ما هي القطعة الغالية لديك بالعزبة؟؟

[ابو نجود]

في عزبة الواحد منا قطعة تكون غالية لديه لاسباب عديدة..اما ذكرى غالية او هدية من شخص عزيز او وراثة قديمة...الخ
لذا ارجو ان يتكرم الاخوة الاعضاء علينا بعرض القطعة الغالية عليهم والاسباب التي ادت الى ذلك..

[فراس التميمي]

الدافور لأن سعره غالي

والبريق عزيز على قلبي لأن ما اتطعم الشاهي الى فيه

[كادر]

دافور بريموس 5 رطل له عندي فوق العشرين سنه :) لاتحسبون اني شايب شاريه وعمري سنه

[aooa]

الولاعــه او القداح والصحن ... لان فقدهم ما يتعوض

[ابورايف]

ابريق التفويح له عندي 13سنه بس شي مع العلم انه رايح اسود
وتقبل مروري

[ابو نجود]

اشكر الاخوان لتفاعلهم مع الموضوع..وارجو ان يضعوا الصور ان امكن ذلك..

[السلسبيل 722]

الكاتم ...............
بصراحة طلعة بدون كاتم ليست طلعة .

[الشيخ قوقل]

السكين التركيّة إذا مر عليها مسن الرماية
وفق الله الجميع

[ابن حلاسه]

تبي الصزززززز

كل عزبتي غاليتن علي وما تفرق بين شي غالي والا رخيص

[باثفندر]

دلة رسلان قديمة قديمة بس أربها كل فترة ولا أستطعم القهوة إلا فيها ( مع العلم أن في غيرها مخليهم ديكور أو للضيوف ) ,

صورتها بالتوقيع

[Hsawi]

دلة رسلان لها 18 سنة
وجايتني منشخص غالي علي

[عشق الشمال]

http://up.arab-x.com/Mar10/EKh91051.jpg (http://up.arab-x.com/)




مالي غنى عنه :D


مثل اللي بالصوره :good2:

[عاشق الفتك 20]

ابريق الشاااي الهندي

[البانيلي]

سلام

سكين مشرشرة لتقطيع كلش خصوصا اذا صار الشي مثلج زي الدجاج ...

لقيتها بالصدفة في محل أواني ولليوم

ما شفت زيها

لو ضاعت رحت وطي

[فيصل الرحيمي]

دلة العساف الكورية الأصلية
(من الوالدة الله يطول بعمرها)
عندها من عشرين سنه عام 1410هـ
ولها سنتين معي

[الطريق السريع]

قز بريموس الرصاصي له عندي 20 سنه
وحافظه بريرميد20 سنه

[ابولولو]

هلا وغلا اخوى ابونجود
شكرا لك ولموضوعك
اول شى ماحطيت انت الى غالى عليك;)
ثانيا ماحطيت انت صور:D
انت صاحب الموضوع لازم تصير قدوه وتعطينا الى عندك :good2:
عندى دله قديمه من عرس الوالد والوالده له فوق 50سنه يوم توى الوالد الله يرحمه وزعت امى التركه وصار من نصيبى طقم دلال وبريق انقليزى وكنت اخذ الدله معى للبر وصراحه هونت وحطيته باالملحق رزه :p خوف عليه من الضياع وعرمشه السباع :D :p
الحين اباريق ستل استيل كورى له تقريبا 20سنه واباريق ابوسافين ونخله
شكرا لك
موفق خير

[هاوي الترحال]

دافوري وبريقي

[abo.a]

العزبه كلها طال عمرك

[راشد الجريبة]

ما تغلى عليك

[Placid]

بما اني توي جديد على الطلعات

احسن شيء عندي الكاتم والله اني شاريه امس هههههههههههه ،،، كاتم عادي ابو تسعة لتر مكتوب عليه الحميدي.

وبعد شواية ومنقل صغير ،،، وابشتري باقي الاغراض قريب ان شاء الله

[راعي الصطحه]

العزبه والسياره كلها غاليه عندي

[جهام - جهيم]

والله انا يمكن اقولك

القطعة الغاليه مب بالفلوس لكن غاليه على قلبي

والله بريق الشاي له تقريبا 8 سنوات وضيعته فتره وحسيت اني منيب اشرب شاهي الين لقيته

والناس يقولون اغسل هالخنفسه << عشان لونه اسوووود

وانا معيي

ولا انسى الدلة القديمه البغدادية << قديمه مره

[جهام - جهيم]

لا والوالد عنده بريق له 20 سنه لو تقوله عطني اياه قال يجيب الله مطر لانه ماخذه من جدتي


ولا انسى عزبة الطبخ فيها كاتم سيب 11 لتر ما تلقاه لو تطير

[البانلي]

سكيني الفرنسيه رقم7 لها معي اربع سنوات وغاليه علي لان الشباب كلن له ذكرا معه يعني بلعربي مافيه احد ما قطعت يده

[دخنآوي]

والله أغراضكم مآشآء الله قديمـة مرهـ
الله يحفظهآ لكم ..
والله ماعندي شئ غآلي بالعزبه الا كان الدلـة ..
بس الموتر اغلى :)

[غاوي مقناص]

كلها العزبه غاليه لكن عاد الدله الدله

[AYED618]

موقد كولمن... يعمل بالبنزبن

[AYED618]

قز بريموس الرصاصي له عندي 20 سنه
وحافظه بريرميد20 سنه

مشا اللة عليك ...العمر كلة انشاء اللة ..

[خالدي الجوف99]

الدلة البغدادية والابريق الهندي

[نفود الثويرات]

http://www.mekshat.com/pix/upload04/images155/mk24688_4.jpg




http://www.mekshat.com/pix/upload04/images155/mk24688_5.jpg

[نفود الثويرات]

عاد هذي لا تفهمون غلط

http://www.mekshat.com/pix/upload04/images155/mk24688_14.jpg

[ابو سيـف]

http://www.mekshat.com/pix/upload04/images154/mk143684_20100404127-002.jpg




http://www.mekshat.com/pix/upload04/images154/mk143684_20100404126-002.jpg




((( من اهم الادوات عندي وذلك لانه مريح وقوي ومن ابداعي )))

[سليمان 10]

القطعه الغاليه عندي هو مخي الي يهوى البر والسحاب والمطر والبروق والتلاع والقلات والشعبان والسكه الي مليانه ماء منذ 19 سنه والحمد لله على نعمه التي لاتعد ولاتحصى 000

[فهد بن داموك]

السكين الشاطر

[العبيدي1]

سكين خوجه الألماني الأصلي

جتني هدية من الولد > حيث أنه اشتراها قبل 30 سنه

ولا زالت على راس العمل :D

كما ان شبك الشوي عزيز علي :good2:

[مهنا-715]

اغلى قطعة على قلبي في العزبة
دلة بغداد عراقية اصلية
هدية من الوالد الله يمد بعمره ويخليه تاج على راسي

[مقناص 20]

الدافور جدا غالي

[ساسوط1]

الدلة والإبريق
لابد منهما

[حزوبر]

السلام عليكم
أغلى شيء عندي دلة بغدادية أصليه ، عمرها يمكن ثمانين سنه أو اكثر

[wafi4sa]

اهم شي عندي الملقاط
لاني احب احرك النار واسحب بالجمر حول الدلال والأباريق
يحبي للملقاط ولا يفارق يدي إلا عند النومة واول شي امسكة لصحيت هو الملقاط
وايحيانا احلم انة بيدي وانا نايم هههههههههههههههههههههه

[alkreze]

أغلى شي عندي
النجر جاني هديهـ
من شخص غالي

[ابوقاسم]

العزبة كلها غالية
بس الشي اللي ما استغني عنه هو الرز
بدون الرز ما فيه طبخ يشبع
ااااااااااااااااااااااه يالرز ذابحنا
تحياتي

[ابو حاتم 511]

الدافور وابريق التفوحي واهم شي الولاعه

والصراحة العزبة كله مهمه بالسياره انا ماتنزل من عندي

[الشقردي]

كل العزبة غالية, وبالأخص دلة سيف ستيل مهداه من الوالده الله يحفظها من 10 سنين والدله عمرها أكبر

[بن هدهود]

كلهــــــــــا غالية يابعدي

[ابوصالح77]

أنا أجدد عزبتي كل فترة
أغلى شيء عندي دبة(5 رطل) بريموس سويدي لونه أصفر قديم
1- لندرته ، 2- ولأنه من شخص عزيز

[معدي المرقاب]

كل العزبه ماعنها غناه

[AYED618]

http://www14.0zz0.com/2010/04/25/06/112328254.jpg

[faf o]

الكاتم وبس

[ابن هادي502]

دله بغداديه لها ما يقارب 15 سنه واعزها من قلب

[الرمز 1]

اتيربو الماني