رساله للعضو ابو الشباب

[طير الهقاوي]

السلام عليكم ورحمة الله وبركاته
اخوي ابو الشباب الطير هذا الي عندك طيري حط الله بين عيونك وخاف من لا يخاف جزاك الله خير

اذا الطير الي عندك مهوب لي يقطع الشك باليقين مركز الامير فهد بن سلطان هذا الكلام الي بيريحك

وهذا رقمي للمفاهمه 0555572762

[لعّاب المنايا]

بيعقله الله يابوعبدالله
واصبر الصبر مفتاح الفرج ,,

[طير الهقاوي]

بيجيبه الله انشاء الله
الله لايهينك يالعاب المنايا

[ذيب عتيبه]

هذي والله الغبنه اي والله ياريجيل .. طيرك يجيك علم عنه .. وانت مالك درب له

يالله انك تعقله وتكتب له طيره وتريحه .. وابو الشباب ماكتب الموضوع الا انه كفو .. ولو انه واحد ردي كان سكت عنه

لكن الله يكتب اللي فيه الصالح ويوفق الجميع

[طير الهقاوي]

الرجال يرسلي رساله خاصه ولا يبي يكلمني شي يخليني احتار والفكر ينشغل ويخلي لشيطان درب
ماقول الى اعوذ بالله من الشيطان الرجيم

والله يهدي الجميع وخليه يدق علي

[عقيعقب]

ابشر بطيرك


الرجال كفو وانا ارسلت له رسالة بها رابط موضوعك
والرجل واضح أنه من الاجواد اللي ماياكل حلال أحد


وهذي رسالتي له ورده عليها





يالذيب شف الرجال

http://mekshat.com/vb/showthread.php?p=4190593#post4190593


والله يجزاك الجنة


شفته وانا اخوك

والله يرد طيره بإذن الله

امانه برقبتي و راح اوصلها له

[ذيب عتيبه]

عالبركه العقلان والله انه كنه طيري يوم انعقل

وبيض الله وجهك ياعقيعقب اشهد انك وافي


الله يوفقك والله يجزى ابو الشباب كل خير عز الله ان اللي مثله وشرواه قليل هالوقت



عالبركه العقلان يالامير وتستاهل

[لعّاب المنايا]

ابشر بطيرك


الرجال كفو وانا ارسلت له رسالة بها رابط موضوعك
والرجل واضح أنه من الاجواد اللي ماياكل حلال أحد


وهذي رسالتي له ورده عليها


كفو كفو ينطح كفو وتحري بالعلوم الزينه والله يرد الطير إن شاء الله لابوعبدالله
وابوالشباب يحري بالعلم الغانم ولاهي غريبه عليه وهو يفعل وقدها إن شاء الله ,,

[طير الهقاوي]

الاجواد واجد وهو انشاء الله منهم ويستال الخير ونا انتضر مكالمته ونشاء الله مايصير الى كل خير

[عقيعقب]

ووجيهكم بيضاء

وأبو الشباب بإذن الله إنه هالحين يراسل طير الهقاوي أو جالسين يكلمون بعض


الحمدلله اللي طاح الطير بيد رجال مثل أبو الشباب .. والله من شفته يعرضه بالمنتدى وأنا داري إنه أجودي
الله يكثر من أمثاله وأكثروا له من الدعاء الله يبارك برزقه وصحته

[زناد1]

السلام عليكم
الرجال كلمني
ومايعرف شي بالطيور والي شافوه اخوانه الصغار
عند هنود يبنون عماره بس اصبر شوي وانشالله يصير خير

[طير الهقاوي]

زناد كلمني الله لايهينك وهذا رقمي 0555572762

[بوعفسه]

طير الهقاوي بشرانا وانت والله قطعة الشكر في اليقين ونشالله يدق قول امبين نشالله بس بشرنا يا خووووك نبي نفرح في رجعت الطير ترا الطير غالي يابو شهاب علي راعيه

[star22]

كانه طيرك حلال المسلم انشاالله مايضيع

[نمر الصحراء]

السلام عليكم
اخوي طير الهقاوي انشاءالله خير والرجل لونيته يخفي طيرك نااعلن
عنه اكيدبيردلك طيرك اخوي

[@السيف@]

بيض الله وجيه الرجاجيل والامر الحمد لله بين رجال والله يصلح حال المسلمين ولا اضن ان مسلم يدري انه بيموت ويا خذ حق الناس

[crozman]

الله يعقله وابو الشباب مايقصر

[صاحب نوماس]

الله يعقلة يالمنادي

عز الله انك ماتحسد على الموقف اللي انت فية

[جير شاهين DK]

فيهم الخير الربع جميع وان شالله يرد الطير

[llonely]

يا طير الهقاوي لا تعصب ولا تستفز الرجال ولا تنطق بحرف
اذا ابو الشباب ما يبغى يرد لك الطير او بيسرقه ما كان اصلن صوره ونزله على النت وكتب لقيته بالخفجي
تعوذ من ابليس يا رجل وخلك رزين

[((السنياري))]

هاه بشر عسى الرجال دق

ان شاء الله انه بيدق عليك بقرب وقت

[F-15 ذيب خزاز]

عسى الله يكتب اللي فيه خير

[معطاب 1]

الله يعقله انشاءالله والحلال مايضيع وانا خوك
الصبر مفتاح الفرج
اخوك /معطاب

[@قرناص@]

الحمدلله على العقلآآآن ,,

وابو الشباب ماآيقصر آبيض وجه

[أبو فيصل]

الله يعقله يابو عبدالله و يعينك على ذالنت

أن جيت تبيع طير نشبو في حلقك و ذلحين تشوف طيرك و لا تقدر تاتيه و تاخذه ... أصبر و الصبر زين

ويمكن الرجال يدارج الهنود أو كفيلهم علشان يرتب لك تاتي و تاخذ طيرك من غير ما تناشب مع أحد.

[تـقوى الهجـر]

يالربع انا ارسلت لرجاله هالرساله ورد علي برساااله

رسااالتي
:وين مكاااااااااان الطير

الطيييير لازم يرجع

وان شاءالله انك رجال طيب وتبي ترجعه



رسالت ابو الشباب


انا اتفاهمت مع الرجال صاحب الطير

وان شاء الله خير






.........................

وباين عليه ابن حلال وبيرجع الطير

[أبو الكاسر]

http://www.mekshat.com/pix/upload04/images153/mk93668_hhhhhhh.jpg

انا بصراحة مستغرب لية ابو الشبا مش عايز يرد على اخونا الهقاوى مع انة كان فى المنتدى اليوم واكيد شاف الموضوع

[تـقوى الهجـر]

لا بيرد وهو رجالن طيب


وابن اجووواد باين عليه

[إبن ورآن]

الله يكتب الي فيه الخيره والحلال عمره مايضيع اما عينه الحين ولا عينها يوم القيامه

[ابوأفياء]

طير الهقاوي

اخي العزيز

يمكن الرجال ماشاف الموضوع وعذره معه وانا اخوك

اصبر عليه شوي

التمس لخوك المسلم 100 عذر

لعل وعسى انه يشوف موضوعك

وان مارجع الطير الله لايقوله


ابشر بلعوض وانا اخوك والله ماتقنص السنه الجايه الى بكفك طيرنادر والله ثم هرجال على شهود

اصبر وماصبرك الى بلله


دمت بود

[الكايد 123]

يعقله الله يا طير الهقاوي

[المارد1]

ابو االشباب يبي يرده ان شاء الله ويكسب الأجر ولاتستاهل الدعوى ان الواحد يبي يدعي عليك ليل ونهار

[هواي داورد]

لاحول ولاقوة إلى بالله

يالربع أنا لو إني من الرجال والله لأشك إن الطير ماهوب طيركم

أولا شن هجمات عليه في موضوعه ..... وبعدها شن هجمات من أخونا قاهر الحرارة ( مكيف سبلت ماشاء الله )

وثالثا ذا الموضوع


وأخو أبو الشباب خذ هالحديث عسى أن ينفعك

قال الرسول صلى الله عليه وسلم " من فرج عن مسلم كربة من كرب الدنيا فرج الله عنه كربة من كرب يوم القيامة "

[هولاكو2008]

مسكين ابو الشباب ما يسوى عليك اعلنت عن الطير وابتلشت
هذا الطير خضر وقام عليك طير الهقاوي اجل لو انه حمر شقران ايش سوى طير الهقاوي
الظاهر انه راح يطوق بيتك بالدباباب و المدرعات
بيض الله وجهك يا ابو الشباب وعلمك غانم

[قرناس شماالي]

الله يعقل طيرك

[احمدالصالح]

ان شاءالله ان الرجال ذمته طيبه وبيرد الطير