تكفون يا اهل مكشات

[{السبيعي}]

يالربع انا عندي طير مثلوث حر
المهم ان الطير يذبح الحمام اذا هو قريب منه ولا ينهد على الحمام مثل الطيور غيري من الناس
مع انه راكد على الكف وبالسياره
وابي منكم مساعده تكفون يارياجيل

[ابوحسين]

اخي الكريم السبيعي
ما لك غير تجويع الطير اولا وتبدا معه بالتدريج ثانيا يعني تبعد المسافه شوي شوي
هذا حسب معلوماتي البسيطه ويمكن يفيدوك الاخوان اكثر

اخوك ابوحسين

[وهبى]

الله حيا

يالسبيعى 0000اولا طوف الطير عن العلف مده يوم او يومين وضع الطير فى مكان دافئ بعيد عن البرد00وذلك لانك مطوف الطير
ومن ثم طال عمرك 00اشتر حمامه او ثنتين لونهم ابيض بالكامل 00واربط الحمامه مع الملواح مره وحده 00ولوح للطير من
مسافه 300 متر 500 متر 000واذا ماجاك على 000وبعدين الحمامه البيضه ترغب الطير اكثر وغصبن عن خشمه يجيك
وبعدين اذهب للبيطرى وافحص الطير 000وراح يقولك طيرك فيه دود 0000الاحتمال هذا اذا الطير ماجاك على الملواح
تروح للبيطرى 000وتعطيه علاج الدود مده كورس 000اسأل مجرب
وسلم

[ابو عايد]

أخي {السبيعي}

ادخا واسأل في مدرسة الصقارة وتجد اجابه انشاء الله (http://www.mekshat.com/vb/showthread.php?t=9425)

وتقبل تحياتي // العاشق الولهان

[طيرحوران]

السبيعي حياك الله

أولا يجب أن تذكر علوم الطير هل هو ذبح الحبارى ولا لاء وهل هو طلاع وشلونه على الشلو وكم ينش على الشلو
وإذا عقرب على الشلو هل هو يرتفع بالحيل .وشلون علف الطير؟

إذا كان إجابتك كلها بنعم فطيرك مابه إلا االعافيه وطيرك طير حبارى ماهو بطير حمام . لإن الطير ماينقاس على الحمام .وكم طير على الحمام مافيه كلام ولكن إذا شاف ابرق الريش خق .والعكس صحيح
تحياتي