لصار رفيقك في الكشته ثقيل الطينه وش تسوي

[العودالازرق]

http://www.gulflobby.com/upload/get-12-2008-gulflobby_com_ocnnqbhf.gif
أحبابي أعضاء وزوار مكشات

ما من شك في أن الرفيق أو الصاحب في السفر له مزايا وصفات تكون سببا في جعل الرحلة سعيدة أو مأساوية على قول بعض الأخوة . بل قد تكتشف معدن صديقك ولكن قبل الخوض في الموضوع أحب أن أروي هذه القصتين لتكون مدخل لسالفة الرفيق في السفر أو الكشته.

القصة الأولى : حدثت عام 1416هـ أثناء تواجدي في مكة المكرمة اتصل علي بعض الزملاء بعد أن علم بوجودي في مكة وكان قد رتب لنا كشته خفيفة في أحد شعاب الطائف . وفعلا تجمعنا الساعة 6 صباحا وانطلقنا خمسة أشخاص أعرف منهم راعي الكشته أبو محمد والأخ ناصر زميل دراسة أما البقية لا أعرفهم وهم من أبناء مكة وصلنا للشعيب وجهزنا الفطور ( تقاطيع وفول الغامدي كان حاضر معنا ) والحمد لله قضينا يوم من أجمل الأيام لكن الغريب في هذه الكشته أحد الأخوة كان جالس لا يتحدث فقد لا حضت عليه عدم الارتياح وذهابه بين الحين والأخر للسيارة أو التمشي والعودة وحيد وكنت أحيانا أراه يضغط على بطنه . عدنا لمكة فإذا بالرجل يطلب من الأخ أبو محمد أن ينزله في مستشفى الزاهر لأنه يشتكي من صداع ذهبنا به للمستشفى وأصررنا على البقاء معه خاصة بعد ما علمنا من الطبيب أنه يعاني من التهاب الزائدة الدودية وأنه تأخر في المجيء للإسعاف فقال أبو محمد الرجال كان تعبنا من أول ما وصلنا للشعيب لكن كان متحمل عشان ما يخرب طلعتنا . ويحرجنا معاك .
الحقيقة ضاق صدري كلما أحسست أن هذا الرجل كان يعاني الألم من أجل أن لا يحرج أخوياه قدامي .
هذي قصة لشخصية رافقتها .


أما القصة الثانية وهي رأس السالفة عرضوا علي بعض الزملاء طلعه خفيفة قبل شهر بمناسبة قرب انتهاء الدورة فقرر الشباب أن يعفوا الشباب اللي من خارج المنطقة ليس عليهم شيء من قهوة أو غيره فهم عزوبية وضيوفنا وهم محفولين مكفولين على قولنا .. انطلقنا تقريبا 15 شخص وصلنا محل زين في شعيب العيينه وقام الشباب بإعداد الشاي والقهوة والغداء .. لكن الشيء اللي يضيق الصدر فيه شخص من المجموعة أول ما وصلنا قام يذم المكان ويمدح أماكن في المنطقة التي هو قادم منها . وما خلصنا من سالفة المكان حتى بدأ في ذم القهوة والشاي رغم هذا يشرب شرب الله لا يوريكم ولا أكسل منه حتى بيالته ما يرفعها .
والخشية من الغداء والله الشباب ما قصروا كان في قمة الطعم كاتم حاشي من غير تيس مندي لكن خوينا كان جاهز بالانتقاد والتوبيخ مما أوقعنا في حرج قدام ضيوفنا وأحبط معنويات الشباب مما دفعنا للعودة مبكرين .
وما كنا نعرف عن سلوك هذا الشخص إلا بعد هذي الرحلة .
في انتظار مداخلاتكم

[الشيخ قوقل]

من القصّة الثانية
اللي راح معكم وكان التذمّر ديدنه
أسحبوا عليه السيفون
رافقتك السلامة
أخوك

[محمد-الرس]

ودك الواحد لو دبل تسبدك أنك تتركه بالبر أو من الاصل ماتاخذه معك

[السنع كله]

الاول دوره وتوص فيه
والثاني لاش الله يقطع نوعيته

[سوبر152]

الدنيا دروس
والرفيق قبل الطريق

[فيصل الرحيمي]

يرجال وسع صدرك تراك في كشتة
وماهو اي ناس تكشت معهم
مثلا كشت مع خوياك ونصهم ماتعرف اخلاقهم تحمل و وسع صدرك ولا تطلع معهم مره ثانية ولا تحسسهم انك ماتبيهم

وانا شخصيا ما اطلع إلا مع ناس معروفين(يعرفون مزاجي واعرف مزاجهم) وغيرهم ما احرص...

وكل واحد له وجهة نظر

[بواردي الدلم]

مايستفاد من القصتين

الرجل الأول ينحط على اليمنى بدون مشاور

الشخص الاخر هو تعريف الرخمه إصطلاحا عند أهل الكشته

[طائي الجبل]

أخوي أنا ضاق صدري كأني معكم
العتب عليك وعلى اللي معك
تأخذون واحد ماتعرفون عنه شيء
البر يبي له واحد تعرفة تمام المعرفة
خلاص تعلمنا وشبعنا تجارب من خوة هذة النماذج
والله صدوركم وسيعه وهذا ينم عن طيب معدنكم
أتمنى لك وللجميع أسعد الأوقات

[غواص فلسطين]

اعتبره درس وإحرص على من تخاويهم
تحياتي

[من البدائع]

احفر حفره ودفنه فيها

[الشقردي 12]

الدنيا دروس وتجارب وفي السفر والرحلات يتضح من معدنه اصلي من غيره

وهذي قصيدة لطشتها لكم من النت تناسب الموضوع :




تقـدم الدنيـا لنـا درس جديد بكـل يـــــــوم ****** والناس تسلم من غثـا الدنيـا بحفـظ دروسـها



وعلى حسب حفظ المواجيـب وتعاليـم السلـوم ***** نعرف مقاسـات البشـر بالمرجلـه ونقوسهـا


صيت الرجال الوافيـه بأفعالهـا ولاّ الرخــــــــــــــوم ***** ينبيـك عنهـا قـل نفعتهـا وشيـن نفوسهـا


تطرد ورى الدنيا وتكشـخ بالمواتـر والهــــــــــدوم ***** مثل الحريم أغلـب دراهمهـا علـى ملبوسهـا


والامعه والشايب الكـذاب وضعيـف العــــــــــــزوم ***** ناس مع العالـم بـلا هيبـه تدربـي روسهـا


والبخـل خلانـه بهايـم ولاتسـام ولاتـســــــــوم ***** لاشفتها ترفـع يـدك حمـد وشكـر وتبوسهـا


على الصحن هم أول الجلاس وآخر من يقـوم ***** يعيّفك حلو الاكـل والشـرب طـول جلوسهـا


ماهيب لـلازم سنـد ولاذخـر عنـد اللـــــــــزوم ******** تمـوت ماسـرك مهايطهـا وكثـر فلوسـهـا




وسوالف الخبلان رفعة ضغط وصداع وهمـــــوم ****** فـلاوة تخطـف علـوم العـرب وتحوسـهـا


واجب عليك إليا حكت عن جملة حكاها تشـوم **** الهنـد مايـراس حكومتهـا سـوى هندوسهـا


وربع المصالح والمجامـل خـوة ماهيــــــــب دوم ***** اقولهـا والتجربـه قطـع وريـدي موسـهـا


وقت الرخا مثل الصقور اللي على المرقب تحوم ***** في يذري ساقـك الرمضـا وحـر شموسهـا




واليا احتمت صكات بقعا وامست علومك علـوم ***** اتلـوي خششهـا وتجحـد خوتـك وتدوسهـا


من عقب ماانت الطيب وقدرك معزز ومحشوم ****** تصيـر اردى ماخلـق ربـي ودم ضروسهـا


ابعد عن الاشكال ذي بعد الثرى عـن النجـوم ***** وش حاجتك في قرب رديان العرب ونجوسهـا


ماهوب عيب ليا عزموك تقول يالربع معـزوم **** العيب لارحـت لعزايمهـا وجيـت عروسهـا


وخلك فطين تعلمـك دنيـاك درس بكـل يـوم ****** والرجل يسلم من غثا الدنيـا بحفـظ دروسهـا

[escape_man]

يمكن خويكم الثاني تصرف هالتصرف من الميانة .. فاتوقع انه العتاب الغير قاسي او المناصحة تنفع معه ..

مانفعت فخل نفسك رفيعة وخله بطريق وانت بطريق

[ناصر الدهمشي]

الشخصية الاولى موجودين لكن بالقلة

ونسمع عنهم بالقصص ونحرص عليهم وندورهم وعسانا نكون منهم

اما الشخصية الثانيه موجودين بكثرة

ونواجهم كل يوم

لكني من الناس افضل الذهاب مع ناس امون عليهم

وستر وغطى

اما ناس مامون عليهم ولا معرفتي بهم قليلة اكتفي بالكشته معهم

ليوم واحد او نص يوم يعني اتحمل شرهم وخيرهم

وانت دامك قلت رفقيك ودامه رفيقي ابتحمل منه كل شي دامي رضيت فيه

[عين حصنان]

الكل منا يطلع كشتات و مشاوير بصفه متواصله

ويحتك بجميع فئات الناس

والحياة مدرسة

وهذي سنّة الحياة

لاتاخذ بخاطرك من الشخص اللي صاحبت

وعرفت انه لا يصلح لك او لا يصلح للكشته

هذا درس ... لكي تتفاداه في المرّة القادمه


واذا خاويته


وفي المرّة الاولى .... ماتنشره

وفي المرّة الثانية ..... لا والله تنشره


*********************

يقول ....تعرف فلااان

قال .....اِيه

قال ....... خاويته

قال .....لا

قال .........اجل ماتعرفه

[عبدالسميع]

الله يعين....

بس المصيبة أذا تزوجت وحدة مثل طبع صاحب القصة الثانية

ما تنرقع .............

[فريدي القصيم]

مشكور أخوي

العود الازرق

وتسلم يمينك والكلام الجميل

1- الحياة تجارب مرةواحدة تكفي لمعرف الشخص وخاصة لما يكون من الشلة
2- بعض الشباب تتفق معهم في كشتة يوم كامل وخاصة أيام الامطار تصير الاختيار شباب الرحلة أو الكشتة مفأجى بمناسبة الجمعات في ايام العيد وتكتشف شباب أتكلين مرة وعلى قولتك مايعجبهم العجب والانتقاد شغلهم
3- وتجد شخص خويك دايم في رحلاتك عسل على عسل بس مجرد مايجون مجموعة أخرى يتغير 200درجة كانة مايعرفك وشغلة معايرة والتطنز واكتشاف العيوب والخ.
والله يعطيك الف عافية أخوي
بس ابشرك خوياي من الدوادمي شقردية ورحالة وهواوين وصيادين والله يحفظهم من كل مكروه

[ABO AKASH]

دروس وعبر

وموضوع قيم

[البنتلي]

في البدايه اشكرك على الموضوع الجميل ...

واحب اني اشارك الاخوان في بعض الامور والشباب ما قصروا ...

شف انا من وجهة نضري ان الاول هذا ينومسك عند اللي تعرفه ولي ما تعرفه وهذا للي ينشد فيه الظهر في الاشياء العصيبه ...
اما الثاني فهذا يفشلك عند الناس والغالب انه يكون موضوعه هو اللي مسيطر على جو الكشته .. واكيد بيكون جو غير مرغوب فيه ...

لكن هذي كشته وشلون لو صار الصنف الثاني في رحلت صيد لمدة 15 يوم راكب على اليمين وهو اللي يرمي وهو اللي وجه وووووووو ...


الله يعين على الدنياء بخير

[العودالازرق]

http://lordtravel.jeeran.com/%D9%86%D8%AC%D9%85%D8%A9.gifالشيخ قوقل دائم تنتعش النفس فرحا عند ملامسة أول قطرة مطر :lr وأنت كذلك في كل موضوع .

http://lordtravel.jeeran.com/%D9%86%D8%AC%D9%85%D8%A9.gifمحمد - الرس
http://lordtravel.jeeran.com/%D9%86%D8%AC%D9%85%D8%A9.gifالسنع كله
http://lordtravel.jeeran.com/%D9%86%D8%AC%D9%85%D8%A9.gifسوبر152
http://lordtravel.jeeran.com/%D9%86%D8%AC%D9%85%D8%A9.gifفيصل الرحيمي
http://lordtravel.jeeran.com/%D9%86%D8%AC%D9%85%D8%A9.gifبواردي الدلم
http://lordtravel.jeeran.com/%D9%86%D8%AC%D9%85%D8%A9.gifشمالي جنوبي
http://lordtravel.jeeran.com/%D9%86%D8%AC%D9%85%D8%A9.gifغواص فلسطين
http://lordtravel.jeeran.com/%D9%86%D8%AC%D9%85%D8%A9.gifمن البدائع
http://lordtravel.jeeran.com/%D9%86%D8%AC%D9%85%D8%A9.gifالشقردي12
http://lordtravel.jeeran.com/%D9%86%D8%AC%D9%85%D8%A9.gifبن غييثات
http://lordtravel.jeeran.com/%D9%86%D8%AC%D9%85%D8%A9.gifناصر الدهمشي
http://lordtravel.jeeran.com/%D9%86%D8%AC%D9%85%D8%A9.gifعين حصنان
http://lordtravel.jeeran.com/%D9%86%D8%AC%D9%85%D8%A9.gifعبدالسميع
http://lordtravel.jeeran.com/%D9%86%D8%AC%D9%85%D8%A9.gifفريدي القصيم
http://lordtravel.jeeran.com/%D9%86%D8%AC%D9%85%D8%A9.gifABO AKASH
http://lordtravel.jeeran.com/%D9%86%D8%AC%D9%85%D8%A9.gifالبنتلي

بارك الله فيكم اسعدني مروركم

[hightech]

الاول والنعم فيه والثاني طنشوه وطنشوا اللي جابه والواحد ماطلع كشته الا يبي

راحة نفسه والبعد من ازعاج المدن وثقيلين الدم .

بالنسبه لي لازم اعرف الشخص تمام المعرفه يمكن يكون ثقيل دم او راعي حبوب

او مريض نفسي بعد يجيب فينا العيد وكل ماكانت الكشته خفيفه من الناس كل

ماصارت احسن .

اخوي العود الازرق موضوعك جدا جميل بارك الله فيك وشكرا

[مجنون باترول4800]

عزالله ان الاول هوالخوي
اما الثاني هذا يهون الانه اصل غريب عليك ويمكن هي اول مرة واخر مرة
بلا ابوك لصر جاركم ومن جماعك
والا يعرفون احد غير واذا كشتة وجاهم خبر زعلو عليك ليش مأخذتنا معك
وياليت هنا شي يسو بهم لاسلفتن زينة ولا دلة يعرف يزين انت اللي تجيب الغزبة وياوليك لوتنفص وانت عليك السيارة وتحديد المكان ولو صار ماهوب زين هذا اليوم الاسود
وانت اللي تطبخ وتنفخ وشب النار وتطق الخيامة
ثم اذا رجعنا لديرة قام يسب الغداد والعشاء والمكان وتصيرانت سلفت السنة.....
يارجل ماتبلا الا من القريب ام البعيد اسحب علية

[ولد وايل]

اذكر في احد الاعوام مدري 1417 او قبل او بعد يوم الدنيا كلها فقع

كاشتين ثلاث اشخاص الله لايعيدها من كشته طالعين يم الحفنه

وطحنا في مكان كله فقع بشكل خيالي
المهم الثالث اللي معنا
قال رجعوني الرياض ضروري كان يوم خميس
كلنا ليش

قال عندي شغل واتفاقنا الرجعه الجمعه

اخينا في الله رجعناه الرياض يوم وصلنا قال
ادخلو خلنا نشوف المباراة سوا

قلت مرجعنا عشانها قال ايه قلت طيب ليه ماقلت لنا من البدايه

قال ودي اكشت وارجع اشوف المباراة

طيب يا قذر وقليل الحيا ليه ماجيت بسيارتك قال

خساير بخساير

والى الان لم اشاهد ذلك الرجل
ولا افكر في ملاقاته

[العودالازرق]

اذكر في احد الاعوام مدري 1417 او قبل او بعد يوم الدنيا كلها فقع

كاشتين ثلاث اشخاص الله لايعيدها من كشته طالعين يم الحفنه

وطحنا في مكان كله فقع بشكل خيالي
المهم الثالث اللي معنا
قال رجعوني الرياض ضروري كان يوم خميس
كلنا ليش

قال عندي شغل واتفاقنا الرجعه الجمعه

اخينا في الله رجعناه الرياض يوم وصلنا قال
ادخلو خلنا نشوف المباراة سوا

قلت مرجعنا عشانها قال ايه قلت طيب ليه ماقلت لنا من البدايه

قال ودي اكشت وارجع اشوف المباراة

طيب يا قذر وقليل الحيا ليه ماجيت بسيارتك قال

خساير بخساير

والى الان لم اشاهد ذلك الرجل
ولا افكر في ملاقاته

والله الظاهر ان هذي النوعية واجد .. شرفتني بالمشاركة

[العودالازرق]

عزالله ان الاول هوالخوي
اما الثاني هذا يهون الانه اصل غريب عليك ويمكن هي اول مرة واخر مرة
بلا ابوك لصر جاركم ومن جماعك
والا يعرفون احد غير واذا كشتة وجاهم خبر زعلو عليك ليش مأخذتنا معك
وياليت هنا شي يسو بهم لاسلفتن زينة ولا دلة يعرف يزين انت اللي تجيب الغزبة وياوليك لوتنفص وانت عليك السيارة وتحديد المكان ولو صار ماهوب زين هذا اليوم الاسود
وانت اللي تطبخ وتنفخ وشب النار وتطق الخيامة
ثم اذا رجعنا لديرة قام يسب الغداد والعشاء والمكان وتصيرانت سلفت السنة.....
يارجل ماتبلا الا من القريب ام البعيد اسحب علية


تسلم يالغالي .. اكيد هذا نوعية شيوخ هههههههههههههههه

[النائب]

المشكلة إذا حدتك الظروف على ناس ما تبيهم؟
وأردأ منها إذا صاروا ما يبونك !!
اللي يبينا عيت النفس تبغيه *** واللي نبي عيا البخت لا يجيبه!

[هوايتي مكشات]

القصة الاولى قليل تلقى زيه
اما الثانية عزالله بيقوم البقس بيني وبينه لو نقاش اهم شي يسد فمهولا نجرب فعله باللي يقول
وعز الله يبشر بالانتقادات الحقيقية مو انتقاد شوفت النفس
ــــــــــــــ اذكر قصة ـــــــــــــ
كنا مجموعة شباب معنا واحد بس منجطل ومعنا اخوانه اصغر منه وكل شوي يرسلهم واذا قلنا الغداء على مجموعة يقومون فيه او العشاء هرب ويحسب الناس ماهي ملاحظته والله ياجماعة اني اذا جيت بطلع وعرفت انه معنا اهوووون عن الكشته لو اطلع لحالي بس ماشوف هاك الادمي (ثقيل طينه بقووووة ماهو نقاد)

[لاتكب البيالة]

انا حصل لي موقف مع واحد قريب من قصة ولد وايل يعني السبة مبارات
والغريب خويي هذا معرفتي به قديمة لكن مثل هالموقف يجبر الواحد يقطع العلاقة مع خويه
وطبعا الكشته والسفر تكشف الرفيق هو مضبوط ولا لك عليه

[مقناص 20]

الثاني مصيبه
الف شكر لك

[بريداوي اصليm]

الأول من موقفه حيست أنه رجال
والثاني إذا شفته ما يمدح الأكل والقهوة والشاهي
طقه بوجهه قلوه قم لاتاكل معنا .
أما أنا صارلي مرتين موقف مع واحد من الشله
كنا كاشتين وطالعين بموتر واحد من العيال
طلعنا الظهر ومتفقين نرجع السـ 12 يوم أذن المغرب
قل يالله أركبو .. وين أتفاقنا؟ والله أبمشي عندي شغل
زين عدينا الكشته هذي ع خير
المره الثانيه طلعنا ونفس أتفاقنا الأول والمشكله صادفت موتري معطيه أخوي
وموتر خويي الثاني بالورشه والجو حلو وأربعاء ما لنا الا هو
طلعنا يوم صلينا المغرب قعد أشوي يوم ركب الجيب وشغله ..
وين يابو ؟ والله الوالد دق علي وظروري أروح
وهو يكذب لادق عليه أبوه ولا شي
مدري هو ياخف من الليل ولا بوه بلا ;)
أسف ع الإطاله

[الجحفة]

ههههههههههههههههههههههههه

ههههههههههههههههههههههههه

[دله وفنجال]

السلام عليكم


هلا وغلا بخوي العود الازرق

يالعود الازرق تذكر صورة توقيعك مطبقيت التمر والدله الصفراء .. شفته على لوحت مطعم ومقهى مصري في مانشستر ويوم سالته عن الوحه وآني اعرف راعيها قال انها اهداء من طالب سعودي <<< لا تصير انت بس ..

ماعلينا ترجع لم الموضوع ...

والله يالعود الازرق المفروض تحمد ربك انه الكشته يوم واحد فقط وبعده تبي ترتاح من خلقته .. لاكن بلاه الي كاشتن معه واحدً خمسة ايام هذا وش راح يسوي .. مع العلم ان رفيقك ذيب عند خوينا .. هذي الطامه الكبرى يبي يقابلك ٢٤ ساعه ومجلسه مجلسك والسياره وحده .. الله من فقعت القلب يالعود الازرق ...


وهذي سالفة واحد الله يستر عليه البثاره تنبع من عيونه .. كنا حنا والربع لنا طلعه كل جمعه لم احد الشعبان حول الرياض والي يكثر فيها الطلح وطيور القوقسي او الحمام المستوطن وعددنا من خمسه الى سته وكل اسبوع على موتر واحد من الربع .. المهم البثر هذا كان دائماً نلقاه واصلن قبلنا ( شف من زود البثاره ) وتحسبه ضابطن القهوه ولا مسوي شي مفيد .. نلقاه يحترينا بسيارته واذا وصلنا حول وقام يحبرش بنادقه كني منشغل لجل لا يعاونا بتنزيل الاغراض وبعده ياخذله فنجالين قهوه ويدلي يحوم على الطلاح ويرمي على كل شي قابل للطيران واذا جاء قبل او حول لاتغيب الشمس ضف اغراضه ودق سلف وخلا حمامه والي مصيد عندنا ( طيب يومنك مالك حاجه بهن وشوله تصيدهن يابن .... ) ولجل لا يحمل الاغراض والعفش لاجينا نمشي .. المهم مره مرتين كرهنا بلطلعه لين جاء اليوم الموعود .. وعلا عادته لقيناه واصل قبلنا بس خويك قفلت معه والدور عليه بلموتر .. التفت لم الشباب وقلتلهم طفو جوالاتكم وانا امر من عنده ولا اوقف وتعداه وقطع الشعيب وارجع لم الخط واوجه لم محل ثاني .. ونتكي ونفله وارتحنا هاك اليوم بطلعتنا .. ومن عقبه ماشفنا رقعت وجهه ...


ما اقول الا الله يريحنا من هلاشكال ويريح المسلمين منهم ...

لاعدمناك يالذيب

[دكتور بر]

النوعية هذه للأسف موجودة ومنتشرة،،،

والحل الأفضل في رأيي عدم مخاواتهم ... والحمد لله الربع واجد

وانت أخي في غنى عن هالتنقد

طالع توسع صدرك ... وتفلّ الحجاج ... وتجرب طبخات جديدة ... وتشوف لك أماكن جديدة عليك ...
وهو مهوب تارك لك مجال في أي من هالأمور ألا ويدخله...ويتنقد عليك...
ومن تجربه هالنوعية التنقد طبع فيهم وإذا ما نقدوا بيتصخنون :D

وبالتالي فسيقتل الإبداع والمغامرة بالجديد


فالحل البدائل المنتشرة ولله الحمد
لأني أعتبره مثل الخوي اليائس اللي نظرته دائم سوداوية وهذا دايم ينصحون بتركه وعدم مخاواته...

[هواوي صيد]

اطباع الناس تختلف

لكن لا شفت اللي مثل هالنوعية اصبر عليه لين ترجع

ولا عاد تخاويه مرة ثانية

[ابو99]

لاجاك اللي مايراعي اخوياه
لا عمرك تخاوبه ابعد ما تاصل معه الدائري ان بلاك الناس واجد

[نور 2010]

تحية طيبة للعود الأزرق وعموم الإخوان
أنا مدرس تنقلت بين خمس مناطق في المملكة وكان لنا طلعات ودائما العزبة وأغراض البر معي ما تنزل من السيارة ومر علي عدد من هؤلاء في كل منطقة وكل مدرسة يعني ثقلاء الطينة توقع تواجدهم في أي مكان .
والقصص التي مرت علي لا أستطيع حصرها لكن من أشد ما يقهرني أن تتوضع ويعتقد هذا الثقيل أن تواضعك ضعف شخصية أو عدم معرفة فتجده يريد أن يظهر بأنه يعرف كل شيء ويخبر كل مكان ويريد أن يمشي رايه على المجموعة ويدخل في كل سالفة والسالفة اللي يعرفها يقطع على راعيها ألف مرة حتى تخرب وتمله .
لكن يأخوان كنت استحي واعدي كثير من المواقف لكن دائما ثقيل الطينة ما يقدر وكل ما توسع صدرك زاد قلة أدب , لذلك إذا تأكد إن الرجال قليل أدب وشايف نفسه فقابله وجها لوجه وقلة بصراحة حنا رجال طالعين ندور الوناسة إلا خونا على ما حنا عليه وإلا ...

وأخيرا فكرة حلوة تبين أخطاء الإنسان في السفرات والرحلات وهي جلسة مصارحة قبل الوصول للديرة يتناصح وينتقد الإخون بعضهم ليتجنبوها في المستقبل ثم يدفنون كل سلبيات الرحلة ويدخلون الديرة بقلوب نظيفة :D .

[الليل حزين]

آآآي يازول والله تألمت كثير مررره من الشخص اللي قاعد يجامل يخاف يخرب الرحلة وهذي والله ماهي كويس المفورض استأذن واخبر احد الزملاء اللي بيمون عليهم وذهب للمستشفى او اخذ واحد منهم من غير كأنهم رايحين مشوار وبعدها يعلمهم


والله يكون بعون ويوفقه هذا الشخص طيب المعدن أصيل آآآي والله

اما التاني هداه الله مشكلته مشكلة ويقرف بس احسن شي ان الواحد يأخذ درس من بعض الاصحاب اللي بيهذلوا ويخلي الجلسه معاهم خفيفة احسن فيمكن يتغير ويصبح صديق وجميل مع الوقت اذا صارحه احد ان عمله هذا ماينفع البر يبغى ناس والديره ايضا تبغى ناس لعل المقصد فهم وشكرا

[المارد1]

الله يرحم الحال عندنا وعندك خير القصة الثانية دائما تمر علي من واحد الله لايبلا رافعن ضغطي وبالنهاية

صرت اتحاشاه ولا اعلمه لابغيت الكشته وزود على ذلك يشره اذا ماعلمته ولكن خلها على ربك

وشكرا على طرح الموضوع

[العودالازرق]

السلام عليكم


هلا وغلا بخوي العود الازرق

يالعود الازرق تذكر صورة توقيعك مطبقيت التمر والدله الصفراء .. شفته على لوحت مطعم ومقهى مصري في مانشستر ويوم سالته عن الوحه وآني اعرف راعيها قال انها اهداء من طالب سعودي <<< لا تصير انت بس ..



حياك الله أخوي التوقيع ليس لي فيه أكثر من عود في مكشات

شكرا لكم ومشاركتكم عطرة موضوعي

[النعيمي990]

الحل الوحيد والمتبع معا اغلب الشباااااااب تقوم علية شوط ضحك
وتمسخرة لين يقوم ويدبر من المكان وتضحك علية وتسوي فيه كذا مغلب
وينتهي الموضوع باسرع وقت ممكن ........

[1من الناس]

يالعود الازرق عليك بالقروم وانا اخوك الناس واجد بس تنقى لك اربعه خمسه عن ملاييين من الناس..

[ابو ريان1881]

ياكثرهم ولا تحرص على كثرة الاحتكاك خص بالرحلات والسفر اشتر راحتك وربك يعين

[ابن عاشور]

والله موضوع مثير
أخي صاحب الموضوع بصراحة قصتك الأولى الرجل هذا يعز أن تجد مثله حقيقة
أما الأخ الكريم اللي ذكر القصيدة باللون الأحمر عز الله أنها قصيدة تبكي أهل النفوس العزيزة وآآه من زمن عجيب غريب

بالنسبة لي أغلب طلعاتي مع شخص أو شخصين وكلنا نفس التوجهات مافيه لف ودوران وآخر مايفكر فيه نفسه ، ويبدي خويه على مصلحته ، وهم من نوع إذا قلت قدام قالوا قدام رجال بمعنى الكلمة الله يكثر جنيسهم

فيه كم شخص اغتريت منهم في البداية وطلعوا ماينغزا بهم وكل شوي راي وكل شوي عذربة وتردد
في البداية تجامل لكن مع الوقت خلاص تأقلموا على الوضع وطلعوا رجال أبشركم هههههههه

[قناص الهمله]

الله يعطيك العافيه

[black050]

بسم الله الرحمن الرحيم
يا رجال وسع صدرك والأشكال هذي تحس في نقص داخلها
وعلى قولت اخونا (سوبر152)الرفيق قبل الطريق

[عصاقيل الدخله]

تصلح لك هذي القصيده وهي لخلف مشعان العنزي


ياكثرهم لا قلت لك عـرفت وجيه
ويا قلهم لا قلـت قـدر ومعـزة

رجل تعـزه بعـد مـا تلتقي فيه
ورجلٍ قبـل لا تلتقـي به تعـزه

ورجلٍ ترزه بالمجالـس مباديـه
ورجل فلوسـه بالمجالـس ترزه

ورجلٍ يموت ولا يجيبـون طاريه
ورجل يجـي طاريه في كـل حزه

ورجل ضعيـف ويستفزه معاديه
ورجل كلام إعـداه مـا يستفزه

ورجلٍ يهزه بعض موقف ويشقيه
ورجل ماهوب ايات موقف يهزه

ورجلٍ تلزه يعترف لك بخـافيه
ورجل على خافيه محدن يلـزه

ورجلٍ يوزونه ويزعل من أخيه
ورجلٍ يّزعل من يحاول يـوزه

ورجلٍ تكزه لازم إنك توصيـه
ورجلٍ بليا مـا توصيـه كـزه

ومن لا فرش للمرجله ماتغطيه
ومن لا يخز الناس محدن يخزه

[نـجم الـشمال]

ذكرتني بابيات اللي يقول
الا بلاك الله بعاقه
من مقاريد الصداقه

لاتوريه الحماقه
لين ربك يقلعه

[مرهف]

اولا اشكرك أخي العود الازرق على هذا الموضوع الجميل والذي يستحق النقاش
ثانيا الناس اجناس لاتعرف طبع اي شخص حتى تكون لك تجربه معه والناس اطباع منها الطيب ومنه البطال
ثالثا انا محدثكم سافرت انا وثلاثه رفقاء لمهمه عمل وكنت اعرفهم مايقارب العشرسنوات {زملاء عمل} اثناء السفر وبعد الاقامه تغير طبع واحد من الثلاثه لم اصدق هل هذا الشخص الذي اعرفه غرابه عشر سنوات ،،،،
فنصيحتي لكم ان تعرفون من الشخص الذي يستحق منا ان يكون رفيق الدرب

[تباشير الحياة]

عزالله ان الاول هوالخوي
اما الثاني هذا يهون الانه اصل غريب عليك ويمكن هي اول مرة واخر مرة
بلا ابوك لصر جاركم ومن جماعك
والا يعرفون احد غير واذا كشتة وجاهم خبر زعلو عليك ليش مأخذتنا معك
وياليت هنا شي يسو بهم لاسلفتن زينة ولا دلة يعرف يزين انت اللي تجيب الغزبة وياوليك لوتنفص وانت عليك السيارة وتحديد المكان ولو صار ماهوب زين هذا اليوم الاسود
وانت اللي تطبخ وتنفخ وشب النار وتطق الخيامة
ثم اذا رجعنا لديرة قام يسب الغداد والعشاء والمكان وتصيرانت سلفت السنة.....
يارجل ماتبلا الا من القريب ام البعيد اسحب علية

جبتها على الجرح

ابتلينا برخمه بثر تتجسد به السماجة سنيييين طويلة في كل ربيع الاجازات الطويلة و الاسبوعية

يا صبرتس يا نفس

و رئيس الطلعة من نوعية خويكم الي بالقصه الاوله راعي الزايدة

الله يهنيه بعمره هذا معرفته اكبر مكسب بس مشكلته تشيل همه لا يكون مضحي و مئثر حد على نفسه مثل قصتكم معه يخليك ما ترتاح من همه

[راع الكحيلة]

موضوع جميل

لكن والله إن الأول على طيبه إلا إنه رايح يشغل بالي بالحيل معه إن جاته مكالمة أو شفته ساكت
وراح يزعجني سكوته وصبره على أي مشكلة تصيبة .. لذا ولو أنه رجل سنافي وطيب ولكن بصراحة لن أطمع في اصطحابة إلى أماكن بعيدة ونائية .. إلا أن يغير طبعه ويصارح ربعه بكل ما يلم به .. والدنيا ما تسوي .. والرحلة إن زادت أو نقصت فلن تتعدى مسمى .. كشتة
وأبغض ما عندي كشتة حنا نضحك ونمرح فيها ونكتشف بعد العودة أن أحد إخوتنا كان في قمة الضيق من شيء ألمّ به أو من اتصال أتاه
ولكن قتله الحياء من أن يصارحنا .



أما الثاني فقد جربت مثيله وكنت أحول تذمره إلى فكاهة وضحك خاصة إن كان من اللي يتقبلون المزح .. أو حتى لو كان ما يتقبل ولكن سيفهم مغزاي .

وقت الطبخ خذ من المرقة ورح له مباشرة .. هاه وشتقول يا بو فلان عسى المرقة زينة ؟؟..ترى حنا ما لنا غناة بعد الله عن خبراتك و ذوقك ..


إن شفته قال زدها ملح والا بهار ..قل أبشرر
إن كنت غير مقتنع في كلامه لا تنفذ كلامه ..لأن ما عنده إلا الحكي
ولو تعيد له المرقة مرة ثانية من غير الإضافات قال لك : إي ها الحين أنت مظبوووط وشغلك صح :)

إن نقد على الأكل أضحك معه و قل يا أبو فلان ترى مهوب زين تغصب نفسك على الأكل اللي ما يعجبك ..


وإلا قل له عقب موجة التذمر من الطبخ
وشرايك يا بو فلان إنك تسوي عشانا الليلة من مزاجك ؟؟.. لأنه اتضح لي من طريقة تحليلك للغدا إنك فعلا فنان طبخ.

طبعا راح يرفض بحجة عدم معرفته فن الطبخ ..
أجل يا بو فلان عندي لك شور
استرح وترى حنا اللي بنغسل القدور قبل الطبخ وبعده وأنت بس نبي منك إن تتحمل طبخنا والله يعينك على قل سنعنا .:)


إما إن عارض منزالكم وقام يمدح المكان الفلاني قل له مثلا :
أبشر يا بو فلان راح ننتقل للمكان اللي شرت علينا به .. لكن إن شاء الله في الخطة الخمسية القادمة .:)

حاول في الكشتة إنك تحول كل موقف مزعج من أحد المرافقين إلى طرفة .. وراح تشوف الفرق ..

وصدقني هذا اللي يتذمر رايح يصير مصدر للطرائف ويمكن إنكم بتدعونه في الطلعات القادمة ... أظن ذلك :)

كل الشكر

[ابن مجدوع]

النوع الثاني الله يجيرنا منه .. بس تتوقع لو نصحناه او مثل ما قال اخوي راعي الكحيلة ننكت عليه :d
امكن تنفع معه .. لان بعض الناس جاهل .. ما يدري وش يسوي ولا يعرف وش اللى يكدر مزاج اخوياه ..
تحياتي لك .!!

[سعيد بن مسعدة]

فيه كثير مثل النوع الثاني اللي ذكرت والله يصبرنا عليهم .

[ابو محمد ....]

الصنف الثاني ................علمه بعلوم الرجال ووجباتهم في الكشتات
ان صلح حاله .........زين
وان ما تغير .....تعذر منه والوجه من الوجه ابيض

[fusfus]

[quote=فيصل الرحيمي;4203182]يرجال وسع صدرك تراك في كشتة
وماهو اي ناس تكشت معهم
مثلا كشت مع خوياك ونصهم ماتعرف اخلاقهم تحمل و وسع صدرك ولا تطلع معهم مره ثانية ولا تحسسهم انك ماتبيهم

وانا شخصيا ما اطلع إلا مع ناس معروفين(يعرفون مزاجي واعرف مزاجهم) وغيرهم ما احرص...

وكل واحد له وجهة نظر
اصبت كبد الحقيقه اذا طلعت مع شخص ولا ارتحت له لا تطلع معه مره اخرى

[تلميذ الصحراء]

[quote=فيصل الرحيمي;4203182]يرجال وسع صدرك تراك في كشتة
وماهو اي ناس تكشت معهم
مثلا كشت مع خوياك ونصهم ماتعرف اخلاقهم تحمل و وسع صدرك ولا تطلع معهم مره ثانية ولا تحسسهم انك ماتبيهم

وانا شخصيا ما اطلع إلا مع ناس معروفين(يعرفون مزاجي واعرف مزاجهم) وغيرهم ما احرص...

وكل واحد له وجهة نظر
اصبت كبد الحقيقه اذا طلعت مع شخص ولا ارتحت له لا تطلع معه مره اخرى

أكيد أكيد هذا هو عين العقل..

[الشرطه]

ماقول الا




لا بلاك الله بعاقه ..
من مقاريد الرفاقه ..
لا توريه الحماقه ..
لين ربك يقلعه ..

[اسير الغضا]

انا مايقهرن بالكشته كثر اللي مسوي يبخص بكل شي وهو ماعندك احد تلقاه وانت تسوق يعطيك توجيهات على غير سنع
واذا غرزت قامم يقول انزل انت ماعندك احد ومن السب نقول مايخالف تفضل ورنا وش عندك وتفاجئ انه اردى منك

[اسير الغضا]

موضوع جميل

لكن والله إن الأول على طيبه إلا إنه رايح يشغل بالي بالحيل معه إن جاته مكالمة أو شفته ساكت
وراح يزعجني سكوته وصبره على أي مشكلة تصيبة .. لذا ولو أنه رجل سنافي وطيب ولكن بصراحة لن أطمع في اصطحابة إلى أماكن بعيدة ونائية .. إلا أن يغير طبعه ويصارح ربعه بكل ما يلم به .. والدنيا ما تسوي .. والرحلة إن زادت أو نقصت فلن تتعدى مسمى .. كشتة
وأبغض ما عندي كشتة حنا نضحك ونمرح فيها ونكتشف بعد العودة أن أحد إخوتنا كان في قمة الضيق من شيء ألمّ به أو من اتصال أتاه
ولكن قتله الحياء من أن يصارحنا .



أما الثاني فقد جربت مثيله وكنت أحول تذمره إلى فكاهة وضحك خاصة إن كان من اللي يتقبلون المزح .. أو حتى لو كان ما يتقبل ولكن سيفهم مغزاي .

وقت الطبخ خذ من المرقة ورح له مباشرة .. هاه وشتقول يا بو فلان عسى المرقة زينة ؟؟..ترى حنا ما لنا غناة بعد الله عن خبراتك و ذوقك ..


إن شفته قال زدها ملح والا بهار ..قل أبشرر
إن كنت غير مقتنع في كلامه لا تنفذ كلامه ..لأن ما عنده إلا الحكي
ولو تعيد له المرقة مرة ثانية من غير الإضافات قال لك : إي ها الحين أنت مظبوووط وشغلك صح :)

إن نقد على الأكل أضحك معه و قل يا أبو فلان ترى مهوب زين تغصب نفسك على الأكل اللي ما يعجبك ..


وإلا قل له عقب موجة التذمر من الطبخ
وشرايك يا بو فلان إنك تسوي عشانا الليلة من مزاجك ؟؟.. لأنه اتضح لي من طريقة تحليلك للغدا إنك فعلا فنان طبخ.

طبعا راح يرفض بحجة عدم معرفته فن الطبخ ..
أجل يا بو فلان عندي لك شور
استرح وترى حنا اللي بنغسل القدور قبل الطبخ وبعده وأنت بس نبي منك إن تتحمل طبخنا والله يعينك على قل سنعنا .:)


إما إن عارض منزالكم وقام يمدح المكان الفلاني قل له مثلا :
أبشر يا بو فلان راح ننتقل للمكان اللي شرت علينا به .. لكن إن شاء الله في الخطة الخمسية القادمة .:)

حاول في الكشتة إنك تحول كل موقف مزعج من أحد المرافقين إلى طرفة .. وراح تشوف الفرق ..

وصدقني هذا اللي يتذمر رايح يصير مصدر للطرائف ويمكن إنكم بتدعونه في الطلعات القادمة ... أظن ذلك :)

كل الشكر
خخخخخخخخخخ
من شغلك صار تذمره وبال عليه ويبي يبلش

بس بعضهم ينقد نقد وهو صاز لاكن لازم ا لمعرفه والدرايه والاسلوب الزين بالنقد من غير تجريح ولاتخريب للجو

لاكن اللي يقهر اذا صار الواحد مسوي نفسه فاهم وهو من جنبه هذا عليك به يارعاي الكحيله
من ردك تظبط الادوار ذي:d
تحياتي

[الكيان]

تأكد اخي

جميع من خرجت معهم للبر و الرحلات

رجال خفيفين نفس مثلكم وشرواكم.

و عمري ما خرجت مع علل.

[رآعي الددسن]

والله لو انا منك وديته لاقرب نفود ونزلته وفكيت الدبل وادفنه غبار ادفنه وادفنه لا قام يكح رمل شنقلته بالشنطه وربطته

ودوس للديره وارفع صوت المسجل اخر شي شغل حامد الضبعان او شغل عيد سعود ولا ابوستل وانت رافع الصوت وكل ماقالو كلمه اضح باقوا صوتك لو بدون نفس والا منكم وصلوتو الديره رح لبيتهم وافتح شنطه الموتر وهو مربط لاتفكه همن حطه بالاول وادووس وخله يشنقل على وجهه همن انزل وصك الشنطه ورن الجرس عنه وحط رجلك <<<مجرررم

[صامولي]

>>>مزعل فرحان<<<

[al_otaiby]

لا هنت على الموضوع يالغالي
وأنا أقوووووول النصيحه
أحـــــــــــــــــــسن

[مكشاتي ون]

ما أجمل أن نأخذ خبرة المجربين فهي تختصر لك الطريق
فهذه قصيده قصيدة للشاعر / (( صقر النصافي ))

الوصيه


لا بــلاك الله بـعـاقـه مـــن مـقـاريـد الـرفـاقـه
لاتــوريــه الـحـمـاقـه لــيــن ربــــك يـقـلـعـه
عـنـد نفخـاتـه وريــده خــل شـوفـاتـك بـعـيـده
ثـــم عـقـبـه لا تـعـيـده الـسـعـه ثـــم الـسـعــه
الـرجـال بـهــم ثـقـيـل كـــل عـمــره مايـعـيـل
وان طمـع فيـه الذليـل عــن طريـقـه يصفـعـه
ان بغيـتـه بالـمـروه شـفـت نــو الخـيـر نـــوه
وان بغـيـت مـنـه تــوه طــز عيـنـك باصبـعـه

[راعي ذرف]

الشخصية الاولى
الله يستر عليه ويعطيه العافية قدر وناسة خوياه واخوته تنشرى مع العلم والاولى ان خوياه يوم لاحظو
تصرفاته سائلينه ومجبرينه على الافصاح عن مافي خاطره لانه اكيد يهمهم ارتياحه وارتياح المجموعة
فلازم كل من في القيلة يكونو سعداء


الشخصية الثانية
افضل شي انكم خليتوه اثناء القيلة عشان ماتخرب الطلعة ويوم رجعتو الوجه من الوجه ابيض
ومرة ثانية يعطى خامس والحياة تجارب تعرف الردي من اللي ماهو ردي

[العودالازرق]

مروركم عطر صفحتي . الف تحية

[أبو الذيابه]

من بلاه الله تصبر واحتسب ... عادة المسلم على الشدة صبور

[رشيد22]

الدنيا تجارب واحيان ترافق ناس تجيب الهم كفانا الله خوتهم والله مره قلت ماعاد اعو المكاشيت خلاص بتوب لكن الذيابه واجد والغانمين عساهم ماينقطعون تقبل مروري \اخوك/رشيد22

[دل البحار]

الرفيق قبل الطريق اما رفيق الهمله اتركك منه

[العميد ابواروى]

الاول سلملي عليه وحب على راسه
والثاني عامله بالمثل
لا تعطيه وجه واذا لزم خل كل شي عليه
خله يجيب العزبه وهو الي يصلح القهوه والشاهي ويظبط النثريه
وان اعدك وعد انه ماراح يدق عليك مره ثانيه
الله لا يكثر جنسه

[أبومنصور]

كثير من نتفاجئ بهم .. تجدك تعرفه من زمن بعيد
ويحصل ان يكون بينكم رحلات قريبه وقصيره
وتجد ان الشخص قمه في كل شي ...
ولكن السفراو الرحلات البريه سوف تحك معدن الرجل وتعرفه على حقيقته

اخوك: أبو منصور

[العودالازرق]

شكراً لمروركم العذب

[الرا...يق]

يارجال تعال وتك معهم وهو يسب ويشتم وقلهم سالفه عن حركاته الي يسويها وهويسمعكم
والمراجل كايده مهب كل رجل يكودها
واذا قال الاكل مهب والقهوه ماء والشاعي سامج .... فقله تعال سوها انت تعال وقله اذا مااعجبتك عيشتنا ترا مانب ضاربينك على ايدك وقلنالك تعال معنا ولالاتجيب عيشتك معك يالرخمة يالحرمة
واما الاول فسوله عشاء ورفع به وهايط واحلف لاين يكبر راسه
واخيرا
الطيور على اشكالها تقع

[شايب السبيت]

موضوع جميل

لكن والله إن الأول على طيبه إلا إنه رايح يشغل بالي بالحيل معه إن جاته مكالمة أو شفته ساكت
وراح يزعجني سكوته وصبره على أي مشكلة تصيبة .. لذا ولو أنه رجل سنافي وطيب ولكن بصراحة لن أطمع في اصطحابة إلى أماكن بعيدة ونائية .. إلا أن يغير طبعه ويصارح ربعه بكل ما يلم به .. والدنيا ما تسوي .. والرحلة إن زادت أو نقصت فلن تتعدى مسمى .. كشتة
وأبغض ما عندي كشتة حنا نضحك ونمرح فيها ونكتشف بعد العودة أن أحد إخوتنا كان في قمة الضيق من شيء ألمّ به أو من اتصال أتاه
ولكن قتله الحياء من أن يصارحنا .



أما الثاني فقد جربت مثيله وكنت أحول تذمره إلى فكاهة وضحك خاصة إن كان من اللي يتقبلون المزح .. أو حتى لو كان ما يتقبل ولكن سيفهم مغزاي .

وقت الطبخ خذ من المرقة ورح له مباشرة .. هاه وشتقول يا بو فلان عسى المرقة زينة ؟؟..ترى حنا ما لنا غناة بعد الله عن خبراتك و ذوقك ..


إن شفته قال زدها ملح والا بهار ..قل أبشرر
إن كنت غير مقتنع في كلامه لا تنفذ كلامه ..لأن ما عنده إلا الحكي
ولو تعيد له المرقة مرة ثانية من غير الإضافات قال لك : إي ها الحين أنت مظبوووط وشغلك صح :)

إن نقد على الأكل أضحك معه و قل يا أبو فلان ترى مهوب زين تغصب نفسك على الأكل اللي ما يعجبك ..


وإلا قل له عقب موجة التذمر من الطبخ
وشرايك يا بو فلان إنك تسوي عشانا الليلة من مزاجك ؟؟.. لأنه اتضح لي من طريقة تحليلك للغدا إنك فعلا فنان طبخ.

طبعا راح يرفض بحجة عدم معرفته فن الطبخ ..
أجل يا بو فلان عندي لك شور
استرح وترى حنا اللي بنغسل القدور قبل الطبخ وبعده وأنت بس نبي منك إن تتحمل طبخنا والله يعينك على قل سنعنا .:)


إما إن عارض منزالكم وقام يمدح المكان الفلاني قل له مثلا :
أبشر يا بو فلان راح ننتقل للمكان اللي شرت علينا به .. لكن إن شاء الله في الخطة الخمسية القادمة .:)

حاول في الكشتة إنك تحول كل موقف مزعج من أحد المرافقين إلى طرفة .. وراح تشوف الفرق ..

وصدقني هذا اللي يتذمر رايح يصير مصدر للطرائف ويمكن إنكم بتدعونه في الطلعات القادمة ... أظن ذلك :)

كل الشكر


لو اني رئيس دوله حطيتك وزير الخارجية :D

[ليوان]

الاول صحبته تنشرى بالذهب واغلى من الذهب
لأن مخاواته تعلمك الخصال الطيبه

اما الثاني الله يبعدنا واياك عنه لأن الاشكال هذه تخرب الكشته
والمقعاد في البيت ابرك من الكشته معه

مثل ما قالوا الاخوان اختار خوياك بعناية لأنك تبي تطلع علشان تنبسط مهو تتنكد

[طائي الجبل]

كلهم مثل بعض الأول ليه ماتعذر وقال الحقكم اذا مايبي يخرب الطلعة والثاني وسيع وجه مايعرف الحيا
طالع مع 15 وشلون تميزهم لكن الطيور على أشكالها تقع

[ســـبــار ربــعـــه]

ههههههههههههههههههههههههههه اضحك الله سنك.

مالك الا الصبر وش وداك له.

[بدائع11]

السلام عليكم ورحمة الله وبركاته
هنادور الامير ليس من المعقول ان شخص واحد يتسبب بازعاج المجموعة يجب محادثة الشخص من قبل الامير على جنب واخباره بان مايقوم به مزعج للاخرين .

[خالداللهيبي (ابو احمد)]

والله صعبه والله لايجيبها هههههه شكراالك

[مميز11111]

العود الأزرق خويك في القصة الأولى والنعم فيه ولاتهونون ( بس لو انه علمكم من البداية قبل ماتطلعون كان افضل من سكوته لأنه بهالحالة ممكن يسبب لكم احراجات وغثا انتم في عنى عنه ويخرب بعد عليكم رحلتكم )

أما اللي في القصة الثانية ارتفع ضغطي وانا مانيب معكم الله يعينكم
بس اللي مثل هذا طبق عليه قاعدة (( اللي مايستحي لاتستحي منه )) المفروض كل ماقال كلمة تنطل عليه كلمة قوية حتى ينطم وينثبر ويصير رجال
مثله وشرواه طفيليين وعالة وانذال ولا تربوا مافيهم فود ولا هم اللي كفوا غثاهم وشرهم وترا هذا من الحسد في نفوسهم ماوصلوا لعلوم الطيبين وتضيق صدورهم من الطيبين شرواك والحاضرين معنا في المنتدى

[كتاب]

مشكور على هالموضوع والفرصة للتخفيف عن النفس مما نشوف من بعض الناس

والله إن فيه ناس من هذي الأشكال ( الشخصية الثانية ) تشوفهم في العمل أو من بين الجيران ... ومن سلبياتهم الواضحة فيهم ما يفكر الواحد أبدا يطلع وياهم ... حتى أحيانا بعضهم يقول ويكرر أننا بنطلع مكان ... ويصر علي أن أخاويهم فأرفض بأي عذر ... وإذا طلعوا وارجعوا رحت أنا في وقت ثاني ومكان ثاني .... يكفي تحملهم في العمل .. بعد نتحملهم وقت الراحة ؟

الله يغفر لنا ولهم

[ابو تركي 502]

يالغالي في الكشتات خاصه شخص ماعرفه اكلم خويي الي جايبه عن وضعه هل ينفع اولا لان بعض الناس يكرهك الجلسه باسلوبه وحركاته ......مجرد رأي شخصي.....

[ابو تركي 502]

الرد تكرر ارجو الحذف

[بربنجي]

القصه الثانية عطوه على راسه وقولو له قم اشتغل واعمل الطبخ والقهوه والشاي
وقولوا له عيب هذي حركات اطفال تذم اخوياك ومكانهم ومسوي زحمه وانت ولا شي
وان زودها قولوا ما دام طلعتنا ما نسابتك لا عاد تطلع معنا وتوكل على الله لا نشوف رقعة وجهك

[مخاوي الليل1]

السلام عليكم ورحمة الله وبركاته


اول شي وقبل الرحله اختيار الخوه الطيبه


وثاني شي لو طحت في واحد مثل الي تقوله والله العظيم لعامله معامله طيبه لنه خويي في طرقه واذا رجعت انساه الى الابد ولا اطلع معه مره ثانيه وينتهي الامر


ودنيا تجارب والي مايطيح في مواقف مايعرف الرجال


اخوك


مخاوي الليل

[ابو ناصر77]

الرفيق وقت الضيق وكم من مره تكون الكشته ولا المقناص ما نصيد شي لاكن نستمتع مع الي معنا من شباب روحهم مرحه وطيبين بالتوفيق ولاهنت على الطرح

[مطر وسم]

قصة الرجال الاول انشهد انه ذهب اصلي صداقته تنشرى

اما قصة الرجال الثاني فهذا مو ذهب هذا حديد مصدي مصنق ابعدو عن مرافقة اشكاله


تحياتي للجميع

[aham707]

الخوي بالبر وبالسفر وبالصيد لاماصار وسيع خاطر وصدره وسيع مايصلح والدلوع لاتاخذه للبر ابد يغثك ويجبلك المغص اما رفيقك الاول فخذه على يمناك واما الثاني فالاوله والاخيره لاعاد يرافقكم ابد

[تميم2222]

يارجال. تحمل لين تخلص الروحه همن. طق حوله عنهم. اسحب

[الوافي.]

صارت معنا مثل القصة الثانية
ولكن كان الامير حاسم
فقال له كل وانت ساكت
وارتحنا

[ذيب المراجل]

موضوع حلوووووو يالعود الازرق ... وياما ناس توهقو بناس يحسبونهم ثقه.

لاكن كل واحد يخلي معه ( الشطرطون العريض وحبل غليض ) علشان لاغثك واحد ... شرطن فمه واكتفه بالحبل طول وقت الرحله ... ولامنك اقبلت على اهله فكه
وسلامتكم ،،،،

[الدوسري2010]

لابلاك الله بعاقه من مقاريد الرفاقه لاتوريه الحماقه لين ربي يقلعه ههههههه الظاهر فهمتو