من عنده فكرة بخصوص برميل المندي ؟

[طير المحبه]

السلام عليكم

يالله حيهم ..

ياجماعة الخير .. انا و الربع لنا طلعه كل خميس بالبر .. وفكرنا قبل اسبوعين نحط برميل مندي ..

فكانت التجربة ببرميل [ بوية ] حقيقه لن أقول أنها لم تنجح .. لكن مايضبط الا لشخصين فقط .. وحنا خمسه ..

فهل أحد عنده أقتراح برميل ؟ بخصوص برميل الزيت المعروف .. الى الان ماجزمنا عليه .. لأنه كبير و الحفر له مكلف .. أبي برميل يكون وسط .. آصغر من حق الزيت .. و أكبر من برميل البويه ..

أتحفونا بارائكم :good2: ..

# و الله يالمشرفين مادري وين أحط الموضوع .. لعلكم عاذريننا ..

[لاتكب البيالة]

السلام عليكم
اقرب حداد يفصل المقاس اللي تبي
وفيه موضوع للاخ عاشق السيل مفصل برميل درجة اول اكتب بالبحث فوق برميل عاشق السيل

[طير المحبه]

المشكلة حق آخونا عاشق السيل .. قصير ولا يأخذ الرز و اللحم ..
فيه أحد يعرف اسعار الحدادين ؟

[لاتكب البيالة]

المشكلة حق آخونا عاشق السيل .. قصير ولا يأخذ الرز و اللحم ..
فيه أحد يعرف اسعار الحدادين ؟
صلح مثله وطوله 20 سم
اما اسعار الحدادين اكثر شي يتفاوت بالعالم اسعارهم:D مرة ابصلح شي قالي واحد ب 250 واللي جنبه صلحه لي ب 20 ريال :D شفت الفرق يعني الحداد اذا صار مشغول يضربك بسعر ما يقول مشغول اذا صار اللي قدامه مهوب تكانه ممكن يقول تم
اسمح لي دقيته سواليف لكن نرجع للبراميل شف عندك بالشفاء محلات الفخار عندهم مقاسات شي به فخار وش لا واذا ما اعجبنك خلهم وامسك الدائري الجنوبي واوله عند حي المصانع فيه محلات او حوشه يبيعون توانك وشنط ومداخن انت خل ذولي واسأله عن البرميل تروه يبيعه:):D
اتمنى لك عمر مديد ومندي لذيذ

[طير المحبه]

و الله يابعدي انا بالقصيم