قارمن 276c سؤال فني

[مأيـغـرّز]

يا اخوان انا شريت القارمن 276 سي بس لما اشتغل عليه يفصل ويطفي دقيت على دار موجه قالولي يبيله تصفير وتحديث هل هذا الكلام صحيح والا جهازي في شي افيدوني افادكم الله

[ماجلان]

أخي الكريم مأيـغـرّز

وصفك للمشكله ليس محددا حتى تجد إجابه شافيه
أولا : أنصحك بالتحديث دائما بغض النظر عن ما إذا كنت قد واجهت مشاكل مع الجهاز أم لا مع العلم بأن التحديث لا يستغرق سوى ثواني
تحذير : تأكد من حفظ نسخه من الاحداثيات والمسارات الخاصه بك والتي تكون موجوده على الجهاز لتحميلها إليه بعد عملية التحديث حيث أن عملية التحديث تمسح ما بذاكره الجهاز من احداثيات ومسارات
ثانيا : هل تكررت المشكله معك ؟ وهل دائما تحدث عندما تكون على شاشه معينه ؟ هل تحدث عندما يكون الجهاز على مصدر خارجي للطاقه ( بطاريه السياره ) وما هو إصدار البرنامج التشغيلي ؟ (تجده أسفل الشاشه عند تشغيل الجهاز ) أتوقع أنه 2.70

أخيرا وليس اخرا إذا كنت قد اشتريت الجهاز من دار موجه فأنصحك بالتحديث الى نسخه 3.1 والتجربه مره أخرى فإن اختفت المشكله فالسبب واضح وإن لم تختف أعد إليهم الجهاز وطالب بجهاز اخر

أرجو موافاتنا بما يستجد لديك ليستفيد إخوانك في الخيمه

دعابه: وش فايدته إذا هو ما يغرز بس يطفى ؟؟؟؟؟؟؟؟؟ :burnout2:

[GXR 14]

اخي اناحصلت معي هذي المشكله وهو ان الجهاز اذا حاولت تشغيله يشتغل وبعد ثواني يطفي وراجعت وكيل وبدل الي الجهاز ولم تنهي هذي المشكله الحل الوحيد لهذي المشلكه انك تنزل اي اصدار لبرامج قارمن حتي يشتغل الجهاز و اخر شي حذفت الجهاز فى وجه قلت ياخي افرض اني طالع بحر وطفي معي وش اسوي فيه واخذت فلوسي واعتقد ان المشكله فى الجهاز 276 من التوجيه الالي

والي الاخوان تحذير ....... من هذا الجهاز فى رحلاتكم (وخاصه الرحلات البحريه ) لانه اذا طفي معك لاتقدر ان تشغله الي ان يكون معك جهازك الخاص الاب توب والوصله وخرن فى الاب توب اي اصدارين للقارمن غير الاصدار الذي علي جهاز القارمن حتي تتمكن من تشغيله فاذا خرجتم الي اي مكان اخذ معك لاب توب حتي لا تتوهق وحاول دائما حفظ التركات والطرق استعداد لاي حاله طارئه ومفاجئه حتي اذا طفا عليك يكون عندك نسخه احتياطيه وتتمكن من اعادة تشغيل الجهاز وتعود بسلام ....


والسلام ختام

[GXR 14]

وحاولو قدر المستطاع فى الرحلات البريه والبحريه تجنب الضغط علي
كلمة farst timeو shorter Distance وباذن الله سوف تسلمون من المشاكل لانها مصدر المشاكل

[مأيـغـرّز]

حبيبي ماجلان وجي اكس جعلكم الجنه انا مشكلتي لما اعطيه امر اذهب او go to او حتى اني اسوي تقريب للخريطة يطفي الجهاز من بكرة ابيه وامه وعمته يعني كسواد الليل المظلم افادني الفني بدار موجه اني انزل تحديث 310 من انترنت وما قدرت صارت عندي مشكلة باليو اس بي مع انه الاصدار اللي عندي 300 يعني خاربة خاربه والحين رديت من البر يعني حاجته يوم بغيته ما حصلتها وعلى فكره كملت فيه وما ضعت ولا غرزّت رحلة من اروع الرحلات بس يا اخوان الواحد دافع افلوس مو دافع نو تمر 2250 ريال ريال ينطح اريال يا خوي ماجلان وماهو لعب يهال :):):)

[GXR 14]

اسمع حبيبي الجهاز بالعربي 276 جهاز حساس وهذي من اهم عيوبه
وحتي لو تسوي تحديث مارح تنتهي المشكله ممكن تعود لك وحسب استخدامك اذا انت اتستخدمه كثير راح يعلق ويطفي وابحث عن تحديث اخر

واتمني اني قد افدكم بشي قليل انت والاخواه الكرام

[هايلكس_408]

السلام عليكم

السالفه صارت مع واحد اعرفه ولايحتاج تروح لدار موجه ولا شي
1-نزل الاحداثيات اللي عندك والروت والترك على الماب سورس وفك الشريحه ان وجد
2-اضغط اللي يشغل وكويت
3-بيطلع لك كلام قل له يس

وادعيلي

[نجر بن محماس]

أخوي GXR 14
وش تعني farst timeو shorter Distance

ووش الفرق بينها وبين off road؟

بارك الله فيك

[راجع276]

.


الله يستر ياشباب

بالنسبه لي انا عندي الاصدار 3,10
يطفي معي قليل واذا شغلته يشتغل على طول ومايطفي وما انمسح شي
يعني بيني وبينكم اشتغل بضغطة زر وحده بدون لاب توب ولا غيره



اقول اخوي هايلكس_408
انت تقصد بكلامك الي تقول فيه ( 2-اضغط اللي يشغل وكويت )
تقصد بكويت ( QUIT )
هذا المقصود فيها ( اوت ) والا تقصد شي ثاني

وايش المقصود من الطريقه هذي
لاني جربتها وعطاني خيار واخترت اوكي
واشتغل الجهاز
واشوف الا ومكاني طالع بامريكا
وبعد مالقط الاقمار حدد مكاني على طول في البيت
توقعت انها فرمته للجهاز مع الذاكره
لكن طلع فرمته للجهاز بدون الذاكره اذا صح تعبيري يابعدي


ياليت تقول لي كيف اقدر افرمت الذاكره

.

[GXR 14]

راجع ها وش علمتك ذاك اليوم قلت لك الجهاز فيه اخطاء فادحه ها شفت
ان كلامي صحيح وما انا الا ناصح لكم وخايف انه ويهقكم
واحمد ربك اذا طفي ورد اشتغل معك هذا جهازك طيب مير البلا اذا ماشتغل
ولاتعب نفسك تفرمته ولا تغسله ومافي فايده واسئل مجرب ولو في طريقه لن ولم ابخل عليكم

[GXR 14]

لتوضيح :اكثر المرات يطفي ويشتغل هذي ( روتينيه مع 276 :) ) ومرات يطفي مره واحده وهذي الحاله مستعصيه ولازم تغير البرنامج حتي يشتغل زي الفورمات

[راجع276]

حبيب قلبي GXR 14 ماصدق خبر

لاتستعجل يابعد قلب ارجع لردي في ذاك اليوم الي انت تقول وراح تلاحض انه نفس ردي هذا :p

ابيك يابعدي تعرف اني ماقلت شي
انت تقول ( هاه شفت ان كلامي صحيح )
هل سبق وان قلت لك ان كلامك كذب ايه الفتى الشجاع ( الشحم يامطاريس الغنم ) :looney:

لاتستعجل يابعدي


بعدين ركز : انت تقول اخطاء فادحه : (اخطاء فادحه) جمع ( خطأ فادح ) :D
وانت ماقلت لنا وشي الاخطاء الفادحه قو لنا لاتبخل علينا انت مجربه
وانا اشوفك ماقلت الا انه فيه مشكله وحده.. وصار التحديث وهذي معروفه للجميع يابعدي الا اذا انك تبي تقول اني انكرها بعد

هات الاخطاء الفادحه الي انت تقول وعلى كلامك انت مجربه
انا من المتحمسين اني اعرف الاخطاء علشان اعرف اتخطاها لان الجهاز معي واخاف يوهقني واذا مافيه حل لحلها نشري غيره
اذا فيه غير الخطا هذا الي انت تسميه ( فادحه ) هات

تصدق عاد من كثر ماتردد كلمة فادحه بديت احس ان في داخله قنبله :D الله يستر
لايصير عندك خبر حبيبي GXR 14 وماتعلمنا



اخوي بالاخير اعيد واكرر كلامي في الموضوع السابق والموضوع هذا انه فعلا يطفي لكن مو مثل ماوصفت انت
يطفي في كل يومين مرة او مرتين هذا بالنسبه لي
اما بالنسبه لك ما ادري احس ان الجهاز يعرفك:D:D:D

هديه اخيره
اقتباس من ردك
(((ولاتعب نفسك تفرمته ولا تغسله ومافي فايده واسئل مجرب ولو في طريقه لن ولم ابخل عليكم)))

جزاك الله خير اخوي ومانبي منك الا انك تعلمنا من تجربتك عن الاخطاء الفادحه مو عن التحديث لانه معروف وحله معروف

ارجوك باسرع وقت انا بانتظارك





.

[القناص]

السلام عليكم
بصراحه من كلامكم جهاز 276سي يوهق
وال 176سي أأمن

لا ودار موجه(اكرم) يقول بينزل منه قوائم بالعربي بعد 6 شهور
اذا كانت القوائم بالانجليزي وفيه كل هالمشاكل اجل اذا عرررب وش بتصير النتيجه؟

الظاهر اني بهون عن بيع ال 176سي

[الوديع]

السلام عليكم ورحمة الله وبركائة

اخي العزيزمأيـغـرّز

المشكله كل ما تشبك سلك الولاعه يصدر الجهاز نغمه وينتضر شوى ويكرر نفس النغمه ثم يطغي اذا هذها الملاحظة
لايهمك الحل موجود عندي بدون تحديث حركه بسيط ويشتغل الجهار على الشرط

ولك تحياتي

[rain]

نصيحة اخوية .. اللي معاه 176 يصبر شوي لأنه مجرب وأثبت جدارته .. انا بعت 176 وشريت 276 شاشته اوضح وبطاريته يعاد شحنها ويشحن من الكهرب ومن الولاعة يعني تقدر تشحن وتعمل على المحمول بنفس الوقت وتراكاته اكبر وفيه عدة ميزات ترفع من قيمته ولكن 176 يوفي بالغرض وزيادة .. اما اللي باقي ما شرى جهاز ينتظر حتى نشوف نهايتها مع 276 (ما ابغى احد يحس بالغبن مثلي ) وفي نفس الوقت ما ودي نستعجل في الحكم على الجهاز لأننا كنا ننتظر جديد قارمن من زمان .

[الكونترولCONTROL]

اجل نتصل على القارمن بسرعة يوقفون تصنيع 276 سي ؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟
الله يعين بس