اصحاب الجيوب النيسان و التويوتا

[ابوعدي]

ودي بواحد مجرب السفاري الفتك او اللاند الجي و الجي اكس يعطينا العلوم الطيبه
واللي جرب النيسان يمكن يمدح موتره واللي معه تويوتا يمكن يمدح موتره ابي الزبده
واذا كان الواحد معه ستين الف بس فقط لاغير وش رايكم ينفع يشتري استخدام شخصي طويل الأمد :D وامكن الورثه بعد عمر طويل
ودي اشتري جيب نيسان او تويوتا صالون ودي نصيحه صادقه
من موديل او قوة او اي مواصفات الواحد يشوف انها تنفع الموتر
طبعا ابي الموتر للبر والديرة والسفر
جتني نصيحتين الأولى جيب جي اكس تويوتا
والثاني فتك 2004بس غالي علي وانا ما معي هاك الزود ابي بحدود الملبغ اللي معي .
ارجو من الأخوه ان يفيدوني

[ابوعدي]

ارجو من المشرفين الأفاضل نقل الموضع في المكان المخصص
اسف غلطه مطبعيه من كثر الهواجيس:p

[ضلع]

في ها الحاله

الفلوس تحكم يا الغالي

كلن وده معه جيب لكزس 2010 :(

لكن العين بصيره واليد قصيره

فلوسك تجيب على كلام الرجال فتك 2003 او 2004 وكلامه صحيح

اما تويوتا بتجيب لك موديل قديم يني كلا عليه الزمن وشرب ولا راح يجلس معك

حاول تدور شروكي 2006 او 2005

والله يسهلها عليك وعلى كل مسلم


كورلا كاش ولا فكسار اقساط

[برق الشفاء]

أخوي ابوعدي أنصحك بالباترول 2005/2004 استاندر تلقى بالمعارض نظيف وعلى قد فلوسك على ماقال كد ومد
وتقدر تجهزه بكمال التجهيزات وخص لاحطيت جنوط هلل وكفر بالون ومسعد شاص يطلع
يدور الهدد والمقانيص وتقبل مروري ,,,,,,,,,,,,,,,,,,,,,,,

[ابوعدي]

تسلم والله يالضلع
وفهمت من كلامك ان الباترول زين بالنسبة لي وعلى قد دراهمي
اما الشيروكي تكفى فكنا منه طيب هل الجي اكس موديل 97 زين وخدوم والا مثل ماقلت اكل منه الزمان وشرب ؟
وما قصرت يالغالي على التفاعل
---------------------------------------------------
تسلم يابرق الشفا
والباترول زين بس هل الدراهم اللي معي تجيب غير استاندر 2004
ومشكور على رايك

[abo.remas]

اي سياره لازم تتاكد من نظافتها يعني يجيك باترول بفلوسك بس انت تكد عليه مايفيدك
شف لك سياره نظيفه ونصيحه الشيروكي لايقربك مررره
والله يوفقك

[براوننق]

عطنا كم افلوسك عشان نفيدك اكثر مثل من70ال90يعني التسعين ريال واحد ما تزود عنه وانتبه لا تقرب الشروكي

[ضلع]

حياك الله يابو عدي

فلوسك تجيب باترول فتك نص فل 2004
او فل كامل 2003

بس اهم شيء دورالممشى القليل
والله يوفقنا وياك لكل خيرر

[ابوعدي]

تسلم والله يالضلع على النصيحه ونبي نشوف وش نصمل عليه والله يكتب لنا الخيره وجميع من يسمع

برواننق
الفلوس 60الف ريال فقط لاغير ومابي السلف يالغالي
ونصيحتك عن الشيروكي على العين والراس ومشكور

abo remas
ما ادري وش قصدك بس انت تكد عليه مايفيدك
يعني الباترول ما يصلح للاستخدام والمكده ؟؟؟
اما الشيروكي مع احترامي لأصحابه مايسوى من يحط فبه فلوسه
=============
طيب وش رايكم وش يجيب المبلغ اللي معي تويوتا وكم موديله احس ان بعض الناس تخوف من الباترول كأستخدام :redcar:

[ابو رائد نت]

انصحك رح لدوله الامارات وخذ تويوتا بفلوسك نظيف وموديل معقول

[الادعج]

ارجو من المشرفين الأفاضل نقل الموضع في المكان المخصص
اسف غلطه مطبعيه من كثر الهواجيس:p

أبو عدي ارسل رساله خاصه للمشرف المسئول عن هذي الخيمه ..علشان ينقل موضوعك ..
او الله يعينك اكتب موضوع جديد :D

[ابوعدي]

انصحك رح لدوله الامارات وخذ تويوتا بفلوسك نظيف وموديل معقول
ابورائد والله ان الأمارات زينة بس وبعدين وضعي ما يسمح حالياً وما قصرت

[ابوعدي]

أبو عدي ارسل رساله خاصه للمشرف المسئول عن هذي الخيمه ..علشان ينقل موضوعك ..




او الله يعينك اكتب موضوع جديد :D

تدري لا احد يعلم المشرفين دامنا جلسنا هنا وانبسطنا وتجمعت هالوجيه الطيبة ما تسوى الروحه
اقصر صوتك يالأدعج لا احد يسمع:j شكلك تبي تروح للمشرف في بيته وتعلمه لكن انتبه اخاف يزعل ويحذف الموضوع

[الادعج]

تدري لا احد يعلم المشرفين دامنا جلسنا هنا وانبسطنا وتجمعت هالوجيه الطيبة ما تسوى الروحه
اقصر صوتك يالأدعج لا احد يسمع:j شكلك تبي تروح للمشرف في بيته وتعلمه لكن انتبه اخاف يزعل ويحذف الموضوع

ههههههههههههه ..
لا لا ..عادي عادي ..يارجال
تصير بأحسن المنتديات :p

[خشم العرنيه]

انا انصحك في الباترول لانها على قد فلوسك
ودور موتر نضيف
والله يوفقك

[ابوعدي]

تسلم والله ياخشم العرنيه
والله يوفق الجميع

[هوايتي مكشات]

ياغالي تايوتا وبس

[ابوعدي]

هلا والله ياهوايتي مكشات وبس
وش تجيب لي فلوسي من موديل ويدي على كتفك اذا وفق الله
ودي بتويوتا لكن مثل ماقالوا الشباب دراهمي ما تجيب الا موديل الموتر اللي اكل الزمان منه وشرب واللي الود ودي ما اركب الا تويوتا لكن مد شماغك على قد راسك وش نسوي نسرق :mad:
احس اني عصبت بالحيل عسى ما طقيت احد :looney:

[طير شلوى نجد]

الموتر النظيف يابو عدي مايؤثر به الموديل الكد للموتر وبيد كم واحد لو كان جديد مب صير لك ولزمن دور النظيف وانصحك بالتويوتا عن تجربة @ وشوف يابوعدي كل ماتجددت هالمواتر كل ما قل كرفهن والسيارات الأولات هن سيارات الكد والله يرزقك الموتر الي بخاطرك