كل ماصار بيني وبين ابو الشباب الكل يبي يعرف وله الحق تعال وحياك

[طير الهقاوي]

بسم الله الرحمن الرحيم

السلام عليكم ورحمة الله وبركاته

بعد استأذاني من ابو الشباب اني اكشف السر المخبى وراء هذه الاحداث التي حصلت من صورت الطير الذي عرضهاا

اخونا ابو الشباب لم يكن هو الي مسك الطير على مافهمت منه طلع عمال الفله الجديده التي تبنى فيحيهم هم الي مسكو الطير واخوانه الي صورو الطير والعماله ماسكينه وصوروه معهم وهم لايعرفون وش هطير هو صقر ام لاء وابو الشباب ليس صقار وهو معنى في المنتدا ينظر في مواضيعنا ويرد ويشارك وكسب الخبره منااا ولما اتوه اخوانه بالصوره قال هذا حر وخوانه يقولون لا هذا باز ومن هل قبيل من هل كلام وعرض الصوره في المنتدا يسال ويتاكد من نوع هذا الطير وافادوه الشباب بما اتاهم الله من علم
حاولت واخوانه رجعو للهنود الي بالعماره وقالولهم بيعونا الطير بقيمه وقدرهاا مية ريال لكل واحد وكان جواب
العماله بالرفض وطلب الف ريال لكل واحد منهم وعدد العماله ثلاثه
ولم يتفقو ولم يستطيع اخوان ابو الشباب تامين المبلغ لصغر سنهم
وقد قام العماله ببيع الطير بمبلغ ثمان مية ريال لشخص اخر لم يعرفه ابو الشباب ولاكن يبقا العلم عند العماله المتواجدين في مدينة الخفجي ونا بالرياض ولا ادري وش اسوي لاكن صبر جميل والله المستعان
الكل يسال ويقول ليش ماتروح لبو الشباب وتقوله ويدلك على العماله الرجال ماقصر دلني على العماره الي تبنا وعطاني عليهاا كروكي وقال اذا بيجحدونك العمال فالصوره خير برهان عليهم وهو بين ايديهم
وانا من هل موضوع اقول للي بالخفجي ويقرا موضوعي او اي صقار معروف بالخفجي انه يكلمني تلفون
بطلب منه انه يبحث لي عن الطير اولا بين مكاتب الصقور المجوده بالخفجي اولان واما العماله بيكون تفاهمي معهم انا شخصيااا ان الله كتب واراد
هذا ماوردني والله اعلم

اخوكم طير الهقاوي
0555572762

[المستهدف]

الله يعقل طيرك وكلنا تحمسنا معك ..

وما قصر ابو الشباب ..

لكن اهل الخفجي بهم خير وتبي تلقى من يساعدك ..

[صقار مبتدئ]

لا حول و لا قوة الا بالله
امسكوا العمال لانه اكيد بايعينه على واحد يعرفهم

[F-15 ذيب خزاز]

الحمد لله على كل حال وأبو الشباب واضح من البدايه ولا كنت أشك فيه ومتضايق من الردود اللي كانت تتطاول عليه من ناحية الذمه لاكن الله يعطيك العافيه يا طير الهقاوي الي وضحت الصوره للجميع وياليت كل واحد أساء الظن في أبو الشباب يعتذر له حتى لو على الخاص وكلش ولا جرح المشاعر والدخول في الذمم,,
أخيراً الله يردلك طيرك سالم يا بعيد الهقاوي

[صاحب نوماس]

الله يعقلة عليك يالمنادي

[فخر عتيبه]

لا حول ولا قوة الا بالله (اخوي طير الهقاوي ) يعقل طيرك

[المري]

أبشر والله بسعدك ياراعي الهواوي

هذا علم غااااانم وكل يدور له

أبتصل بك بعد لحظاااااااااااااااات

وبشر باللي يسر خاااطرك

[نمر الصحراء]

السلام عليكم
اخوي طيرالهقاوي الحمدلله على كل حال والله ان سلفت طيرك سالفه
اتقطع القلب وابوالشباب ان شاءالله مايقصرالله يجزاخير
اخوك ابوعبدالرحمن

[أبو الشباب]

المال الحلال ما يضيع ابد

وانا نزلت الصوره بطيب نيه

والحمدلله طلع صاحب الطير

والله يعقله ان شاء الله

[عادل الجابر]

السلام عليكم ورحمة الله


يا الله حي أبو الشباب



من الردود اللي صارت على الخاص بيني وبينك يا بو الشباب أستشفيت أنه


العمال هذولا مالك بهم علاقه يعني ماهم عمالك وأنك وسيط بين العمال وراعي الطير


وقلت لك أن الربع أستعجلو بالحكم عليك


وبين من كلامك أنك رجل رزين


وبيض الله وجيه الجميع

[راعى شاهين]

الله يعقل طيرك وكلنا تحمسنا معك ..

وما قصر ابو الشباب ..

لكن اهل الخفجي بهم خير وتبي تلقى من يساعدك ..
طير الهقاوى خلك شقردى ورح للخفجى لاتكاسل ويروح الطير الله يرجعه للك......

[قرناس شماالي]

الله يعقله
ولي ميعرف لصقر يشويه

[ابونايف العتيبي (511)]

لا حول ولا قوة الا بالله (الله يعقل طيرك)

[صقار الأسياح]

الله يعقل طيرك وارجال علمه طيب

[الهداد2010]

السلام عليكم ورحمه الله وبركاته
ياطير الهقاوي انا توني اقراء الموضوع الي انت نزلت لكن مادري انت نايم او لا



ابي منك الكروكي حق العمارة وبرسل اخوي راعي مربط الخفجي ويرررروح

وانا دوامي بكره صباح من الساعة 6 الى 2 الظهر دقي علي


وهذا قم جوالي 0566800833


والله يعقله
كما اشكر اخوي (( ابوالشباب )) والله يجعلها في موازين حسناته


وانا بنتظارك ياطير الهقاوي والطير ان لاقه اخوي ياصلك ان شاء الله الرياض


اخوك ماجد المطيري

[سعود الروقي]

يارعي الطير الله يعقل عليك


والمثل يقول


لاصار مالك من ذراعك نجده ......... شربن على يدين الرجال هماج


سم بالرحمن وتوكل عليه وازرق للخفجي .. وهناك ابو الشباب ماهوب مقصر وهل الخفجي بعد كفو

ودمت يخير

[الشمالي 884]

طيرالهقاوي الله يعقل طيرك ويرده لك ان شاء الله

[بوغيث 6363]

الله يعقل طيرك >>>>>

[ذراع الذيب]

الله يعقله,,,

[عاشق شمرية]

يعطيك ألـــــ1000ــــــف عافية
تقبل مروررررررررررررري

[abo_hoor]

الله يرد طيرك لك يارب
وانا انصحك بالذهاب الى العمال وتاكد منهم ممكن واكيد اتوقع انهم بايعينه لشخص قريب من مكانهم
لان مراح يعرضونه بمكان للبيع

وتقبل تحياتي لك

[((السنياري))]

السلام عليكم ورحمه الله وبركاته
ياطير الهقاوي انا توني اقراء الموضوع الي انت نزلت لكن مادري انت نايم او لا



ابي منك الكروكي حق العمارة وبرسل اخوي راعي مربط الخفجي ويرررروح

وانا دوامي بكره صباح من الساعة 6 الى 2 الظهر دقي علي


وهذا قم جوالي 0566800833


والله يعقله
كما اشكر اخوي (( ابوالشباب )) والله يجعلها في موازين حسناته


وانا بنتظارك ياطير الهقاوي والطير ان لاقه اخوي ياصلك ان شاء الله الرياض


اخوك ماجد المطيري


بيض الله وجهك وماقصرت


طير الهقاوي تكفى اعصابك ليش بارده طيرك صارله فتره هو ضايع يوم الله اعقله متكي با الرياض ومخليه

ياخوك هذا وقت قيض والطير يبيله مدارات

حتى لو عندك دوام ازرق يوم وارجع للرياض موب من بعد الخفجي

الهنود الي طرحو الطير بيدلونك على الي شراه بطيب ولا با القوه ويمكن انه للحين عندهم

اذا اضروفك ماتساعدك تجي الربع مايقصرون ان شاء الله

[راعي أنقره]

الله يعقل طيرك

[بوعفسه]

لله يجزه بو شهاب فيه الخير وكفووووو واهل الخفجي كفو فيها صقارين كفوما يقصرووووون معاك وانت تستاهل

[@السيف@]

الله يعقله ويرده لك

[القرناس المهاجر]

الخيط الأول هم الهنود
ومن ثم المرابط وأماكن البيع
والله يعقل عليك طيرك

[حمد العذبي]

السلام عليكم ورحمة الله




يا الله حي أبو الشباب




من الردود اللي صارت على الخاص بيني وبينك يا بو الشباب أستشفيت أنه



العمال هذولا مالك بهم علاقه يعني ماهم عمالك وأنك وسيط بين العمال وراعي الطير



وقلت لك أن الربع أستعجلو بالحكم عليك



وبين من كلامك أنك رجل رزين




وبيض الله وجيه الجميع


يا عادل ليه انجامل؟!!

رزين؟!!

اي رزين وهو ماقال الحقيقة من البدايه نسيت انه كذب علينا ويقول الطير عندي وبخلي رفيقي الي مسافر يشوفة وا\يعلمني إذا اصيل اولا واحياناً يقول بفكة يرجع لاصابة!!

الرجل متردد ويعرف من عنده الطيروالله اعلم

[الحزم الأسود]

الله يعقله ويرده

[الطبشي]

ابشر ياطير الهقاوي دام بعد الله دخل في الموضوع اخونا المري مايصير الا كل علم زين ....0

[ابوسعد 3]

الحلال مايضيع
ان شاء الله
الله يعقله لك .

[صقار بني ياس]

والنعم فيك يا طير الهقاوي وف بوالشباب

وعسى ربي يرد طيرك سالم غانم

موفق دوم

صقار بني ياس

[طير الهقاوي]

السلام عليكم جميعاا

اخواني احب ان اشكركم وهذا ان دل دل على وجود الخير بالناس

والله اني حاير في امري وودي بطير وهذا لاشك ولا ريب فيه
لاكن الي منعني اني متا اروح للخفجي الدوام
ولا استطيع اني اخذ اجازه
لاكن ان الله اشاء واراد يوم الاربعاك بكون بالخفجي بمشي من الرياض من بعد صلات العشاااء
وكيد ماراح اجي العماره الي تبنا الى يوم الخميس في الصباح
ون شاء الله انه مايصير الى كل خير

ومره ثانيه اشكركم واتمنا ان الله يحفض كل طير عند صقاره
وادعي الله ان يرد كل طير ضايع لصقاره
والله لايوريكم مكروه

[الكايد 123]

الله يعقل الطير والحلال ما يضيع

[ذيب عتيبه]

طير الهقاوي


الله يعينك ويصبرك ...


والله لو اني مكانك وانا اخوك اني لعطي مدير الدوام علم بالموضوع وبيعذرني .. وادق سلف اجيب طيري واعود في يومها الاتكاليه وانا خوك مافيها خير ..


والخوف انك تتكاسل واستغرب والله تكاسلك وتخليه لين يموت الطير والا يطير والا يختفي وثم تتحسف وتعرف الغبنه


والمري دامه تزهل لك وشاف الموضوع فنيابه عن اخواني فالخيمه اقولك ارق سنود المري لو اني مااعرفه معرفه شخصيه لكن الرجال تعرف بكلامها ولاعليك ولاعلى الباقين قصـور ..


ولولا تدخل المري لاخليك ترسل لي الكروكي وادق سلف الموتر هالحين من الخرج ... وطيرك نجيبه لو على قص الرقاب وانا ولد شيبان خل عني ابو هنود يغفصون حلالك ويعرضونه على كل بنقالي ياحر القلب حرااه


ولاتكتب موعد حضورك لهم ومتى بتحرك ماكان المفروض تكتبه ..... لجل مايكون احد له يد فالموضوع متطلع عليه .. ويآخذون احتياطاتهم من دس الطير وغيره او سرعه تصريفه قبل حضورك .. خل شغلك سري



الله ييسر امرك ويستر على الطير من ابو هنود

[حطام]

سلام عليكم ...كيف حالك (ذيب عتيبه)... ان شاء الله بخـــير..

قول وفعل يابو مشيب مهوب غريب عليكم ياعيال عمي الوقفات وقت اللزوم.. وفعل الجمايل باللي يستاهلون..ابيض وجه ماتحتاج شهاده

لاهنت ياكحيلان ابيك تسويلي توقيع وقت فضوه ولابأي وقت يريحك..:)
طال عمرك اختار اي توقيع واي صوره على مزاجك بأسم (حطام)

والمعذره والسموحه اذا سببنا لك ياطويل العمر ازعاج ولاشي...ابد اذا ماتقدر تسويه ولا وقتك مايسمح ..اعتبر اني ماطلبت منك شي ..ومعذور

دمت بـــود

[aboraad0550]

الله يعقله عليك انشاء الله

[الفياض***]

الله يعقله

[1711]

الله يعقله لراعيه

[قنيص غير]

الله يعقل طيرك

[almanse]

الله كريم وحلال المسلم مايضيع
والدنيا لازالت بخير طول ما الاجواد واجد
واللي شراه اكيد صقار والصقار يعرف سلوم الصقاقير
خل املك بالله كبير , واحمد ربك الطير داخل الوطن ماهاجر........
تحياتي....................almanse

[فتى مرات]

الله يعقله .. ويسهل لك امرك ...

[طير الهقاوي]

اخواني الطير بين يدين تعرف تصون الطير الهنود باعو الطير ونا ندور الي شرا الطير من الهنود ونشالله كل خينه عليهاا من الله بينه
بيرخص العلم وبيبين الحق انشالله اشكركم وتقبلو تحياتي

[الشاطر ماطر]

الله يعقله لك

[طير الهقاوي]

الله يجزاك خير