تانكى ماء فكره جديدة

[ضاحى السعيدى]

السلام عليكم ورحمة الله

بعد مازادت حرارة الجو اليومين هاذى زاد الاهتمام بالماء خصوصا لمرتادين البر
واحد من الاخوان يفكر بصوت عالى وحنا جالسين بالديوان يقول توانكى الماء الحديد كلفتها عالية ولابد من تغير طعم الماء حتى لوكانت استيل واذا بقيت مثلا تنقلها من السيارة وتخزنها وياما فصلنا بمبالغ واستعملناها فتره ولما فكينها وخزناها لعدم الحاجة غيرنا مثلا السيارة وماعاد تنفع وهى بمبلغ وقدره اقل شئ 800 ريال تقريبا واقعد عاد اذكرها للبيع قلنا له مالك الا توانك الفيبر قال ترغى مافيه فايده وتغير طعم الماء والالمنيوم غالى ونفس حكاية الحديد الصراحة كلامه مقنع خلانى ادور حل بس مايكلف طبعا الفكرة تبى تطوير وانشاء الله الاخوان مايقصرون اول شئ واهم شئ انها تكون صحية وثانيا مهى غالية وثالثا خفيف ورابعا الحجم يكون مناسب وافضل حجم او شكل المستطيل خصوصا للجيوب والوانيتات تحطها فى اى مكان خامسا يبين مستوى الماء فيها
انا من خلال التجربه الطويله احب نوعية الجراكن هاذى اللى استخدمتها ومالقيت افضل منها دايم وكل الشروط اللى ذكرناها كلها فيها . نجى للتنفيذ التكلفة تقربا 70 ريال عدد3جراكن ماء 5 بلف هواء تيوبلس و5 غفيص وهوز ماء شفاف تقريبا 3 امتار وصاجتين حديد نفس اللى بالصوره
http://www.mekshat.com/pix/upload04/images152/mk41302_imga1.jpg
http://www.mekshat.com/pix/upload04/images152/mk41302_imga2.jpg
http://www.mekshat.com/pix/upload04/images152/mk41302_imga3.jpg
http://www.mekshat.com/pix/upload04/images152/mk41302_imga4.jpg
http://www.mekshat.com/pix/upload04/images152/mk41302_imga5.jpg
http://www.mekshat.com/pix/upload04/images152/mk41302_imga6.jpg
http://www.mekshat.com/pix/upload04/images152/mk41302_imga7.jpg
http://www.mekshat.com/pix/upload04/images152/mk41302_imga8.jpg
واخيرا الفكرة قابله للتطوير وانشاء الله انها تحوز على رضاكم
والسلام عليكم ورحمة الله

[معهم]

ماشاء الله عليك فكرة جميلة اعجبتني فكرة البلف ,

[ابو عمر النوح]

ما شاء الله لا قوة إلا بالله أخوي ضاحي
و لكن فيه بعض الملاحظات على الفكرة و حنا همنا الأول و الأخير تطوير الفكرة لتصبح عملية و يستفاد منها :
1 . هذه الجراكل ضعيفة جدا و ممكن خرقها أو خرقها بسهولة و خاصة إنها بتكون مع العفش .
2 . أيضا هذه الجراكل يتغير طعم الماء فيها و خاصة إذا تعرضت للحرارة أو الشمس .
3 . بالنسبة لتلحيم بلف الهواء أظن إن الجركل ضعيف و ممكن إنه يكون عرضة للفك أو الكسر
4 . بالنسبة لطريقة صف الجراكل ممكن بطريقتك هذي للي يناسبه كذا و ممكن صف أربعة جراكل كل أثنين جنب بعض يعني تصير مربعة الشكل بدل المستطيل و بالنسبة للي سيارته صغيرة يركب اثنين فقط .

هذا ما يحضرني الآن و إعذرني أخوي على هالملاحظات و لكن همنا الوحيد أن نجد الحلول لتكون الفكرة عملية و بأتابع الموضوع لعلنا نطلع بفائدة منه
و كل الشكر و التقدير لك على طرح هالفكرة الرائعة .

[ابا الجرفان]

فكره حلوه اخوي معهم طيب لوحاولت تغلق على الجراكل بشكل تام هل ترى ان فيه مشاكل سوف تواجهك بحيث تكون الجراكل في صندوق حديد زي التانكي بالزبط اللهم ان الجراكل بالداخل انا ولكن مثل ماذكر ان بلف الهواء ضعيف ومعرض للتهريب الماء عني انا تراودني نفسي على التوانك ولوازم الماء بحيث اني استفيد من سخانات الماء وترهيمها بحيث انها تكون بنفس طريقتك بمجرد وضع سخانه واحدة حجم 50 لتر داخل صاج ملي الا ربع يكون خفيف وتكون واقفه او دبه تكون في برادة الماء الحديد تاتي في خلف البراده وجميع مراحل هذه العمل حديد وقوي ولكن هذه الفكره تصلح لاصاحب القلوص اللي يبي يلحم في القلص وماعنده مشكله وحتى لو تغير الطعم واللون راس مالها زهيد جدا مقارنة بتوانك الحديد والستيل واخيرا تقبل مروري اخوي معهم 0

[مرقاب الشرق]

فكره حلوه ويبيلها شوي تطوير.

[عصا الترحال]

تسلم على الفكرة
وأكيد مع التجربة ستطورها للأفضل
بارك الله في

[الفضلي 11]

عيبي الصراحة والصراحة تزعل
لاتقط عليها فلوسك ثم تندم الفكرة يبيلها شوي
هل تريد حل انطر علي كم يوم
انزلك صور جراكل ستطربك

[لاتكب البيالة]

السلام عليكم
صراحة مثل هالجراكل ممتازة وقوية ولا تغير الطعم انا استخدم مثل الجركل هذا لكن 20 لتر لونه ازرق وممتاز وتقدر تاخذ اثنين او ثلاثة وليس هناك حاجة لتركيب بلف او جمعهن ركبهن جنب بعض وخل اللي يدخل مع افم الجركل واشفط شفطه بيستمر الماء بالنزول
معلومة سمعته
الجراكل البلاستيك السوداء مصنوعة من مخلاف البلاستيك
البيضاء تتأثر بالشمس بتغير الطعم
الزرقاء لا تتأثر بالشمس

[VIP-503]

حلوووووووووووة

وان شاء الله تتطور للافضل

تقبل مروري

[السنع كله]

عندي جركن ابيض 100لتر قاعدته عريضه مايطيح فيه لي تفريغ واذا رجعت البر رميته بالمستودع لكن غطاه انكسر وماحصلت عطاء يركب عليه

[عا سبيل بر]

وعليكم السلام ورحمة الله وبركاته

جزاك الله خير أخوي / ضاحي

بس ما تشوف أنك زدت على نفسك في الوزن ( بالصاج ) والجراكل هيه هيه نفس الوزن والحجم ... وأشوف أن تشري ثلاث جراكل زرق ببزبوزها أحسن وأفضل

وأن شاء الله تجد طريقة أفضل

تحياتي ،،،

[ابو عبدالله 911]

موفق ............................

[الطريق السريع]

اخي الكريم
وش الهدف من هالفكره التوفير

اشتر تانكي 700 ريال وبعد (5)سنوات تبيعه 500 ريال والسلام
وشككككككككككككككككككككككرررررررررا

[سوالف]

الفكره جدا رااائعه
ومثل ماتفضلت تحتاج الى تطوير


والله يجزاك خير

[mzarkash2000]

الله يجزاك خير ,,,,

[ابولولو]

اخوى بارك الله فيك على هاالفكره
وواحد يشغل مخه باى شى اعتبره انسان رائع ومجتهد
بارك الله فيك والى الامام
فيه عند السنيدى وبرق الحيا والبريه قربه زرقاء او راويه تحل بدال الجراكل وسعته معقوله جدا اظن فيه 2مقاس كبيره وصغيره والسعر معقول اذا قارنته باالجراكل اتمنا انك تشوفه
شكرا لك اخوى ضاحى ونتظر جديدك ومفيدك

[عقيعقب]

أقووووول الله لايحرمنا من أهل الافكار الطيبة مثلك وشرواك

[المغامر2]

ماشاء الله عليك فكرة جميلة اعجبتني فكرة البلف ,

[راشد الجريبة]

محاولة جيدة
ما فائدة الصاجة

[ابودعسان]

انا ارى ان الراوية الصغيرة وتفصللها شنيطه شراع تنزاني تطلع زي اللوز

[سيف الظفير]

لاهنت يا السعيدي كفيت ووفيت يالقرم على الفكرة

طورها يالغالي والتوفيق بإذن الله لك


سؤال انت سعيدي ظفيري !!


سليمان الظفيري

[فراس التميمي]

بيظ الله وجهك ونا اخوك

موضوع رائع من عضو ولا اروع

و تسلم على الموضوع

في انتظار جديدك

[راعي الصطحه]

يعطيك العاااافيه بالتوفيق خطوه موفقه

[ابوحمد 999]

محاوله جيده..............بس سؤال انت تكلمت عن توانك الحديد وغيرها طيب ما حاولت تجرب الالمنويوم الصراحه معي بالسياره زي اللوز

[ابن عكاش]

مشكور على الفكره وملاحظتي ان هالطريقة مهيب ثابته مره خاصه راعي المطامر ولابد منه ومعرضه للتلف بسرعه خاصه مخارج الماء
اتوقع ان اكثرنا فكر في حل بديل عن التوانك لغلاء ثمنها لكن من وجهة نظري اركب الألمنيوم الجاهز حق السنيدي وارتحت
وبعدين الألمنيوم مايقارن بالحديد اما الستيل غالي ومعرض للصدأ لأنه حسب علمي مايجي ستيل صافي
تقبل مروري اخوك ابوصقر

[عطارد]

ما ودي اكسر مجاديفك بس الفكره ماهي عمليه ولا تعتمد عليها بسبب بلف الهواء ووضعيته لكونه معرض للكسر من اي مطبه وانت تبيه علشان البر وخابر المطانيج والهويات
ممكن تسوي فتحه في الغطيان وتدخل ثلاثة ليات و تشبكهم على لي واحد وتوصله في طرمبة مساحات مستقله وتشبك فيشها في طرف اللي وتشغل إذا بغيت ماء.

[فاقد ارسال]

هي الفكرة حلوه للي يبي يوفر ولا يكون استخدامه كثير بحيث انه اول ما يخلص منها ينزلها

يعطيك العافية

[القنـاص2008]

فكرة حلوة وجميلة بيض الله وجهك

[ziran]

مشكووور
ليش ماتحط بدل الجراكل الثلاثه اثنين