فرن المندي

[هايلكس.Mr]

بسم الله الرحمن الرحيم

عندي إستفسار لأهل الرياض أين أجد أفضل فرن مندي للبيت وماهي أسعاره و ماهي أحجامه.:confused: :burnout2:

وهل السنيدي و برق الحياة عندهم أفران مندي ولا لا؟

شاكر ومقدر لكم أخواني أعضاء ومشرفين مكشات.
:) :D :)

[جوبتير]

قص لك نصف برميل واحفر له بالحوش وغطه بصحن مناسبات وفوقه كم خيشة رز وما جاك عندي

[shaheen70]

قص لك نصف برميل واحفر له بالحوش وغطه بصحن مناسبات وفوقه كم خيشة رز وما جاك عندي
بارك الله فيك أخي الكريم
والله هذا الكلام وأحسن مندي
وخاصه إذا دفن بالرمل يجي على الكيف
تقبل مرور أخيك المدون أسمه على اليمين

[هايلكس.Mr]

الله يعطيكم ألف عافيه أخوي جوبتير و شاهين ماقصرتو بس المشكلة وانا خوك إذا صار مهنا تراب بالحوش كله بلاط>>>>>>>>>>>>(حنها ولقها فرن المندي).

شاكر ومقدر لكم أخواي.

[هبــ حريملاااء ـبوب]

السلام عليكم ..

اليوم الجمعه انا عند اللي يبيعون فخاار بمدخل الشفاا طريق مكه على اليسار وانت متجه جنوب
لقيت عندهم اشكال .. وواحد شرا قدامي درام ابو ذبيحه بكفرات بـ 150 ريال على الحطب ..

وفيه على الغاز ..

هلااا بك

[ملف علاقي]

مرحبابك اخوي فيه افران مندي كهربائيه حلوه ومجربها مناسبه جدا للبيت وسبق ان احد الأخوان سوا عنها مقال في هذا المنتدي وهي تجي ثلاث مقاسات الصغير منها ياخذ ذبيحه وحده مع رزها او 15 دجاجه مع رزها وشغل نظيف واقتصادي والوكيل حقها موجودفي حي السلام مقابل مقابر النسيم رحم الله ساكنيها ويوصل إلي انحاء المملكه وعلي مااظن ان سعر الصغير يوم اخذه بحدود 950 ريال طبعا كهرب 220 كامل مع شبوكه وقدره يكفي حسب ما اعتقد من 5 إلي 7 اشخاص من عيوبه صغر القدر اتمني اني افدتك وموفق ,,,,,

[رعد الصحراء]

فيه فرق بين الفرن والبرميل

اذا كنت تقصد فرن المندي على الغاز وكيله الغنام وهو أفضل شي

وللأسف الرقم مو موجود عندي لكن راح أرسله لك

وتبي تعرف أكثر اضغط على الرابط أدناه واكتب اللي تبي وراح تجد ماتريده

باحث قوقل لمكشات (http://www.google.com/custom?hl=ar&lr=&ie=iso-8859-6&oe=iso-8859-6&client&domains=www.mekshat.com/&sitesearch=www.mekshat.com/)

وماقصرو الاخوان أفادوك

تقبل تحيتي

[فراس التميمي]

بيظ الله وجهك على الموضوع الرائع

موضوع ممتاز من عضو ممتاز

وفي انتظار جديدك

[هايلكس.Mr]

ألف شكر لكم أخواني على تواصلكم و إفاداتكم.
أذكر منول أحسن شيئ اللي مسكت فرن المندي (اللي باب تفتحه وتصك على دحاجك)بالغاز.
لكن لما سألت وتفرعت لقيت أنها تطورت ذالبراميل والله المستعان بس والله العلم مالي إلى أبو باب اللي بالغاز هو رفيقنا وعارفينله.
أعيد الشكر لأخواني على الرد و الإهتمام.