجربكس وغيرو الهلالات والكلتشات لافايده؟؟؟؟؟؟؟؟؟
طبعاً على الضمان بس بدون فايده؟؟؟؟؟

[سوبر VTC]

المواتر توافيق
ماتدري وش الخيره به
عموما مر على ورشة عبدالرحمن الجميح ابو عدنان :good2:
ورشته بعد الوكالة حقت خريص على اليمين
يعني لف بعد الوكالة يمين وجهك جنوب تجيك الورشة على اليمين مباشرة
تراه يفتح فقط العصر و المغرب على حد علمي
و احتمال يفحص لك بلاش خبرة امريكي :good:
و هو يبرمج كمبيوترات لسيارات مرهمة للامريكان
يعني يتواصل معهم عن طريق النت
هو مهب سهل ما شاء الله عليه
موفق

[ابا سديم]

يااخواني يلعبون علينا ذا الوكالات اذا قالوا تحت الضمان , يعني ظنكم بيصلحونه مجاني الا بياخذون منك القيمه مع اجر التصليح

[HAS5SAN]

ولا تغير شيء
ودها للوكالة
وحسبنى الله ونعم الوكيل
يا ناس ياعالم وين حماية المستهلك

[بترووول]

نصيحه لاتسؤي فيها شي ودها للوكاله بكره
يقولون انت حايسها
خلهم يصلحونها ولا اشتك عليهم