انصحون بجيب لاخوي

[Dr.M]

السلام عليكم ورحمة الله و بركاته ..

ان شاء الله انكم بخير ؟

بغيت نصيحتكم بجيب لاخوي بالجامعه

الموصفات المطلوبه يمشي بالبر ( طلعات خفيفه ) و صرفيته معقوله و قليل الخرابات و اسعار قطع الغيار معقوله

<<< تخبرون طالب جامعي

و الميزانيه بين الستين و السبعين الف

الرجال معجبه ربع الباترول لكن مشكلته الصرفيه

بعدين حول على الباثفيندر و طلع برضوه يصرف بنزين و فيه على ما سمعت مشكله بالمساعدات

كل فتره لازم يغيرن

الحين الظاهر ما بقى الا الاكس تريل و الراف فور

وش رايكم فيهن ؟؟؟ و اذا فيه بدائل او اقتراحات يا ليت تحطونها

تكفون ابي ردودكم بسرعه ترى تكفون تهز الرجاجيل

بانتظاركم

[الايكوماوي]

خل عنك ما مثل الباثفايندر فخامه وراحه وقوه ما تتقارن باي سياره من الي ذكرتهم

وبالنسبه للصرفيه مافيه جيب ما يصرف

واما مشكله المساعدات ما تجي الا لراعين المطامر والصيد وانت على قولك استخدامه خفيف يعني ما عنده مشكله

[ضيف]

اخوي Dr.M

يمكن ما يعجبك رايي بس انت قلت جيب jeep والمستعمل النظيف متوفر بالسعرالمتوفر معك

والجيب هو اضغط هنا (جيب شيروكي) (http://www.egypt.jeep.com/jeep_eg_main/0,,0-357-185044-971-215218-1-0-0-0-0-0-2968-158211-0-0-0-0-0-0-0,00.html)

[محب الشمال]

اخوي مدام انه جامعي والله يوفقه
انا من رايي جيب تويوتا ربع صحيح انه ماهو كشخه بس عملي خصوصا للشباب وغيرهم
يعني حق كرف ويستحمل البر وغير البر
والله يستر عليه ويحفظه

[SilverSniper]

يبدو لي ان الأنسب بالنسبة لك واحد من أثنين:
1- باثفايندر... تحمله جيد ولا بأس به
2- باترول ربع... أقوى من الباث وأصبر وأثبت
مع تحفظي على النيسان في مسألة التحلحل وعدم التماسك..
هذا ان كنت ناوي تشتري جديد.. أما ان كنت لا تمانع مع المستعمل فأنصح بـVXR موديل 96 - 97... أقوى من الباترول والباث مجتمعات وأصبر وأفخم وأريح.
من ناحية الصرفية فكما قال أحد الأخوان.. كل الجيوب صرفيتها للبنزين عالية وكما يقول المثل من بغا الدح ما قال أح :)
هذا رأيي وشف وش يناسب حاجتك وميولك والله يوفقك

[Dr.M]

الايكوماوي

خل عنك ما مثل الباثفايندر فخامه وراحه وقوه ما تتقارن باي سياره من الي ذكرتهم

وبالنسبه للصرفيه مافيه جيب ما يصرف

واما مشكله المساعدات ما تجي الا لراعين المطامر والصيد وانت على قولك استخدامه خفيف يعني ما عنده مشكله

بيض الله وجهك على هالرد

لكن مثل ما قلت المشكله بالصرفيه .. و مكافئته كله الف ريال ما يدري يعبي بنزين و الا يصرفه على نفسه

بس شكله ان ما كان اكس تريل فهو موب متعدي الباث او الباترول

و شكرا على مرورك



ضيف

اخوي Dr.M

يمكن ما يعجبك رايي بس انت قلت جيب jeep والمستعمل النظيف متوفر بالسعرالمتوفر معك

والجيب هو اضغط هنا (جيب شيروكي)

يعطيك العافيه على النصيحه

الجيب موتر ما عليه كلام خصوصا مكينته لكن مشكلته خرابات القير كثيره

و اذا عندك اقتراحات ثانيه لا تبخل علينا

نورت الموضوع


الميناء

اخوي مدام انه جامعي والله يوفقه
انا من رايي جيب تويوتا ربع صحيح انه ماهو كشخه بس عملي خصوصا للشباب وغيرهم
يعني حق كرف ويستحمل البر وغير البر
والله يستر عليه ويحفظه

اقتراح حلو

و الله يجزاك خير على اهتمامك



SilverSniper

يبدو لي ان الأنسب بالنسبة لك واحد من أثنين:
1- باثفايندر... تحمله جيد ولا بأس به
2- باترول ربع... أقوى من الباث وأصبر وأثبت
مع تحفظي على النيسان في مسألة التحلحل وعدم التماسك..
هذا ان كنت ناوي تشتري جديد.. أما ان كنت لا تمانع مع المستعمل فأنصح بـVXR موديل 96 - 97... أقوى من الباترول والباث مجتمعات وأصبر وأفخم وأريح.
من ناحية الصرفية فكما قال أحد الأخوان.. كل الجيوب صرفيتها للبنزين عالية وكما يقول المثل من بغا الدح ما قال أح
هذا رأيي وشف وش يناسب حاجتك وميولك والله يوفقك

احرجتنا بهالرد الحلو

و صدقت في كل كلمه قلتها عن الباث و الباترول

و ال VXR جميل لكن الموديل قديم شوي و طلباته بتكون كثيره

و الله يجزاك خير و يكثر من امثالك

[Dr.M]

هاه يا شباب محد يفتينا بالاكس تريل ؟

[اسيزو 4x4]

يا اخوي الاكس تريل 2400 سي سي 170 حصان 4 سليندر ومريح ولكن....
دفع امامي ويحول دفع رباعي عند الحاجة وصرفيتة معقولة جداا
ولاكن مايطربك بالنفود (يعني امكانياتة محدودة)
والالوان اخضر فاتح - وابيض سكري - اسود - ازرق

ولكن فية جيب نيسان يسمى تيرانوا ممتاز جدا مكينة ددسن اسال عنة ودبل ارضي يعني تروس وقوى مرة و4 سليندر

وبا التوفيق.......

[طارق الحربي]

والله مافيه الا باترول ربع مع ان سعره غالي جدا ب 82 الف ريال سياحي

[محمد العتيبي]

بالنسبه للباترول مايصرف الا اذا تعديت ميه ((اسئل مجرب ولا نسال طبيب))

[العفراء 868]

الشاص ولا غيرة رح بس رح توكل على الله

[حبوب الصفاري]

أنا أنصحك تشتري اكس تريل لانه ما يصرف وخفيف او سزوكي ممتاز في البر وبـــــــــــــــــــــــس

[alferis]

اخوي عليك بالباث فيندر مريح وعزمة وقوته لا يعلى عليها اما مايقال عن الصرفية فهي معقوله اكيد انه اقل صرفية من الباترول والفكس ار والربع لكن اكيد انه ليس مثل الصغاير انا جربته وجربت غيره وهو الأنسب حسب الطلبات اللى كتبتها .
وللمعلوميه لا حضت ان صرفية الباث فيندر التماتيك اكثر من العادي والله اعلم

[المطلق]

أقرأ

أسفل

(التوقيع)

[Bader-M]

الاخ الفاضل

راح اعطيك رايي خارج السيارات التي ذكرت

لو تبي تاصل 70 الف

انصحك با ديماكس ايسوز ديزل تربو

للاسباب
1- محرك ديزل قوي و صوته خفيف و وقود رخيص
2- صندوق مفيد للتحيل العفش
3- تاخذه جديد (2005)
4- عملي

..........
ولك مني كل محبه و تقدير