المساعد الشخصي الرقمي

مشاهدة النسخة كاملة : دبل تسبدي هالكااتم !!!!!!!!!!!!!


كشتة
23/02/2005, 07:03 PM
السلام عليكم ورحمة الله وبركاته


ابي الله يعافيكم ولا عليكم كلافه مع انه اول مشاركة لي بالمنتدى ذا

وان شاء الله نبتل عليه ..

ابي الطريقه الزينه لتصليح مايكفي ل 3 او 5 اشخاص طريقة الطبخ بالكاتم ..

<< توه متعلمن عليه

والصراحه صلحه لنا واحد من اخوياي طبخه ماشاء الله تاكل اصابعك وراهن

بس انا كم مره احاول اضبط الطبخه وعجزت !!!

مادري هي على قوولة المثل ... اعط الخبز خبازه لواكل نصه ...

او مادري وش السالفه عنه


لاني كم مره الصراحه اصلحه ويطلع ممرس او يطلع كله دهنه

ودي الله يعافيكم الطريقه المثلى للطبخ بالكاتم !!

من ناحية طبخه بدجاج او بحمام او بلحم

لاني سمعت انهن يختلفن

ولا تواخذووننا ودي اتعلم من المنتدى ازين من اقعد امطرس بالكاتم

تحياتي لكم


كشته
راعي الكيف
23/02/2005, 11:24 PM
زين انت ماتعديت المطرسه !!!!!!!!!!!


فيه شباب انفجر بهم القدر وربك ستر والله والله كانو بخبر كان
كشتة
24/02/2005, 05:28 PM
السلام عليكم

اخوي راعي الكيف ..


لا والله بديت شوي بس بالمطرسه مثل ماقلتلك مره منمرس ومره محكحك

ولا ادري وش لوون يصلح مزبووط


تحياتي لكـ
ابو دحيم
02/03/2005, 01:43 PM
هلاااا بك اخووي كشته
ابعطيك طريقه بتصلح الكبسه انشاء الله وتزبط معك لاكن مافيها فن ولا فبركه يعني تمشي بها حااالك مررررره

احمس البصل طال عمرك بالقدر ثم حط عليه الطماط وحركه شووي ثمن الدجااج وحط عليه شووي بهارات و احمسهن 5 دقايق

ثم صب الموويه عليه (تكوون مفوحها من قبل ) بس لاتكثرها مرره و كب الرز عليهن و خل مقااس المويه يغطي

الرز بشي بسيط اقل من 1 سم ولا تنسا الملح حط عليه شووي ملح (لين تحس بطعم الموويه فيها ملح ) وسكر الكاتم عليهن وزد نااره لين

تبدا تدور صفيرته بعدها اقصر على الناار مرره و اتركه من 15 الين 20 دقيقه وطف عليه وانشاء الله بتزبط معك ومع التجرربه تبداا تتعلم

اشياء ثانيه و تفنن في الطبخ

وشكرا...
كشتة
02/03/2005, 05:50 PM
تسلم والله ابو دحيم

وكثر خيرك ان شاء الله

وابجربه ان شاء الله الليله


وبديت ابشرك بالتعلم عليه وان شاء الله ابنزل موضوع جديد عنه

تحياتي لكـ