الجكس أر . وين أهل الخبرهـ .؟

[ذيب النشاما]

السلام عليكم .
يا أهل الخبره معي لند جكس أر 2000 فيه دعسة البنزين ثقيله وكل من ساقه قال ثقيله
هل الجكس أر بشكل عام ثقيل أو عندي انا .؟ ووش الحل علشان أخليها خفيفه .؟
وعندي اذا دعست بالجيب تجي كتمه بسيطه او تفتفه مع العلم أني غيرة الصفاي
والبواجي وماظبط وش الحل .؟

والله يجزاكم كل خير .

[هواوي تعديل]

الجكس أر التماتيك عزمه ضعيف بسبب القير التماتيك ووزن الموتر
تخيل نفس مكينه الرع بحجمه الصغير على حجم الجكس وفوق هذا تماتيك
وأذا كنت مركب تانكي وعزب وأغرض الله يعينك بعض ربعي ماكملت 200000الابدت تنقص
بس ملاحضه :لابدتغير فلتر الهوا كل فتر لان له تأثير واضح على العزم
وأيضا زيت القير والفلتر أذا كان تماتيك

[سوبر VTC]

اخبر عمي الله يرحمه
شرا جيسكار على وقته م2000 الموتر ثقيل جدا
باعه على طول و شرا فكسار :good:
لكن
هل تقصد دعسة الابنص ثقيلة ؟؟؟
ام العزم تعبان خصوصا اذا كان قير تماتيك ؟؟

[ذيب النشاما]

الجكس أر التماتيك عزمه ضعيف بسبب القير التماتيك ووزن الموتر
تخيل نفس مكينه الرع بحجمه الصغير على حجم الجكس وفوق هذا تماتيك
وأذا كنت مركب تانكي وعزب وأغرض الله يعينك بعض ربعي ماكملت 200000الابدت تنقص
بس ملاحضه :لابدتغير فلتر الهوا كل فتر لان له تأثير واضح على العزم
وأيضا زيت القير والفلتر أذا كان تماتيك


يعطيك العافيه هواوي ، العزم ثقيل والقير تماتيك ومعي عزب واجد
والله يعينا .
لكن التفتفه وش منه .؟

[ذيب النشاما]

اخبر عمي الله يرحمه
شرا جيسكار على وقته م2000 الموتر ثقيل جدا
باعه على طول و شرا فكسار :good:
لكن
هل تقصد دعسة الابنص ثقيلة ؟؟؟
ام العزم تعبان خصوصا اذا كان قير تماتيك ؟؟






الله يرحمه . والله ياهو ثقيل الجكس أر أسأل مجرب :D
أيه أقصد دعسة الأبنص ثقيله ، هي كذا شد بلد أو من موتري أنا .؟
والتفتفه اللي ببداية الدعسه اذا بغيت أدعس وش منه تتوقع .؟

ولكم جزيل الشكر .

[ن م ر]

الجي اكس ار ثقيـــل ولكن جرب تغيير البنزين إلى 95 وان شاء الله يتحسن الوضع

[بونشاك]

شف وان اخوك بالنسبة للتفتفة اذا دعست على الابنص اذا انت مغير البواجي والصفاية ولا ضبط ؛ عندك واحد من اسلاك البواجي يحتاج تغيير تاكد اي سلك وغيرة لان اسلاك البواجي ماتنباع طقم تباع كل واحد لحالة ولا تاخذ الا من الوكالة

[فهدنت2007]

اخوي انا عند جكس ار2003 تماتيك الدعسة فيها ثقل شوي
وقبل لاشتريه فحصت جكس ار 99 تماتيك نفس الشي الدعسة ثقيلة شوي بس مو لدرجة الذعر منها اما ثقل العزم ماعندي فكرة عنة

[ذيب النشاما]

بالنسبه ببنزين 95 جربته وماصلح .

وحت لورشتين وشافو الموتر وكلهم قالوا عندك أحد الحساسات خربانه ولا أدري .

دام 2003 ثقيله أجل الظاهر الثقل شد بلد مب انا لحالي .

ومشكورين على حضوركم وأرائكم والله يجزاكم خير .

[ابو عبد الله3]

شف وانا اخوك انا معي جكس ار 2003 وكان عزمه ضعيف وفيه كتمه شار على واحد من الرجال شرواكم قال لي شيك على الكنداسه الوسطيه وفعلا لقيت الكربون مسكره وكاتمه والحمد لله نضفتها وخف الموتر فرق عن أول لاكن كل فلاتر ه مغيرهن وعموما الجكس ار ثقيل شوي وشكرا انشالله اني افدتك,,,,,,,,,,,,

[ذيب النشاما]

حياك ابوعبدالله .وشرواك الطيب يامال العافيه .
أنا الفلاتر ماغيرة فيهن شي لكن بشيك على الكنداسه ونشوف ..

اليوم واحد قالي أن الخراب من طرنبة البزين والرجال عنده بخص
لكني أحترت والظاهر فحص الكمبيوتر راح يكون جيد ويريحنا .

ابوعبدالله بيض الله وجهك وماقصرت
والله يعطيك العافيه .

[سوبر VTC]

اجل ياطويل العمر
خله يفك لي الدفع اللي راكب على ماصورة البخاخات
ويشبك لي الدفع اللي جاي من الطرمبة
بساعة فحص مثل حقت راعين المكيفات
او ساعة حق ماطور هواء خربان
او ساعة حقت عيار هواء حق البنشري
و راح يطلع لك ضغط الطرمبة :good2:
عند فتح السويتش
و بكذا تحكم على الطرمبة ضعف او قوة
موفق