سؤال لأهل الأبل

[فارس..؟]

السلام علييكم

هل الناقه ترمح للخلف أم على جنب أم لا..؟

أو أنها ترمح ( تهبد ) للأمام ؟

وإذا كانت ترمح للخلف فيه مقطع او صورة للشي هذا

وليش اذا حبو يروضون الناقه يمسكونها مع الذيل ما يخافونها ترمحهم ؟ << هذا اذا كانت ترمح للخلف

لو سمحتو الموضوع فيه حقوق ابغى الشي بالتفصيل

والشكر مقدماً لكل من يرد ومنكم نستفيد

[Hch]

ياخي مو معقول انك ماتعرف انت تعرف لكن ماادري ماهي الحكمه من موضوعك ..

الناقه تهبد وترمح الى الخلف وكل شي ...

صور مافي تعال عني عند الابل واريك مشاهد هيه واطبق بعض الحركات البكار عليك

الله يعينك انت تبي تعرف لازم تجرب

[فارس..؟]

ياخي مو معقول انك ماتعرف انت تعرف لكن ماادري ماهي الحكمه من موضوعك ..


ليش صفة صلاة أو صفة وضوء هي مو معقوله اني ما اعرف ..!

وبعدين وش يزعلك انت ترا مو مجبور تجاوب ..

وانا ماعندي حلال عشان اعرف فيه ومو عيب اذا قلت اني ما اعرف..


اطبق بعض الحركات البكار عليك

حشى مدربهن على الكونغ فو ..

الله يهديك بس وعلى العموم مشكور على الجواب اللي مدري وش يبي من الحياة

وعلى العموم إلى الحين ماوصلت إلى الجواب الوافي

واتمنى يفيدوني الأخوان

[Hch]

هههههههههه

معليش اذا فهمتك غلط او فهمتني غلط على العموم مشكوور

[فارس..؟]

كلك ذوق برجعتك

ومشكووور عسى عمرك طويل ان شاء الله

[خيال الغلبا]

ترمح للخلف وتهبد للامام وتبرك على الادمي بالزور

وانا رمحتني فدمرت غضاريف ركبتي ومزقت رباط الصليب الامامي لي

والله يكفيك شرها

[الشيخ قوقل]

جميع ما ذكر أعلاه من حركات الكراتيه
والناقة لا تتوقّع ما تفعلة بعكس الجمل
الجمل فقط وأخص الفحل لا يمكن له إلا العض والعياذ بالله
الإبل تمكلك أمزجة متغيّرة وأحاسيس متفاوتة
وما تشاهده من أهل الإبل عند طرحها يتمسّكون بذيلها ............. فقط عندما تركض فقط
وبهذه المسكة يكون على أحد الجنبين شادّاً ذيلها
والناقة في هذه الحالة تحاول التربّع على الأرض خاشية السقوط
وقد يكون الراعي : يتمنى الفرصة في رفها أحد أرجلها لترتكز على ثلاث قوائم كي يسهل طرحها
أتمنى أن أكون أفدتك وإن خانني التعبير فلك السؤال عن أي شيء يدور حول الإبل والله الموفّق
تراي خشير بالحق ومن أفاد فله من المُصطاد
أخوك

[fh...fh]

الاخ فارس....؟,,,,,,,,,,
تهبد بيدها للامام
تلفخ او على قولتك((ترمح)) برجلها للخلف وممكن للامام
واسال مجرب ....
مره رفعت بوجهي كوع شقت وجهي اربع غرز في الوجنه وغرزتين فوق العين
والحمد لله سلمت عيني ماجاها شي