للاهميه......ابشركم شريت ؟؟؟؟

[قشميط]

السلام عليكم ....

يالربع ابشركم النيه اني شريت طير.....

واشترط على راع الطير الفحص وان سالم من العذاريب

ومكان الطير الشرقية يالربع وانا ما عمري جيتها

هو بها مستشفي للطيور والا مكان نفحصبه

يالربع كانكم تخبرون عيادات بالشرقيه


عطونا احداثيات والا وصف

ولكم مني اطيب التحايا

[ابوأفياء]

فاله الحباري العاصيه انشاء الله

وبمناسبه سوالك لا مافيي مستشفئ الى برياض فقط

والله يرزقك النادر

[taag1]

فيه الدكتور فارس بالشرقيه وبيفيدونك اهل الشرقيه ان شاء الله مايقصرون ومبروك الطير وتاكل من صيده ان شاء الله .,.,.,

[قشميط]

الله يجزاكم خير

يالربع نبي وصف الا احداثيات لعيادة الدكتور فارس

تكفون يالربع

وين اهل الشرقية وينهم

[لعّاب المنايا]

الدكتور فارس نقل لقطر وأعتقد غنه قفل العياده وما ادري هل فيه بديل له او لأ ,,
بس عموما الرياض قريبه ماهي بعيده وانا أخوك ..

[راعي أنقره]

مبروك انشاء الله

[الهداد2010]

السلام عليكم ....



يالربع ابشركم النيه اني شريت طير.....


واشترط على راع الطير الفحص وان سالم من العذاريب


ومكان الطير الشرقية يالربع وانا ما عمري جيتها


هو بها مستشفي للطيور والا مكان نفحصبه


يالربع كانكم تخبرون عيادات بالشرقيه



عطونا احداثيات والا وصف



ولكم مني اطيب التحايا



مرحبا ياقشميط مبروك الطير وتستاهل

اما بالنسبة عن عيادة بالشرقية مافيه ’’ فارس وراح لقطر ولافيه بديل حاليآ

بالتوفيق

[ذيب الحرار]

الله يجزاك خير

[صاحب نوماس]

ماتوقع ان فالشرقية مستشفى بس عليك بمستشفى الرياض

[llonely]

سوق الانعام اللي في الثقبة تحصل عندهم بيطري يكشف لك عن الطير اذا هو مريض او به عدوى وبالله التوفيق
وتراني ماني من اهل الشرقية بس سالت لك

[راعي البرقه]

فاله الحباري

[@السيف@]

مبارك الطير والله يطعمك منه

[ابـــًًو تركـــًي]

فاله الحبارى

[@قرناص@]

مبروك الطير مقدمـآ .. والمستشفى موجود في الرياض ,,

[حطام]

مبــــــــــــروك

[إبن ورآن]

الدكتور فارس مهوب موجود في قطر مافيه بديل

[الكايد 123]

مبروك الطير وبالنسبه للفحص مالك الا الرياض

[راع طلاع]

مبروك أخوي قشميط وفله الخرب بس كأني اشوفك مستعجل تركد بشويش:p

[قرناس شماالي]

مبروك والله يرزقك بلجول

[سعودي و افتخر]

يامرحبا
مبرووووك يالغالي ع الطير
عساه فاله الخرب الي يعلقها في السماء
فيه عيادة الدكتور فارس لكن الدكتور هو اساسا في قطر وعنده دكتور هندي مباشر في المستشفى
والعياده مفتوحه
لكن في البعض من الاخوان يفكر انه خلاص سكرت لان الدكتور مسافر
لا ياخوان العياده شغال 100% لكن الدكتور مسافر
ويوجد دكتور ثاني هندي الجنسيه