موضوع عن الكراوين خلونا نتنقاش فيه

[سعودي و افتخر]

السلام عليييكم ورحمة الله وبركاته
كيف حالكم يا جماعة الخير؟؟
ياجماعة الخير الحين صار صيد الكراوين بالجهاز الي يجيك راعيه وحط صوت الكروان ويجي راعيه ويمسي حوله عشان الكراوين
حنا يا خوان ان نعرف ان المقناص يا زينه وانت تقص ووتعب عشان تلقا الي يرضيك من الله
وفي ناس الله يهديهم يحطلك الجهاز ويمسي حوله ومايقوم الا صار بدال الجول صار دبل وانت تقص من فجر الله وماتعيين شي وهذا ممسي حول الجهاز ومعين من الله خير ياخوان انا والله ماني طماع في غيري الحمدالله الله رزقنا هالسنه رواضين فيه
بس ياجماعة الخير وين المتعه وانت تقنص ومعاك جماعتك وانت تقص الجره ورايح يمين وشمال هنا المتعه ياجماعة الخير
انا والله يعني بس حبيت ان اطرح هالموضوع ونبي ننقاش فيه الصقاقير لان صار والله الجهاز مايخليك تحس بالمتعه وانت تقنص
ووصار ماجود في كل قاع الجهاز من تدوج الفجر وتسمع صوت الجهاز يكركر
اناا والله حبيت بس اني انزل المووضوع ونبي نتناقش فيه وطبعا ياخوان كل واحد له وجهت نظر وخلونا ناخذ وجهتكم
ومشكورين ياجماعة الخير

[شايش الراس]

خذلك جهاز وخله يكركر على قولتك وبالنسبه للجهاز لاتخاف منه اقنص ولا عليك ترى اغلب اكثر الحيان يكون بعيد عن الجهاز ويصير فيه تقطيع ودوره الجهاز يركد الكروان لايبدل بس

[الـسـاطـع]

بصراحه اخوي سعودي وافتخر كلامك صحيح
الان مافيه متعه يشغل الجهاز اخر الليل ويهد عليه الصبح مع شروق الشمس ويرجع لبيته ينام
ويمكن الان فيه منهم راعين سلاح مامعهم طيور يشغلونه والصباح يرمونها والصيد راح ينغرض
بهذه الطريقه
انا ما أأيد الجهاز قص الجره يوم كامل احسن من يوم اشغل الجهاز واهد عليه على طول
هذا من وجهت نظري والرأي لايفسد في الود قضيه

[الكايد 123]

افادوك الاخوووان

[الشمالي 884]

وعليك السلام ورحمه الله وبركاته
سعودي وافتخر كلامك عين العقل لكن الجهاز مريح حطه المسا والصباح ان راد الله لك روح له وهد وانا ايش ابغا غير الهدد اهم شي استانس وترا مو شرط انك تحصل عنده مرات غير تقص جره الكروان حتى يبين لك ومرات لاجره ولاكروان

[كلما نسنس]

حياك الله اخوي سعودي وأفتخر
انت علمني مكان الجهاز الي يجيب بدل الجول جولين ..
المقسوم لك تبي تلقاه بجهاز او بدونه طلعت انا وربعي كم يوم شمال المملكة ومعنا جهاز كراويين ومانحطه الي علي جرة الكراوين ولا لقينا عنده شي ونلقاء عنه كراويين بعد ثلاثه وسته كيلو ولا جن علي الجهاز اسبوع كامل علي الجهاز محصلنا عنده شي وانا الصراحه ماني راعي كروان بس طلعت كم سنه للكروان ومعنا اجهزه ماقد حصلنا عند الجهاز شي ..
فأنا اقووول رزقك تبي تلقاه بجهاز وبغيرالجهاز
وتقبل مروري المتواضع

[@قرناص@]

اخوي / سعودي وأفـتخر .. كلآآمك في محله ..

اقنص القآآع ويجيني واحد شمآل ولا جنوب القآآع ويجذب الكرآوين الي حولي ,,

وانا اقص واتعب وبالاخير .. لآشي يذكر .

وفي النهايه هي آرزاق من عند الله ..

اعرف واحد له اسبوع يقنص بالجهاز ولاعين شي حوله ..

وغيره بآليوم 6 ولا 7 كرآوين !!

المهم لآيجي جهاز مخصص للحبارى .. ونروح ملح ,,

[المزروعي]

أشهد انك صادق و ين المتعه , أول الواحد يغبش من الصبح و يتبع و يتعب و إذا حصل كراون واحد راح عنه التعب كله , و اللحين الله المستعان الواحد يسري من الليل تقول خفاش حتى يحط الجهاز و يروح ينام و الصبح يرجع و يحصل الكروان ينتظره عند الجهاز أقسم باللله مالها طعم و لا ذوق و أشهد ان المقناص راح و راحت أيامه الحلوه .
شاكر لك موضوعك الشيق

[((السنياري))]

وجهة نضر احترمها

بس وش تسوي الشكوى لله

اذا تبي الوناسه الحين وقت الكروين

[بو غازي]

السلام عليكم ورحمه الله وبركاته
يامرحبا اخوي سعودي وافتخر كلن له وجهة نظر وكلن له راي بالنسبة لوجهة نظري او الواقع الي صاير لدى مجموعتنا(اخويانا ) يوميا اخوي وصديقي الله يذكره بالخير مبارك الدوسري حاليا في امريكا عسى الله يوفقه ويرده لنا بالسلامة قبل لايروح جلس قرابة الشهر واكثر من الشهر يحط الجهاز بشكل يومي تقريبا وكان يحطه حول مراحهم (عزبة) كنا نهد تقريبا يوميا عدد 2 او 3 كراوين ومرة من المرات خمس كراوين لكن اغلب الي يهدون موظفين وبعظهم طلاب يعني الجهاز اختصر كثير من الوقت ولاننسى ان الهدد هو الغاية من المقناص وكذا مرة كان يصادف قناص قريب من موقع الجهاز والله يالربع انهم يعزمونه غصب على الهدد الكروان يجمع ويونس وفي النهاية انت ودك بالراحة صراحة والجهاز ريح كثير من القناصين .
والمطلوب ياأخوان من بعض القناصين سواء بجهاز او غيره ان يكون سباق للطيب يعني لامنك تواجهت مع قناص وعندك اكثر من كروان تقاسموها والله ربي يبارك فيها وتصير الوناسة دبل.
هذا من وجهة نظري تقبلوا مروري
:)

[قشميط]

يارجال والله ارزاق بيد رب العالمين
والكروان خسيس تحط جهاز ولا ماتحط خسيس
يتعبك بقص الجره

[صاحب نوماس]

والله طعمها انة تلقاه بعد التعب لة نكة خاصة

[مقناص الكويت]

سلام عليكم

اخوي الجهاز انا اشوفه زين تمسي وتشغل الجهاز ماتصبح لا عندك اجوال كراوين وهدد عليهم وستانس بدال

العنأأأأأأ الي تحوس الخد وماتحصـــل غير كروان لا وطاير بعد هههههههههه سهلات وانا اخوك تقبل وجهت نظري

[صقر الجزيره 1]

وبشركم نزل جهاز بالكويت صوت الحباري جديد
ماجربناه لحد الحين ننتظر اصفري ونعطيكم خبر
ويصير مقناصك حط جهازك وشب نارك وفنجال قهوه

[تـقوى الهجـر]

سعودي واافتخر كلااامك صحييييح

[قرناس شماالي]

كلامك صحيح لاكن الحين الكل معه جهاز
وتوقع من حداء السنسن يقلون مافيه كروين