ودي بسياره لولدي بحدود 15 الى 18 تكون نظيف

[ملولش]

يا اخوان محتاج سياره لولدي تكون نظيفه بحدود 15 الى 18 الف ريال


اللي يخبر لي شي زين و ينسفط فلا يبخل علينا وله منا الدعاء والله سبحانه يحب المحسنين


وجزاكم الله خير

[أبو علي 444]

حدد ..وش تبغى أي نوع ؟

[مكشات 505]

هلابك عندي لك سوبر سفاري 1992 نظيف وعلى الشرط اربعة ابواب استمارة وفحص جديد وحدي فيه 21000والموتر ينصفط اذا لك رغبة فيه اتصل على جوالي 0500544456

[mr.end]

خذ له ايكو 2004
تكرف كرف الحمار
وبالتوفيق

[جداوي صميم]

شووف يأخووي كان تبي
تيوتا خذ له ايكو 2004-2005
او كورلا 2000
وان كان تبي نيسان خذ له مكسيما 97-99

واسعار السيارات الي قلتها بعضها تقل عن حدك وبعضها تزود
والله اعلم

[دامر الصيد]

شووف يأخووي كان تبي
تيوتا خذ له ايكو 2004-2005
او كورلا 2000
وان كان تبي نيسان خذ له مكسيما 97-99

واسعار السيارات الي قلتها بعضها تقل عن حدك وبعضها تزود
والله اعلم
لالالا تكفى ولي يرحم امك خله يبعد عن المكسيما الكهرب

[الراقي 999]

فيه لكزس 300 جي اس موديل 98

اللون ذهبي

الممشى 288000

القير والماكينة سليمة إن شاء الله

والمكيف ماشاء الله بارد

بإمكانك معاينة السيارة ملبقها حالياً في معرض العجمي في معارض الشفا

سيمت بـ21000 وإن جازتلك وناسبتلك أبد خذها مني 20000 والله يوفق الجميع

0567573739

[خويك على العز]

أيكو 2005
نظيفة اللون أسود
بس سعرها 21000 ريال

[ملولش]

الله يجزاكم الجنه جميعا

اشكر على من عرض علي ومن نصح لي بارك الله لكم في مالكم واعماركم


نصحني احد الاخوان اني اخذ له هونداي الكوريه اكسنت يقول تتحمل الكرف و وقطع غيارها رخيص

وش رايكم ؟

وهل احد من هالوجيه الطيبه يخبر لي شي

[راعي المواتر]

أخوي الولد غالي عليك اكيد ....

طيب تعطيه أكسنت والله لو لا قدر الله حكة بسيطه راح توصل لركاب من جوا السيارة وراح يتضررون ..

أنا أنصحك تاخذ فكتوريا 98 ولا 99 تلقها بها الاسعار بالراحه والسيارة عملية ومريحة ومتينه

[أبوالمثنى]

اذا كنت تبي لها موتر دبل خذ له باجيرو من 99 الى 2001 واذا تبي له موتر ديره لا يفوتك الاكسنت واحرص على النضيف وانتبه من الاجار انا اشهد انه حمار كرف اعزكم الله

[أبو علي 444]

خذ له ونيت ..لايطيح سعره ..ويدخل بأي مكان ..وتحتاج له انت لأغراض البيت ..

[~EmPeRor~]

يالغالي

لاتاخذ للولد الا موتر بدية قوي

تعرف توة يتعلم السواقة < وبتخاف علية

ياكو مدري ايش < اترك عنها لا هي ولا الاكسنت

المكسيما < تابوت الموت

انتبة

انتبة

انتبة
تاخذ له موتر من المواتر الي سرعتها عالية وقوبة

خذ لة موتر جيد ونيت ولا يوكن قديم 95

يعلم الله اني مانصحتك بهالشور < الا اني احسبة مثل ولدي

اتمنا لك التوفيق

[ابوعبدالله9999]

خذ له ونيت ..لايطيح سعره ..ويدخل بأي مكان ..وتحتاج له انت لأغراض البيت ..

انا مع ابو علي 100%

[الديسي 1984]

خذله هايلكس من موديل 90 الي 97
غمارتين وبتلقا النضيفات بها الا قيام
وموتر مكده
وتراه ونيت يشيل اغراض البيت
اسأل الله ان يطرح في ابنك البركه,,.

[saas-des]

نصيحه اخويه خذ له كورلا من 2000 الى 2006
والاكسنت ماهي شينه اذا نضيفه

[ملولش]

اشهد بالله انكم سنافيه واهل شور

وكل واحد منكم رايه مثل الاخر في الطيب


وهذا الواحد اللي يخليه يتعلق بهذا المنتدى المبارك

[طاير السعد]

خذ له وانيت ددست 94 جي أل
دركسون هواء وبنفس السعر 18

[ابوعدي]

أخوي الولد غالي عليك اكيد ....

طيب تعطيه أكسنت والله لو لا قدر الله حكة بسيطه راح توصل لركاب من جوا السيارة وراح يتضررون ..

أنا أنصحك تاخذ فكتوريا 98 ولا 99 تلقها بها الاسعار بالراحه والسيارة عملية ومريحة ومتينه
:good2: راي راعي الموتر
او راي ابوعلي444 لاتطلع عن الأثنين وشاور نفسك وصلاة الأستخارة وانا اخوك والله يوفقك

[ملولش]

:good2: راي راعي الموتر
او راي ابوعلي444 لاتطلع عن الأثنين وشاور نفسك وصلاة الأستخارة وانا اخوك والله يوفقك


على يدك يالغالي تخبر لي شي نظيف

[mr.hanx]

انا طقيت له كرسيدا 95 اربع سلندر يتعلم عليها و يكسمرها و باقل من 15

و قطع غيارها بلاش و متوفره (تيوتا ) في أي مكان

ثم اذا خلص منها الف مليون سوداني أو عامل يتمناها

و بالتوفيق لك و للولد

[new boy]

عنديلك كانك تبي يارس 2007 لون كحلى من داخل بيج موتر مامشي الا 73 السيارة طيبه وتصلح للولد ولطلاب اقتصاديه وممتازة مرة

[ابورشود 503]

إبد شف لك تايوتاا

كورلا والله يازينه من رخص في كل شيء

إقتصااديه ولآ إحلى منهاا

ولا تااخذ شيء كل شووي خرباات

والتايوتا معرووف

وإبد بتلقى سعر حلوو في موديل 2000 وتحت

والله يوفقك

[abo turki]

أخوي الولد غالي عليك اكيد ....

طيب تعطيه أكسنت والله لو لا قدر الله حكة بسيطه راح توصل لركاب من جوا السيارة وراح يتضررون ..

أنا أنصحك تاخذ فكتوريا 98 ولا 99 تلقها بها الاسعار بالراحه والسيارة عملية ومريحة ومتينه

كلاام سلييييم 1000 %

ما شاء الله حديده قوووي وما هي غاليه ومريحه ...

[VX-R2005]

عندي اكسنت 2005 نظييييييييييييييييف جدا جدا اللون فضي و البودي و المحركات مثل الجديد هذا الجوال 0555848819

[000sss000]

تبي كرسيدا 87 دق علي
منها يتعلم عليها ومنها سيارة نظيفة على الشرط مجدده ومفحوصة
ومكينة وجربكس على الشرط
7500 ريال فقط
سبب البيع بشتري سيارة اخرى
0547218909

[POWERFUL505]

اخوي الكريم


انا انصحط بالكورولا

التويوتا ما فيه مثله

ودخلت قبل شوي على موقع بيع سيارات مستعمل ودورت لك كم سياره

بحدود سعركـ

http://www.haraj.com.sa/1154294/تويوتا_كورولا_2003/

http://www.haraj.com.sa/1156073/كورولا_2004_للبيع/

http://www.haraj.com.sa/1174160/كورولا_للبيع_2005_/

http://www.haraj.com.sa/1160545/كورولا_xliمطور_2004/

http://www.haraj.com.sa/1161734/للبيع_كورولا_مديل_2004_xl/


وابي منك الدعااااااء

[عاااشق الرمث]

اذا تبي تمشي على راي راعي الموتر
انا عندي فورد فكتوريا 99 سعودي بحدود سعرك مفحوص ومجدد وعرضه للبيع
اذا صامل راسني خاص او رد على رسالتي
والله يوفق الجميع

[أبو طريبة]

أنا أنصحك تاخذ له وننيت ..
بس بالسعر هذا ما راح تلقى نضيف مرة لازم تتحمل الخرابات شوي...
أو مثل ما قالوا الاخوان الاكسنت عطي الرحمن ((حمار مكدة))
والدليل شفها ماشية زي الحلاوة في مكاتب الاجار

[اا السفير اا]

ان كان ولدك يحب البر عند صاحبي جيب شروكي 99 باب سعودي نظيف


0562588851 صوره مع التحيه


http://store0.up-00.com/Mar10/cXv64268.jpg

[(((.ابوتميم .))))]

صني 2003 تماتيك بدون مواصفات
ذهبي محركات نضيف والقير بعد
البدي طقات بسيطه مره
ماشي 140 الف
مسيوم ب14000
الموتر ما يتحرك اكثر شي واقف لان عندي سياره ثانيه
ينفع لولدك مره

[ال حميدان]

صني 2003 تماتيك بدون مواصفات
ذهبي محركات نضيف والقير بعد
البدي طقات بسيطه مره
ماشي 140 الف
مسيوم ب14000
الموتر ما يتحرك اكثر شي واقف لان عندي سياره ثانيه
ينفع لولدك مره

سامحني ياخوي ملولش00إذا ماجازت لك سيارة
عاشق الشاص ترى لي نظر ياراعيها
ممكن ترسلي صوره على البريد الإلكتروني
اواحط لك رقم الجوال ترسللي الصور وسائط

[abu-5a1ed]

السلام عليكم أخوي ملولش



أقترح تدور أكسنت الهونداي الكورية بصراحة تتحمل بشكل غريب جدا جدا جدا



أنا كان معي وحده 006 جديدة جلست معي 3 سنوات ونص بالضبط مشت فيها 360 ألف وزود وعطيتها أخوي



ما قد قالت لا ما شاء الله تبارك الله ما يبي لها الا بنزين وزيت وفحمات كل فترة وغيره انسى



أيضا فلتر الثلاجة كل 6 الى 8 شهور تنظفه حسب استخدام الهواية لأنها توسخها




بعدين ما شاء الله ما بقيت ولا خليت ديرة الا رحت بها ولا بر ولا بحر الا طبته



هذي بعض مزاياها وأنصحك فيها بالمرة عاد حاول تشوف استخدام ملك ولا يكون بها صدمات لان الدقشة تأثر فيها





أعتذر عن الاطالة بس حبيت ادلعها من حبي لها

[عاشق مكشات]

خذله كابرس قديم حديد قوي يتعلم بعدين بعه

عندي كابرس موديل 86

[راعي وقفات]

فيه يالطيب اكسنت 2003

رخيصه كان لك نظر قلى على الخااص

[ابوشعيل97]

عنديك فورد اكسبلورر سبورت باب واحد الموتر نظيف ومكيف شغال ودبل ورفيع الموتر
هذا جوالي 0568963243 مسيوم مني 15000

[الشرافي555000]

عندي كورلا 2002
فضي
مكينة 1300 سي سي
قير عادي
قزاز كهرباء


حلوة وتنسفط
استمارة جديدة وتامين جديد

السعر مغري 17 الف
قابل للتفاوض
الموقع وادي الدواسر
واذا عزمت عليها ارسلها لك لاي مكان تبي
0555000862

[حبل الوريد]

خذله هايلكس موديل من 95 الى 97 غماره

وابعد عن الاكسنت والله انواع الخرابات اخذه واحد من الربع قعدت معه 6 شهور

وخبطت وانت خبرك الولد ببدياه السواقه بيكون راعي طفاقه

ويبي له موتر يتحمله شوي

اذا انت ملزم على الهونداي

خذ له انترا وما جاك علي والله موتر كد ومد

[الييرق]

خذ له ونيت ..لايطيح سعره ..ويدخل بأي مكان ..وتحتاج له انت لأغراض البيت ..


ونيت وبس بصراحه انا عندي هيلكس مديل 92 غمارتين حمار شغل وانتو بكرامه

والله ولا مكان الا وهو يقول معك مايردنفسه ابدا

وان تبيع حمول حمول وان تبيه ركاب ركاب

وبعدين سعره ثابت

انا شاريه 19 ومظبطه والحين عندي باكستاني مزعجني يبيه بنفس السعر
يعني سعره فيه شكيك في جيبك متى مامليت حطه في الحراج ويجيك الشاري وانت واقف

او خذ له كرسيــدا نظيفه

غير ذولي الله يرحم والديك لا تخذ هذولي حتى عند راعي البقاله تلاقي قطع الغيار لهم

على قولت المجربين

وسلامت الجميع

[عاشق الشتاء]

الله يعينك اخوي ملولش

والله ياشباب طشيتو راسه كل واحد يجيه براي مايصير هالكلام

افضل حل يجي تصويت ويشوف اكثر شي مصوت له ويشتري مثله

والله يرزقه الموتر المبروك

[حترش]

اسمع كلام مجرب (النترا هونداي) من 2004 وما فوق بصراحة حمارة كرف اعز الله الحاضرين

بصراحة سيارة حقت كرف وعمليه جدا وجربتها فترة في كل مكان حتى في الطعس والبحر خطيررررة

تتحمل السيارة ، ماخذتها الا بعد مشورة وتفحص واكثر محلات الايجار مدحو فيها حتى الليموزين ..

والله يوفقك بسيارة يعطيك خيرها ويكفيك شرها ..

[ملولش]

اشكر الجميع على ردودهم وعلى تفاعلهم

الله يبارك لكم في مالكم و ذريتكم


شريت يارس 2007 بــ 17500 الله يطعمنا خيرها ويكفينا شرها