السي دي حق الجيب خرب :(

[(المتميز)]

السلام عليكم
عندي مشغل الاسطوانات حق الجيب vxr تعطل
ما اقدر ادخل سي دي جديد ولا اقدر اطلع سي دي من اللي داخل
واذا شغلته ينتظر شوي ثم يطلع ERROR3
إذا فيه أحد يعرف ورشة ممتازة في القصيم يخبرني مشكورا

[S4500]

لية الورشة يا ابوي تراك بتصلح سي دي مو بتوضب المكينة ما يحتاج ورشة


رح لاقرب محل مسجلات وقلة السالفة بيفكة لك المسجل كامل و بيصلحة


تحياتي لك s4500

[(المتميز)]

لية الورشة يا ابوي تراك بتصلح سي دي مو بتوضب المكينة ما يحتاج ورشة


رح لاقرب محل مسجلات وقلة السالفة بيفكة لك المسجل كامل و بيصلحة


تحياتي لك s4500

اي محل يصلح شي يسمى ورشة :D <-- إلا بيخليها صح
تسلم على مرورك

[فهد773]

ورشة هههههههه
لايابوي ثاني مره لاعاد تقول ورشة زين < ههههههه يدور المشاكل

[بارق تميم1]

اخوي جرب وافصل اصبع البطاريه علشان يتبرمج المسجل من جديد
والظاهر ان المشكله هذي عيب بمسجل ال vx_r لأن حتى عندي نفس المشكله (تجيني بين فتره وفتره)
وإذا جتني طفيت السياره واخليها شوي ثم اشغلها إذا ماستجاب المسجل معي افصل البطاريه :)

[بواسامه]

نصيحه السيدي كل اهل المسجلات يتعذرون من تصليحه

الغرابي على طوله وعرضه
يشتغل اثنين فقط فاهمينيوسف الهندي
ومحل الحوشاني فقط
وغيرهم يعتذرون لك

[عبادي 2009]

جرب الطريقة هذي

جب كرت ورق (( يكون مثل كروت المحلات ))

عـلق على زر إخراج الـسيدي ., لين تسمع رنه ., بعدها ., دخل الورقه بفتحة السيدي

لحد ما يطلع السيدي من مكانه

[رفيع المقآم]

يالغالي اسمع رح لحق مسجلات فاهم كيف تعرف انه فاهم؟؟؟ اذا شفت معاه اجهزه جديده ويتكلم وهو واثق ويعطيك ضمان لا تشاور خلاص بس انتبه من اللي بدون ضمان

[عبادي 2009]

بشرني وش صار على السي دي ؟؟

[سديراوي 13]

اخوي انا قد خرب السيدي حق موتري زيك معد يطلع السيدي
حولت فيه عجز يطلع قمت طال عمرك وفصلت اصبع البطارية
واشتغل السيدي

[(المتميز)]

معذرة على التأخر
رحت لحين المسجلات واعتذروا قالوا ما نشتغل سيدي ووصفولي محل الكترونيات العمار بشارع الوحدة ببريدة
رحلته يقول السيدي لازم يفك وينظف اول ومن ثم يفحصه ان كان فيه ضعف بالدينمو او البكرة

شكرا لكم جميعا