المساعد الشخصي الرقمي

مشاهدة النسخة كاملة : مكينة كهرب Lester الخضراء18000 كيلو/ واط


BASIL
28/03/2010, 01:24 AM
صباح الخير

مكينه كهرب من نوع ليستر للبيع المواصفات ثلاثه بستم(3سلندر) 18000كيلو / واط 220 فولت

لمن لديه الرغبه

عليه المعاينه والافضل ليطمئن قلبه يصحب معه فني بالمكائن مهندس ويقطع الشك باليقين

لمن يرغب الشراء ومعاينة المعروض الاتصال على 0558181829
BASIL
28/03/2010, 11:17 AM
انا جاد اللي له نظر لا يتردد والله يكتب اللي فيه الخير
سديراوي تميمي
28/03/2010, 12:46 PM
هل سيمت اخوي وكيفها معاك
السهل 494
28/03/2010, 12:49 PM
موقعك وين ؟ وكم سيمت ؟ هل تم توضيبها من قبل؟
BASIL
29/03/2010, 07:09 AM
الله يصبحكم بالخير امس مدري من اللي كلمني ونشد عن المكينه اختلطت الارقام وعلى امل يزين الكونكت

المكينه مسيومه بـ 5000 ولا شكت من شي قبل اشتري سالت وفحطت ودورت وفي الاخير لقيت اللي يقولي لك ضمان شهر والحمد لله من افضل ما يكون الحين
ان بغيت ماطور من النوع الزين ماتلقى دون الثلاثة بحجم كيلوين فما بالك 18 كيلو
للمعلوميه المكينه عند الوكيل بـ 35000 فلا اعتقد انها ماتوضبت واللي فارقه معه ويبي النضيف يده على 17000 الف واجيب اللي ماحل صامولتها
والعرض بسبب حضره لموتر بشتريه والثاني شراء كتب وبحوث وعفوا على الاطاله مع عدم وجود مستودع
صقرحايل
29/03/2010, 08:50 AM
ماشاءالله تبارك الله
والله يرزقك ان شاءالله
BASIL
29/03/2010, 10:55 PM
الله يبارك فيك اخوي صقر ولا يهينك
راعي الخريب
30/03/2010, 03:00 AM
حول السومه الاخيرة ولا بعيد
BASIL
30/03/2010, 02:20 PM
الله يحييك اخوي راعي الخريب
ماني بعيد عن السومه
M2G22
04/04/2010, 01:16 PM
السلام عليكم
اذا كانت المكينه ما بيعت فأنا اسوم 5500 ريال
مقناص 20
05/04/2010, 07:04 AM
الله يرزقك ان شاء الله
BASIL
05/04/2010, 11:12 PM
مساكم الله بالخير الحد 6000 بياع
محتار نجد
06/04/2010, 09:07 PM
للتوضيح للاخوان الاعزاء
اتصلت على الرجال وتفاهمت معه وحد على 5500 ريال علما اني شفت المكينه وعطلانه ما توصل كهرباء ويقول خرابها المنظم
وعطاني البيعه وقبلت وقلت دراهمك جاهزه ويحلف اني محتاج ولكن ماذا حصل ؟؟؟؟؟؟؟
الرجال ما يرد علي من جواله انا ماني غاصبه هو حد علي وشريت
واذا اردت تغير نيتك رد على الجوال وخبرني انك هونت
لكن انتبهوا من الرجال لا تتوهقون معه وهل المكينه له ؟؟؟
والله اني ما كتبت الا الحقيقه
BASIL
09/04/2010, 06:24 AM
السلام عليكم ورحمة الله وبركاته اما بعد
اخوي محتار الله يدلنا واياك لحسن القول والعمل
ابا ارد عليك على انك الشايب اللي كلمني وحلف لي اني مثل ولده يوم الجمعه الماضي
على العموم انت جيت الله يحييك وتراني على كلامي
جوالي مايخزن الا اخر عشر ارقام (بالعربي نوكيا ابو كشاف)
وقلت انك تبي المكينه واخبرتك ان المنظم يبيله تغيير او وزن ترى فرق انك تقول المكينه عطلانه ولاتقوم بعملية توصيل الكهرباء متى جربتها عشان تحكم وبين انك تقول المنظم يبيله تغيير او وزن
ظروفي مالك دخل فيها لا انت ولاغير بيغير شي الا الله والنيه كيف عرفت اشققت عن صدري
تقول انتبهو منه ان كان قصدك العطل وما العطل كل من كلمني قلتله جب مهندس واني استغفل احد او او
ترى المشتري ليس بمغفل يا محتار يكفيه يسال بالموقع ويفيدونه النشاما
وقولك انتبهو هل المكينه له او لا لا اعلم ماقصدك فيها احسن الظن بالمسلمين
لكن واعيد اذا كنت انت الشايب اللي كلمني راعي
الكلام الطيب وذا قولك ما بردها بحقوق وما حقوق مااقول الا حسبي الله ونعم الوكيل
محتار نجد
09/04/2010, 01:25 PM
السلام عليكم ورحمة الله وبركاته وبعد من باب تبيان اختلاف وجهات النظر في الموضوع السابق
قولك(انت جيت الله يحييك وتراني على كلامي)
الله اكبر يامن تعلم السر والعلن مساء الجمعه حديت على وشريت وقلت لك فلوسك جاهزه كلمني بكره
ان طلعت للموقع يوم الاحد اتصلت عليك ولم ترد الاثنين كلمتك الظهر مقفل بعد المغرب اتصلت عليك
مرتين ولم ترد وغيرجوالي ترد عليهم في نفس الوقت ولا قلت لهم اطلقت النيه والا على نية بيع يالربع
لا بالله ما انت عند كلامك وكلامك مهوب عقالك والله يكفينا شر الدنيا وحاجتي الحمد لله انها بسيطه
اللهم ارزقنا وانت راض عنا
قولك(فرق انك تقول المكينه عطلانه ولاتقوم بعملية توصيل الكهرباء متى جربتها عشان تحكم)
نعم جربتها وجيتها المكينه تشتغل لكن الكهرباء ماتوصل ابد واليماني اكبر شاهد لي
قولك(والنيه كيف عرفت اشققت عن صدري)
انت بايعني واطلقت النيه لي واتصل ولا تردعلي ولا تبيني وفي نفس الساعه واليوم كلموك من في مجلسي
حديت عليهم ب6000وانت بايعني5500 ماذا تسمي هذا ؟ اما تحذيري في اخر ردي فهومن باب حب
لاخيك المسلم ما تحب لنفسك أسأل الله ان يهدينا للحق والتقوى
ونرجي ان يكون هذا اخر رد واقفال الموضوع
BASIL
10/04/2010, 02:45 AM
صبحكم الله بالخير جميعا
سبق ان ذكرت اني انشغلت في امور خاصه حالت دون تحديدموافق معك في نفس الوقت هل كنت تنتظر مني ان اقول لك حول الدراهم لحسابي وانت مانقلت المكينه اليس من الطبيعي أن التقيك ونتعرف على بعض اللي الكل يعرف ان بعض الصدف تعرفك على رجال تفتخر بمعرفتهم وهذي من بركات الموقع
يامحتار لو اني اعرف موقعك بالتحديد لنقلتها لك لمحلك
وابيك تعرف اني لا احمل عليك اي ضغينه غير اني زعلت على ماكتبت
((لكن انتبهوا من الرجال لا تتوهقون معه وهل المكينه له ؟؟؟
والله اني ما كتبت الا الحقيقه))
والموضوع كل الموضوع قل الفرصه خلتك ترسل ناس تدق علي ولو دريت ان كل هذا بيحصل قلتلك انقلها وبعدين نتحاسب ولا يحصل ما حصل
لكن الحمد الله ماحصل الا خير ان كان لك خاطر بالمكينه كلمني ويكون كل خير
BASIL
10/04/2010, 10:02 PM
السلام عليكم ورحمة الله وبركاته
الله يمسي الجميع بالخير اما بعد
الدعوه بيع وشراء ولا اتمنى ان اللي حصل بيني وبين اخي محتار نجد أن يدفع القراء والمتسووقون بالموقع لعدم الثقه بالمعروض او المطلوب
مع أن الشرط التاسع أوضح ذلك تلافيا لما سبق
ذلك ماحصل لعدم تحديد الوقت مسبقا للاستلام والتسليم وشكرا
المعرقب
11/04/2010, 07:08 PM
الله يرزقك وشي طبيعي ان تكووون هلمور في البيع وشرااااء
لكن الله مسير الارزااااق متدري وين رزقك فيه ولا اخوي ثاني محتار نجد
المهم الله يرزقنا ويرزقكم جميع
BASIL
11/04/2010, 08:16 PM
الله يجزاك بالخير
يفرح القلب مرورك ومرور كلماتك التي تلطف الموقف
ونسأل الله الخيره في امورنا كلها
BASIL
12/04/2010, 02:00 AM
للرفع للرفع
BASIL
16/04/2010, 07:00 PM
وين الزبون الصامل