ميد وسلس الشرقيه

[ابو فاد]

السلام عليكم ورحمه الله وبركاته

الابسالكم شباب وين احصل السلس والميد هنا في الشرقيه
قريب من الشاطئ :)

[الرحموني]

ان شاء الله يفيدونك الشباب انا والله من الغربية وماقد جيت الشرقية

[البحور السبعة]

حياك ابوفاد الميد والسلس والمنجوس اكثر شي تلقاه حول المراسي وعندك المرسى الي في الواجهة البحرية بالفناتير واهم شي يكون معك سالية تصيد فيها

[jasim7]

هلا ابوفادي

اخذ ساليه ...
روح الشبيلي (الخبر)

او الدمام كبري سيهات

==============

بس انتبه لايشوفونك السلاح مدري الحرس :D

[ابو فاد]

هلا ابوفادي



اخذ ساليه ...
روح الشبيلي (الخبر)


او الدمام كبري سيهات


==============



بس انتبه لايشوفونك السلاح مدري الحرس :D

الشبيلي رحت له بس فيه منكوس
بس ما شفت فيه ميد ولا سلس
وكبري سيهات وين يصير بضبط ما دليته
ولو تحدد لي المكان على http://wikimapia.org/
يكون افضل
وعلى المرسى الي في الجبيل سمعت انه ممنوع

[دلع غواص]

السلام عليكم و رحمة الله وبركاته

اخوي اذا كنت ناوي تشن هجوم ساحق على الميد اسمع نصايحي :

1-الزمن: نهاية الصيف بعني فصل الخريف.:c

2-الوقت: بالليل مع بداية المد تبدا المطاردة:hot: .

3-الاماكن المتاحة: كرنيش النخيل بالجبيل الصناعية/مرسى الفناتير/كرنيش سيهات بعد منزل الصيادين شمال.

4-الاداه: ساليه وسط على مقدرتك.

اذا الله وفقك ورحت على نصايحي ولقيت مرادك لا تنساني من دعواك:good2:

موفق خير حبيبي ولا تنسى تدينا تقرير مع الصور اللي تشرح النفس:D

اخوك دلع غواص (عاشق الميد)

دمت برعاية الرحمن...

[jasim7]

كبري سيهااات اللى عند مجمع دارين الجديد
في محطه فيها ورشه للقوارب
شوف ورا المحطه في بحر هذا المكان المقصود :D
:)
الله يوفقك
---------

[ابو فاد]

السلام عليكم و رحمة الله وبركاته



اخوي اذا كنت ناوي تشن هجوم ساحق على الميد اسمع نصايحي :


1-الزمن: نهاية الصيف بعني فصل الخريف.:c


2-الوقت: بالليل مع بداية المد تبدا المطاردة:hot: .


3-الاماكن المتاحة: كرنيش النخيل بالجبيل الصناعية/مرسى الفناتير/كرنيش سيهات بعد منزل الصيادين شمال.


4-الاداه: ساليه وسط على مقدرتك.


اذا الله وفقك ورحت على نصايحي ولقيت مرادك لا تنساني من دعواك:good2:


موفق خير حبيبي ولا تنسى تدينا تقرير مع الصور اللي تشرح النفس:D


اخوك دلع غواص (عاشق الميد)



دمت برعاية الرحمن...

اخي احنا ننستفيد منكم لان اننتو الاساتذه ونحن الطلاب
بس المشكله انا يالله انتظرت الين يجي الصيف عشان نتحدق والحين تبينا ننتضر الى الخريف...
على العموم تسلم على نصايحك الذهبيه ويسلمو الشباب على المرور والمعلومات..

[ابو فاد]

كبري سيهااات اللى عند مجمع دارين الجديد

في محطه فيها ورشه للقوارب
شوف ورا المحطه في بحر هذا المكان المقصود :D
:)
الله يوفقك
---------

اااه دليته رحم الله والدينا والديك
وانشاء الله نخلص اختبارات ونروح نجرب....

[accentkool]

السلوس تلعب على الشواطي تعال العقير وفالك طيب

[شاهين2007]

في مكان في بوريقط قريب من العزيزيه مليان سلوس

[m1000]

تبغى نصيحتي

مكان مليان ميد نرمي الساليه مرة ونعبي السطل فل وغير كذا أحجام يحبها قلبك للحداق

تعال في الناصرة عندنا ولا يصير خاطرك الا طيب

[ابو فاد]

تبغى نصيحتي

مكان مليان ميد نرمي الساليه مرة ونعبي السطل فل وغير كذا أحجام يحبها قلبك للحداق

تعال في الناصرة عندنا ولا يصير خاطرك الا طيب
تسلموالله وين بظبط في كرنيش الناصره ولا شماله على الرمل

[مشاغب السقالة]

الزبدة
عليك ومرسى الفناتير وفالك طيب

[ابو فاد]

تسلمو شباب

[hooo]

زي ماقال اخوي رح للشبيلي هناك خير خاصه الباغه اذكر شفت اسرب

[alqamr]

شبيلي يالغالي فية خير
ميد - باغة كلش موجود اهم شي تحظر وقت المد وفالك طيب

[ali200m]

شباب تخبرون لي مكان بالدمام فيه ميد بهذا الوقت وهذا الجو
لااريد في الخبر اريد في الدمام فقط

[m1000]

شماله على الرمل يالطيب

[ناجل سمار]

وعليكم السلام الشباب ماقصرو