مشكله شائعه نحتاج للخبره بالرد ... (( فتك))

[ادولف هتلر]

السلام عليكم ورحمه وبركاته..

ماابي اطول عليكم ..

الرجاء الرد من اصحاب التجربه والخبره فقط لاهنتو ..


الموتر سوبر سفاري 2008 ..
1- اذا مسكت خط او مشيت على الموتر تحمر القزوز وتحس عند رجلين السواق بحرارة الشكمان واوقف افتح الكبوت اشوفه محمر مره مدري وش منه ؟

2- هل الهدرز مفيد للموتر يعني تنصحون فيه ؟ واذا تنصححون فيه وش افضل كامل او لا

عداد الموتر 26 الف فقط ..!!

تحياتي لكم ..



اخوكم

[ابودعسان]

ان اتوقع انه طبيعي من قوة العزم ماشاء الله تبارك الله
اذا كانت الحراره ما ترتفع عن الثلث
او بس لا حظت الحراره من تحت الرجلين

[Abu Sary]

هذا ياطويل العمر ، تهريب بالقزوز ،
روح لحق الشكمانات يفـكه ويغير لك الكعكـات ويغير الصوفه حفته ويشده وراح تنحل معك المشكله ،
أو يكون شعر في القزوز ، تأكد منه ، المهـم إن فيه تهريب ،
كانت عندي نفس المشكلة ،


بالتوفيق للجميع ،










( اللهم حسن الخاتمة )

[سوبر VTC]

لاتركب هدرز الوكالة ابخص
و اذا ركبت هدرز الموتر يصرف زيت و يبرد العزم
الهدرز تقريبا كامل ب1700

توجد دبة تلوث هي سبب الحرارة
اخبر راعين الباترول يلغونه
ان بغيت ورشة متخصصة للنيسان بالرياض او بريدة علمن

[ادولف هتلر]

شاكر لكم ردودكم ..

بس مااتوقع فيه تهريب ..

اخوي سوبر فتك هل فيه اضرار من الغاء دبة التلوث .. (( يقولون يطلع صوت طرب خفيف صح او لا))

شاكر لكم




تحياتي

[جهام القصيم]

كم تمشي يوم تشوف القزوز حمر اذا كانت السرعة من 160 او طالع هذا شي طبيعي او ترى السرعة مافيه خير

وفق الله الجميع

[ادولف هتلر]

^^^^^
^^^^^

يعني حولها ادري وانا اخوك السرعه مافيها خير بس بشوف هذي مشكله اولا

موقعي الرياض اذا تنصحون بمكان معين



تحياتي

[باثفندر]

يالغالي بغض النظر عن المشكلة ،،،،

تراه على الضمان ( إن كان سعودي أو خليجي ) مر على الوكالة لأن المشكلة غريبة على الموتر جديد وإحتمال عيب فني !! ,,,

[سوبر VTC]

خذ العلم الاكيد من ورشة التركي بالصناعية القديمة
تخصص نيسان
لكن راعين الفتك يركبون هدرز كامل و من القزوز الى
الشكمان دبة يوكن
موفق

[ادولف هتلر]

طيب يعني ابي افهم المشكله من دبة التلوث

الوكاله انا ماعترف فيها من عرفت الدنيا بعد الالف احب اخشومهم وامشي ماعاد اجيهم الا 200 الف صيانه شامله ..




تحياتي

[hz1oo]

السلام عليكم طبيعي مرة في السيارات وتشوفها في الليل اوضح انا عندي فتك 2008 وماشي 40الف ونفس الشي وكان معي قراندي 90 وقت مديلة وطالع فيها

[دانكن]

كانك ساكن بشمال الرياض ..

ارسل لي رسالة على الخاص ..

وانا ادلك على واحد يشيل دبات التلوث ..

[1988]

ياخوي كلف على نفسك لك يوم عصريه ومر على كحيلان ابو صالح ويعطيك العلم الاكيد بأذن الله

[سفاري959]

اخوي مر على ورشه ابو صالح التركي اذا تبي الوصف او رقمه علمني وابشر بسعدك