المساعد الشخصي الرقمي

مشاهدة النسخة كاملة : SWSفي ورطة ويريد الحل (افزعو معه)


السمار
22/02/2005, 12:02 PM
أخواني أعضاء ومشرفي منتديات مكشات

السلام عليكم ورحمة اله وبركاته

عندي مشكلة وهي الرجة والسحكية في الكفرات الاماميه

طبعآ الموتر يعتبر جديد جيب GX 2003

ماسبب السحكية وما العلاج؟
وكذلك الرجة تكون مابين 80 و120

افيدوني الله يعطيكم العافية

أخوكم SWSحائل
السالمي
22/02/2005, 02:33 PM
شف وانا اخوك

السحكيه طبعا اذا كنت تقصد ان الكفرات تنمسح

هذا سببه توازن العجلات اوزن اذرعة الموتر وان شاء الله تروح

وعلى طرقك رصص الموتر ونصيحه لاترصص عند حقين الترصيص العادي

شفلك واحد يرصص بدينمو احسن لك ترى لانه يعطيك الرجه اللي بالسرعات العاليه

بس شفلك واحد مضبوط لانهم ماهم سوا اللي يرصصون
اسيزو 4x4
22/02/2005, 02:57 PM
السلام عليكم
المسح زي ما قال اخوي السالمي وزن اذرعه و مقصات ايضا
اما الرجه اذا ما كانت ترصيص اكيد تكون الجلد الامامية 100% او الكفر محبل
والله يعينـك
صقرنجد
22/02/2005, 07:28 PM
الله الله بالترصيص

ولا هو أي ترصيص

الترصيص وأنت بالسيارة مهو كود تفك الكفرات


إنشاء الله تظبط
معك


صقر نجد
السمار
23/02/2005, 07:37 AM
أخي السالمي

صباح الخير

ومشكور على الحضور

ولاكن وزنت الكفرات أكثر من مرة

وبعدين غيرت الكفرات وانقطعت الرجة والسحكية وبعد حوالي سبعة اشهر رجعت

وبعدين وشو الترصيص بالدينمو وهل هو موجود بحائل ؟

دمت سالما

sws


أخي اسيزو4x4

اشكرك على الحضور

ولاكن الكفرات جديدة وبعدين

وشي الجلد الأمامية ألي أنت تقصد

دمت بخير

Sws


صقرنجد

صباح الخير

وبعدين اول مرة اسمع بالترصيص دون فك الكفر

هل هذه الطريقة جديدة وهل هي مضمونة؟؟؟

ومت بخير

sws
جلمود1
23/02/2005, 08:33 AM
تبي نصيحتي بع موترك واشتر جيب باجيرو تراه بيبرد قلب متانه وقوة واقتصادي بس عيبه انه ماله شعبيه
السالمي
23/02/2005, 08:38 AM
هلابك اخوي

مدري والله حايل فيها والا لا

لاكن تراه قديم الجهاز ماهو جديد

وهو عباره عن دينمو وعجله

بحيث انه يحرك كفرات السيارت عن طريق الدينمو

يقربه للكفره ويضغط عليها

لين تبان الرجه لابانت

فيه ميزانيه يركبها على حافة الجنط

ويقعد يازن لين تختفي الرجه ثم يضع حبوب الترصيص

وزي كذا لين تختفي الرجه

طبعا الكلام هذا للاطارات الاماميه

الخلفيه يرفع السياره ويعشقها ويدعس لين تطلع الرجه

والرجه تقدر تحس فيها بوضع يدك على بدي السياره

والطريقه هذي من افضل طرق الترصيص
تبريزة
23/02/2005, 09:56 AM
اللي تتكلمون عنه اخواني اسمه ترصيص ارضي

وانا الصراحه ماسمعت انه بحائل فيه احد يسويها ،، هذا خبري من 6 شهور تقريبا ،، الا اذا كان فيه احد بعد الفتره هذي فتح هناك

وبعدين اخوي SWS كانك تبي الصراحه اقولك ان الزفلت بحائل يخلي الكفرات تتمسح خلال فتره قصيرة بالمقارنه بالسيارات بالمناطق الثانيه اللي عندهم زفلت ناعم ومضبوط ،، لكن مالك الا وزن الاذرعه هو اللي راح يفي بغرضك الين يغيرون زفلت حائل :j

وبالنسة للرجه كنت اعاني منها وكنت ارصص كل اسبوعين واتبهذلت الصراحه ،، بس يوم سويت ترصيص ارضي الحمدلله ارتحت بس انا اتكلم عن وضعي يوم جيت للرياض

وهذا اللي عندي والله اعلم

وصلى الله وسلم على نبينا محمد

ودمتم
اخوك
تبريزة
السمار
23/02/2005, 12:19 PM
جلمود1

صباح الخير

وفعلا الباجيرو قوة ومتانة بس عيبه الشكل

وماله بيعة وماله شعبية مثل ما قلت

أقول عليك بالاند كروزر وبس 0000

دمت سالما

Sws
السمار
23/02/2005, 12:21 PM
جلمود1

صباح الخير

وفعلا الباجيرو قوة ومتانة بس عيبه الشكل

وماله بيعة وماله شعبية مثل ما قلت

أقول عليك بالاند كروزر وبس 0000

دمت سالما

Sws


أخي السالمي

ماقصرت على هذا التوضيح

وجزاك الله خير

دمت سالما

Sws



ماقصرت أخي تبريزة
ونشكرك على الحضور وعلى هذه النصائح

بس وش نسوي هذي مدينتنا ما نقدر نتركها

بس أن شاءا لله تزين الأمور بعدين

دمت سالما

sws
صقرنجد
23/02/2005, 12:24 PM
أخوي sws
أنا ماتأكدة فيه بحايل ولا لا

لكن موجود بالرياض عند ميزان العضيب والجد وشغل مضمون 100%

لكن السعر والله مادري كم هوبوه

ويعبونلك الكفرات بهواء النتيروجين أو الهيدروجين حدياهن لسلامة الكفر


صقر نجد
السمار
23/02/2005, 03:31 PM
ماقصرت أخوي صقر نجد

والله يعطيك العافية على هذه المعلومات

دمت سالما

sws