اكتب أجمل بيتين كتبتهم ____ موضوع متجدد

[صقار بني ياس]

سلام الله عليكم ورحمته تعالى وبركاته هل مكشات


شخباركم عساكم ابخير وسهاله؟


المهم


يت فكرة فراسي وقلت بسويها وهي


كل واحد يكتب أفضل بيتين كتبهم بنفسه وما يكتب بيتين لشاعر ثاني ( فهمتوا قصدي )


بشرط يكتب البيتين ويقول سبب الكتابة ( إن امكن )


والبداية علي


اقول:


لك الحمد يا ربــي غذاة وعشية *** على خير ما يوفيه وصف الحناجر

تعاليت باسمك والصفات النجية *** وكـلْـــنا عبيدك لـــو فقيرن وتـاجر


سبب كتابة البيتين اني فزت فاحدى المسابقات بجايزة مالية


ماهي بالقليلة ولا بالكثيرة


عسى الفكرة تحوز رضاكم



وانتظر مشاركاتكم



صقار بني ياس

[شاعر الجوف]

السلام عليكم ورحمة الله وبركاته


هذي القصيده كتبتها تعبيرا عن حبي للبر والمكشات وأقول في مطلعها أوصف النار:f ودلال من حولها:-


ويلي على اللي حولها صفة دلال****كانها الضحى اللي سطع دامس الليل


ولكن البيتين اللي أحس أنهن جميلات هن من نفس القصيده أوصف الكشته بشكل عام والجلسه بشكل خاص و اقول فيهن:-


خيمه يمينك صفَّّة الجيب بشمال****فوقك غيوم وتحتك الزل يا ويل
قدامك طعوس وتشرح ترى البال****وخلفك وجنبك كل ابوها معاميل


إن شاء الله تنال إعجابكم

[صقار بني ياس]

السلام عليكم

شاكر لك تفاعلك معي يا شاعر الجوف وعسى الله اييب البقية:D



هذي القصيدة كتبتها لظرف مر بي وكان صعيب علي وعسى الله لا يبليكم به

فقلت في مطلع القصيدة:



الدمع في عينــي مخفـّـيه *** والهــمّ ساكن في حناياي

الحزن مستوطـن وما فيه *** غير التعب كلـّــه فـدنياي

عسى تعبيكم

وإن شاء الله الأخوان بيشارون عن جريب

صقار بني ياس

[ابوناصر السهلي]

اشكرك على هذه الفكرة وبيض الله وجهك
دنيا تقلب كل يوم(ن) على نوع ====الذيب جايع والحصاني شباعا
حتى الحرار مفرخه وسط مشروع ====عقب الجبال وكل فعل(ن)شجاعا

[غيث داورد]

لوكل من يمشي على الارض قفى *** عني فلا ضني يقولون قفيت
ولو ابدي اللي لك من الشوق كفى *** الحي واللي بالمقابر بعد ميت

[جرير]

لقيت بالوحده لنفسي تصاريف =نفسي لنفسي كدرها مع سعدها
عز الرفيق اللي يجي لي على الكيف= اللي يسد اللازمه في وعدها

[ابن كندش]

لآ شفت فعل فحول شعرٍ بنوماس .. روحت ادندن للبيوت الحنتها
وبيوت شاعر لآ طبخهـآ في الراس .. توصل بعيدات المرامي لا جتها
.
.
ومناسبتهـآ ، اني قريت الموضوع كوتبت ذا البيتين ..

[نديم المجره]

اشكي إلى الله دمعةٍ وسط عيني
........................عيت تحدر وقفت بين الاهـداب
كنه على درب القهر تحـتـريني
.........................دمعة يتيمٍ قـفـلوا دونه الـبـاب

[الرصد البري]

بسم الله الرحمن الرحيم

السلام عليكم ورحمه الله وبركاته

البيض تستاهله يامنير ** تستاهل البيض وزياده

الحر حرً سوات الطير ** يمناه لصيد صياده

لها تكمله ولاكن حسب الطلب بيتين فقط

والمناسبة أنه هناك رجل أسمه منــير الـــشيبــاني

قام بدعوه غدا لأحد الضيوف وعشاء لضيف اخر في نفس اليوم

واليوم الأخر نفس الشيء غداء وعشاء

وقمت بكتابتها

تقبل مروري اخوك:الرصدالبري

[ساحووق]

صح السنتكم جميعااا

ولي عووده

[النـادر]

الفاطر اللي من ثمان سنين باليها الهيام
من عافت العنه وهي ماتعبت رعيانها
لانه اذا راحت تجي ..يردها جور الحيام
يعني على ويش التعب مادام تقضي شانها

عذرا على ذكر المناسبه

[شاص2006]

هذه بيتين من قصيده لولد عمي واتمنى ان تعجبكم

ياونتي ونت طريح الكلبشات *** يوم طرحوه وكل شي علاتي

مديون بالترويج والحال علات *** وبالصدر ريح من الهواجيس عاتي

[سلاح الطنايا]

بسم الله الرحمن الرحيم
اشكرك على الفكره:::...حصل بيني وبين زميلي سؤ تفاهم وكتبت هلبيتين...وعساه تبيظ الوجه.
ماعاد للخوه بيننا له حساب && بعتن وانا ياخوك لك شاري
واليوم انا لجدلك ماني بطلاب && ودعتك الله يابوفراس ياجاري


اخوكم|غالب الزميلي

[شقرااااان]

الطير دجه والحباري مجنن...والتتن قاضي والمعاون جنوبي
والريح صلفا وعجها مستعجلن ...وانا على جيبي احسب ذنوبي

شقراااااااااااان

[ساحووق]

هذي اليتين لي

كلن يمدح نفسه لو هو ردي//لكن الطيب يبين مدحه ليا غااب

الخوي اللي يقفي وليا بغا مصلحه جا يعدي///اتركه واقطعه واقفل عنه كل بااااب

[(( ابن الحياة ))]

متربع بجمر القهر متوسد عتاب &&& ارجى لمكشوف الظهر شي(ن) يغطية

[القبقب.87]

اصيح اصياح بصوتن مدوي والصوت سرى بصدر ياكبر همه
القلب وحده حايرن وش يسوي بالضيق اللي سكنه في وسط دمه

[النااايف]

السلام عليكم
المناسبه
زعلت على الطير تنكر
بارضن وعر ولاهيب حزته
مطر وهوا ولامن صيد
من ضمن القصيده
يسمونه الوافي وين الوفا يطرا
لاصار هذا الوفا وطبعه نكادي
اليوم عندك وباكر يصير ذكرا
يموت ولامن الصواديف غادي


نصيحه لاتفاول شر
وعقبه باسبوع مات بالطياره

[صدوق المخاييل]

مالي عذر عن المشاركه 0
ياصاحبي لاصرت ماتقبل الشور===كلن عمى رايه يقدي صوابه
هرج القفا راعيه ماهو بمشكور ===ومن شق ثوب الناس شقو ثيابه
ماني على غرات الاجواد مجبور===هذاك خبلن ماحسبنا احسابه
اهل الحساء ماضيعو يوم عاشور===وكلن على وسمه يوسم اركابه
وان كان ناصرماعرف ذنب منصور===بقعا تلطه جعلها في شبابه