ما استغني عن راااايكم يا جماعه الخير

[لاهنت يا قلبي]

السلام عليكم ورحمه الله وبركاته


اخواني اعضاء مكشات واهل الخيرة في السلاح انا عرض علي شوزن ام حبة امريكة حلوة ماهي نظيفة مرة


لكن امانها الي يرجع الحبة تقيل مرة والنتاش الي يطلع الطلق بعد الرمي حلو وذبته قوية وفيه حديدة صغيرة


بجنب الزناد فيها لحام خفيف ماهو مأثر فيها ابد


معروضة علي ب1400 ريال امريكة ام سيلان


وهي بكم تسوى تقريبا


وانا ما استغني عن رايكم

[شايب الراس]

اخوي والله ام سيلان حلوة وتبرد كبدك والله قبل ثلاث سنين كان بالف ريال وقبل اسبوع واحد شرها 1500 بس نظيفة وانت اذا القلب هواها تؤكل ام حبة زينة وقليت الخراب وانت في البيت تفكها قطعة قطعة وجهة نظررررررررر

[abo_hoor]

مايقصرون شباب معاك ان شاء الله
والله مالي بالسلام يالغالي

والله يعطيك الف عافيه

[ابوقشعان]

طويله ولا قصيره

[ابو سفيان]

والله وانا اخوك لو قلت انك في الغربيه يمكن
تكون مناسبه
لكن في حائل عندكم المفروض ارخص
لكا خذها قاعده ان كنت تبيها لتقتنيها عندك
خذها وان كان ودك تتكسب من وراها اتركها
وقبل مشورتنا استخير وتوكل على الله

[قنآص زهرآن]

شوف..وانا اخوك معي امس سيلان لو يدفعون لي 5000 م بعتها والله انها تبرد الكبد يا شيخ ترد الروح..واتحدى فيها اخوياي وهم معهم ام 14 الف واكسر خشومهم..انت جرب البندق واذا ارتحت لرميها خذها ولا تشاور وسعرها طيب ترى ..الحين النضيفه تلقاها 1700 بالجنوب مدري بحايل وش الوضع..تقبل مروري

[غافي]

شباب كيف ادري انها نظيفه ولا مُش نظيفه ...

_ خاش عرض

[عقيد حرب]

اذا تبي شووري وانا اخوك خذ لك نظيفة لان الفرق حول300 بس وتاكد من طول اسبطانة لانها مافيها تشويكات تراهن يكدن العمر كلة

[لاهنت يا قلبي]

يا هلا بالجميع وبكل من رد وتفاعل مع الموضع


ارائكم حلوهـ ومشكورين عليها وانا ما اخفيكم سرا اني ما ادور المكاسب من وراها ابي اتصيد فيها


وانا اليوم شاورت كثير عليها مثلكم وشرواكم وقالو لي خذها واخذتها ورحت تصيدة فيها بس صحيح من


قال انها تبرد الكبد من جد لكن اشتريت ذخيرهـ ((باتريوت)) رقم6--- 36جرام بس الصراحة يندف


ولقيت جوول قرقر بس ماهو كثير ومذير بقوة وجلست ساعه كامة اطاردة واحاول اجمعه لكن ياجماعه


مامر علي مثلة ابد ابد ما ينزل على الارض ابد ابد واخر شي مليت منه وتركته وقلت الله يعوض لكن للاسف


ما لقيت شي واخر شي حطيت حرتي :mad: بالضبان وصدت واحد عشان جدتي تحب :good2: تاكلة ولا انا ما اكله الهم لك الحمد والشكر ع النعمة


وبخصوص سؤال ابو قشعان هي طويلة او لا ايه طويلة


وبخصوص ابو سفيان يقول عندنا بحائل رخيصة :no2: بالعكس ابو سفيان والله اعرف 2 من الشباب اخذها
واحد 2500 ريال والثاني 2200 ريال مستعملات نفس مواصفات الي انا شريت لكن انضف شوي من الي معي وانا الصراحة لاقيها صيدة 1400 ريال والله يكتب الي فيه الخير


ومره ثانية اشكر كل الي ردو على الموضوع وتفاعلو معه