ممكن نصايح وافكار من اهل الخبرة ..................... القناص2008

[القنـاص2008]

بسم الله الرحمن الرحيم


السلام عليكم ورحمتة الله وبركاتة


الى كل من في القسم الكبير


طرحت في بالي فكرة تجارة المواشي عزكم الله وهي الاغنام


لذى ارجو من يقدر ان يفيدني في كيفية تجارتها وكم من المفروض يبدء المشروع وطريقة تكاثرها وجميع المعلومات المتعلقة بهذي التجارة


ارجو من اصحاب الخبرة افادتي ومساعدتي في المعلومات المفيدة


ان شاءالله اني ماثقلت عليكم


والله يعطيكم العافية


:s مع تحيات :s

[خذ العلم]

هلابك يالسنافي كم راس المال

ومدخولك الشهري لكي تكتمل الصوره ؟

تقبل مروووري

[فهدالاحمد]

المثل يقول الغنم غنايم

[كساب الطيب]

المثل يقول الغنم غنايم

الغنم غنايم يوم انها تاكل من الارض والخيرات
اما الحين تاكل من مخباتك الشعير بكم والبرسيم بكم (الا اللي عنده مزرعه)

خص الله اهل المنايح الله يكون بعونهم

واخوي القناص اذا بتحط غنم لا تحط غنم عجوز تحت 200 فوق اذا تبغا الفايده

والغنم بختصااااار ربطه تشغلك شغله كل يوم لازم عنده وهذا مريض والعلف قاضي إشغااااااال
اذا ماكنت وسيع بااال لا تحطه تجيب لك الضغط......
واسف على لاطاله هههههه

[القنـاص2008]

هلابك يالسنافي كم راس المال



ومدخولك الشهري لكي تكتمل الصوره ؟



تقبل مروووري



راس مالي 6000 ريال

ومدوخلي الشهرى

6000ريال

[الشيخ قوقل]

منوّل بغيت أفيدك وطحت لي بمشكلة
كيف تكون الأغنام ...........اعزّك الله ؟؟؟؟؟؟
هل أنت من رعاة الإبل ؟؟؟؟
دمت بخير وأريدك تراسل مشرف القسم بالتصحيح
وإلا عضّيتك مع عينك
أخوك ناصح
لأني ماقدرت آصل لك بالرسالة الخاصة

[ابوخالد حايلى]

الله يوفقك
هذا اللى اقول

[هواي]

والله انا بالمثل ابشريلي تيس وشاه او العكس والضاهر
المهم انهن جذعان صغار وابربيهن حقت بيت
لاجت عزيمة ذبحت
وريحت بالي ودايم انا على اعصابي لامني ذبحت لاتطلع فيها شئ ومرة خذت تيس

[شاص نجد]

بسم الله الرحمن الرحيم

اخوي هذا المبلغ زهيد بالمره . وبصراحه لو انت مجبور على هذه المهنه افضل شي تشتري وتبيع وتبعد عن القني والتعليف . تقوم يا طويل العمر تتمركز بالسوق ( شريطي) وتشتري اللي تشوف انه يربحك وتبيعه سريع وتخذ مربحك . واطلب الرزق من الله .

بالنسبه : لطريقة تجارة الغنم هناك طرق كثيرة والذي يتحكم في هذه الطريقة هو المبلغ والوقت . اذا كنت رجال فاضي هذا لها طريقة واذا كنت رجال مشغول هذي لها طريقة (وكلا الطرق يطول الشرح فيها ) . ولكن لايمنع اذكر لك رؤوس اقلام :
1- طريقة الجلب :وهي تجلب من مناطق رخيصه وتبيع في سوق غالي .
2- طريقة التسمين : تشتري غنم(طليان) ضعيفه او صغيرة وتسمنها - كورس تسمين .
3- طريقة التشليح : تشتري متابيع بعيالها وخصوصا اذا كانو العيال ذبايح وتفرقهم تبيع الام لحالها والعيال لحالهم . وتجد بينهم مربح طيب .
4-طريقة الانتاج : وهي تقوم تشتري قطعة حلال . وفي نظري لا يقل عن 200 راس وتجلس يا طويل العمر تنتج . وتحتاج صبر وادارة جيده وان شاء الله تتوفق .
5- شريطي : و مهنة الشريطي في نظري هي المهنه الجامعه لهذه الطرق و كذلك اراء ان هذه المهنه هي الكاسبه دائما في تجارة الغنم لانه يخذ مربحه وبالسعر الذي يريده وهو الحلقه الاخيرة في سلسلة تجارة الاغنام فهو الذي يتفاوض من المستهلك واذا كان صاحب ذمه ربح وان لم يكن كذلك فهو رابح اضعاف مضاعفه .

بالنسبه: لتكاثر الاغنام بصراحه بكلمك عن المعروف والواقع والمجرب . وهو كل 8 شهور بيرزقك الله بولده . هذا التقدير الطبيعي وهو المعتاد لا تحسب المتاومه ولا تحسب ولدتان في سنه واحده . لان هذا الشي علمه عند رب العباد ومصرف الكون . بالتوفيق

[راعي المرباع]

شف يالحبيب
انا ودي تدبل هالــ 6000 الاف ريال مرتين او ثلاث بحيث انها ماتقل عن 20000 الف ريال وتروح وتستاجر لك حوش من البلدية آمن لك بعد الله سبحانه من اهل الحرام ويكون حوش صغير يقيمة زينه لك بما انك مبتدئ وتشري لك من حدى القرى اللي يكون فيها الحلال ارخص من المدن عدد 15 رأس من الهرافي الصغار بالحيل وتطعمها لفترة وبعدها تنزلها بالسوق على 3 او 4 روس وانت بتكون عارف مكسبك بكل سومه تجيك وعلى هالموال كل ماكسبت اشتر وبع وبيكثر حلالك بإذن الله
وتوكل على الله .
اسأل الله ان يرزقك ويرزق كل المسلمين وكثر من الاستغفار.

[راعي عودات]

ابقولك شي وربي منصح لك من قلب انت تقول راس مالي 6000 ريال الله يزيده --بس وانا اخوك مهوب راس مال تدخل به للغنم00وصدقني ياصبر وجمع لين يصير فوق ثلاثين الف وحط لك غنم والا كان عندك استراحه حط لك حمام اسئل مجرب باثلاثه الاف وربي تكسب اكثر من الغنم نصيحه دام راس مالك كذا ونصيحه (لاتاخذ قرض عشان الغنم تراء تروح فيها)وربي من وراء القصد

[نديم الغرباء]

اقول اذا انت من اهل الدمام حطه في غونان