المساعد الشخصي الرقمي

مشاهدة النسخة كاملة : صوت بماكينة كامري 2006


كامري 2006
01/04/2010, 01:52 PM
السلام عليكم ورحمة الله وبركاته
كيف الحال إن شاء الله بخير
ياشباب أنا عندي سيارة كامري 2006 قير أتوماتيك وضبت الماكينة قبل شهر وفيه صوت يخرج من عند الماكينة يمين حول السير.... المهم: أن الصوت يكون عالي جدا عندما تكون باردة وعندما تكون حارة يخف وإذا مشيت ينقطع الصوت... أنا دورت للحل مالقيت وإن شاء الله أحصله عندكم ياوجيه الخير....علما أني لقيت موضوع عندكم في المنتدى للعضو ابو سعود! اللي يعرفه منكم يعظيني إيميله لأنه قليل يدخل المنتدى وأتمنى من الإدارة مساعدتي لأني والله ملييييييت وأانا رايح للورشات من دون فايدة....تكفون الحل وبسررررعة أنتظركم على أحر من الجمر....
mohmad
01/04/2010, 01:56 PM
الله يعينك
كامري 2006
01/04/2010, 02:01 PM
الله يجزاك خيرررررررر
سوبر VTC
01/04/2010, 03:36 PM
صوت مستمر ام صوت تكتكتة متقطع تك تك تك

اذا مستمر فهو يكون رمان الدينمو او بكرة المكيف

او من جلد عمود التيمن
و قد يكون من شدادات جنزير التيمن فحمات بوسط الشداد
و قد تكون المشكلة من شداد سير المكينة يكون رخو
اذا دست و الموتر واقف همن اختفى الصوت فالمشكلة قد تكون من رمان
يوجد عند بعض الورش ماصورة نحيفة + سماعات مثل حقات الطبيب العام
تحط السماعات بالاذن و تبدا تبحث بواسطة الماصورة عن مصدر الصوت وهي طريقة ممتازة جدا
عندك ورشة البريدي بشارع عبدالرحمن بن عوف
شرق معارض النسيم على نفس الشارع العام
اذا بغيت ورش ببريدة علمن
موفق
كامري 2006
02/04/2010, 12:10 AM
هلا أخوي سوبر
أول شيء الصوت تكتكة تك تك تك
ثاني شيء أنا من حائل ماتعرف ورشة هناك

هل يأثر إذا تركته فترة..(كل اللي ذكرتهن فوق))

وجزاك الله ألف خيرررر على الرد
ابوحمد1992
02/04/2010, 02:20 AM
السلام عليكم ورحمة الله وبركاته اخوي كامري2006
بخصوص الصوت كان عندي كامري 2005 وطلع عندي نفس الصوت يوم مشت 220 الف ووديتها للورشة واحد فاهم بالكامريات وقالي هذا من جنزير داخلي على اليمين ورمان وشداد .
وبخصوص الجنزير يشبه السير الخارجي بس مكانه داخلي وغيرتها الشداد والرمان خذ علي حوالي الواحد45 والثاني 60 والجنزير خذته 160 ريال بس الاسعار تختلف من محل وثاني وشغل اليد خذو علي 180 ريال
كان عندي الصوت يطلع والسياره بارده واذا احترت اختفى الصوت او يخفى بشكل ملحوظ.
واحتمال ضعيف يكون عندك طرمبة المويه لان الكامري اذا خربة طرمبة المويه يطلع صوت بس يعلق مايروح سواء السياره باردة اوحاره وان شاء الله اني افدتك وناسف على الاطالة.
واي استفسار عن الكامري انا جاهز
كامري 2006
02/04/2010, 02:07 PM
هلا أخوي أبوحمد
بخصوص الجنزير غيرته يوم وضبت الماكينة
أما عن الصوت فهو يكون شديد في الصباح وإذا احترت يخف ويكون مسموعة تك تك تك أما إذا مشيت يختفي كليا.... كانك من حائل وشي الورشة اللي مريتها...

وجزاك الله ألف خير وجعلها في موازيين حسناتك
ابوحمد1992
02/04/2010, 03:45 PM
هلا اخوي كامري2006
لا ةالله اخوي انا من سدير والاودي اخدمك طييب الرمانات والشداد اللي عند الجنزير غيرتها
وبخصوص طرمبة الموية افحصها تراء احتمال يكون منها
والا مالك الا توديها ورشة اليرموك اللي بالرياض بالصناعية القديمة
انا شاء الله العطل خفيف
ابو سعود !
03/04/2010, 09:51 AM
السلام عليكم ورحمة الله وبركاته :
هلا اخوي كامري 2006
بالنسبة للصوت اللي طلع عندي صار من ثلاجة المكينة وتم استبدال الثلاجة ولله الحمد وراح الصوت .
كامري 2006
07/04/2010, 08:36 PM
هلا أبو حمد
الرمانات والشدادت فحصتها مافيه شيء

مرحبا أبو سعود! كم كلفت عليك الثلاجة مع شغل اليد...
والكامري معك اللحين
إذا هي معك للحين هل وضبته من قبل؟؟؟
الصقر الحربي
08/04/2010, 03:07 AM
السلام عليكم اخوي
الصوت كان عندي في الكامري وغيرت الرمان حق الدينمو وراح الصوت
Abu Sary
08/04/2010, 04:26 AM
أخوي ، بعد التوضيب ، يحتـاجلك بعد فترة ، توزن البلوف

والبوف تطلع نفس الصوت ،

انا خبرتي بالسيارات القديمه ،

لكن اتوقع هذي المشكله اللي عندك ،


وبالتوفيق ،، للجميع ،








( اللهم حسن الخاتمة )
العميل للاتي
07/10/2010, 02:39 PM
تاكد من شداد السير