من الي عنده خبره عن مرض الهويجر

[ناقل الخير]

سؤالي لاصحاب الحلال وخاصه اصحاب الاغنام انا الوالد يكلمني ويقول بان الغنم الي عنده صابتها مرض الهويجر وهو معروف عند االاغنام وهو ان تضلع اليد والبعض الرجل والبهم على طول يموت في الصباح مافي شي باليل وصفولي البيطريه بالسلفه ومانفع وقالوا لاتطعم يموت الحلال الله لايهينكم ابي الحل الي عنده خبره واصابه نفس المرض الله لايهينه يعلمني ويجزاه الله الف خير تكفون

[حياتي البحر]

الله يبارك لك في حلالك ويزيل ما بها من مرض

[ناقل الخير]

الله يجزاك خير ويسمع منك يااخوي حياتي البحر

[نايف الذيب]

اخوي ناقل الخير

الهويجر مرض بصيب الاغنام في الارجل

وتشوفها تضلع منه وهو مرض معدي لازم اللي تصاب تعزلها علي طول

ولا يعتبر من الامراض الخطير وعلاجه متوفر في الصيدليات البطريه

والله يبارك لك في حلالك

تحياتي

[ناقل الخير]

الاخ نايف الذيب التطعيم اللي في الصيدليه يضر الان لن المرض بسرعه انتشر وصار بيوم وليله انتشاره سريع والبهم اعطيناه ابر ولكن مافاد الله يعين ويصبرنا

[كساب الطيب]

اخوي هو مرض معدي وسريع لانتشار

ويجب عزل المصابه منه
وعلاجه الاول
فيه طب الشعبي تخلي الحلال يظما شوي
وتروح لمحلات العطاره او ادوات الباديه وتقوله
ابي علاج لمرض الهويجر اسمه صن او كبريت احدهما ولاقرب الصن لونه ابيض

وتحطه مع الماء وتخلي الحلال يشربه بعد الظماء طبعا
والعلاج الاخر الكي
تكوا حول الركبه بشكل حلقه كامله من فوقها وتحتها وكذلك بنص لاذن كويتين عرض
كل اذن كويتين عرض

والله يشفي حلالك وحلال المسلمين ويرخص الاعلاف.......

[خذ العلم]

الله يعوض عليكم امييين

اول شي غيرو المراح يعني شدو 2كيلو على الاقل

ثاني شي حط مع الماء فيتامينات من الصيدله ومضاد حيوي مع الماء عند الصيدله

ثالث شي خفف الشعير شوي وكثر البرسيم

والله يعوض عليكم اسمحلنه على القصور ياخوي

[ناقل الخير]

بارك الله فيكم ياكساب الطيب والاخ خذ العلم ومشكورين على التجاوب السريع والنصائح التي بذلتموها الي ولله يجزاكم الف خير

[ماثل]

خل الغنم تمشي المشي زين

وبعدين عطها ثوم مع الماء واحرق كفرات من جهة الهواء وخل الدخان يروح جهة الغنم

[ناقل الخير]

باراك الله فيك يالاخ ماثل على المعلومه ومشكور انت والاخوان بس عندي سؤال الثوم مجرب اخوي هل احد صابه نفس المرض اللي عندي كفانا الله واياكم شره الله لايهينك

[خذ العلم]

حرق الكفرات خرافه

بشر ياخوي انشالله الحلال بخير طمنا

[ناقل الخير]

والله ياالاخ خذالعلم الى اليوم والموت في الحلال اكثر من اربعه اليوم من الصباح الى المساء وامس كذالك بس المشكله في البهم الصغير اللي وصله المرض يتناقز من الوجع وانا كل يوم ونعالج بالبر الهويجر بس على الله انه ينقضنا من المرض اللي شيب في روسنا ويفكنا ويفك حلال المسلمين

[tuu]

بسم الله الرحمن الرحيم

اخوى راعى الغنم فيه وصفه مجربه وهى
تجيب جراك باعشن حق الشيشه وتحطه فى ماء الغنم وتسقيهن عليه وتغير المراح
انا مجربه مع الغنم وكثير من ناس اعرفهم جربوها ونجحة معهم

[ماثل]

باراك الله فيك يالاخ ماثل على المعلومه ومشكور انت والاخوان بس عندي سؤال الثوم مجرب اخوي هل احد صابه نفس المرض اللي عندي كفانا الله واياكم شره الله لايهينك
نعم اخي انا شفت واحد عنده غنم اصيبت بهذا المرض
وسوا نفس الوصفه ألي ذكرتها لك وسلمت الغنم وبهمها والله الحمد

وكان يجيب كيس الثوم ألي ب5ريال ويدقه داخل الكيس وينقعه في الماء في كيسه

والمرض هذا موجود ومعروف

[راع الاوله1]

الله يعوضك خير اخوي
المرض خطير على البهم وانتشاره سريع مثل ما ذكرت وينتقل حتى عن طريق ملابس العامل
ويصيب البهم في الرئه خاصه الصغيره والتي لم تقرم
يوجد دواء يخفف من انتشار الفايروس اسمه انفرولكس مصري الصنع يستخدم مع الماء وتشرب منه الغنم ولاكن لا يستخدم اكثر من 5 ايام ابداً
استخدم خافض حراره ارتازون او اولجين والارتازون افضل لمدة 3 ايام للغنم المصابه وهذا مهم جداً مع بنسلين طويل المفعول
طعم الغنم والتطعيم لا يضر يباع في الصيدلايات بسعر 250 ريال روسي الصنع ويصرف من قبل الزراعه مجاناً
الهويجر انواع واخطره القلاعيه
وهذه تسبب اضرار في الغنم الكبيره بسبب ارتفاع الحراره وظهور حبيبات القلاع بين الاظلاف وعلى الفم واذا شاهدت اي قلاع بين الاظلاف استخدم البخاخ الازرق
ضع مع الماء فيتامين سلينيوم هـ وافضل شي الهولندي ابو صقر يرفع المناعه
ااذا كانت يوجد فيها قلاع بين الاظلاف فلا تدعها تمشي لانها يتعبها اكثر
وبالتوفيق ان شاء الله
والله لا يخسرك ويعوضك خير

[صالح العتيبي]

الهويجر هو حراره يصيب الغنم وسريع الانتشار

واذا زاد حرارة الجوء يكثر الموت فيها اشبك الغنم وضللها ورشها بالماء وعطها فتامين في الماء.....

اسبوع وهو رايح المرض منها باذن الله.

[ناقل الخير]

اخوي راعي الاوله مشكور والله يجزاك خير انا اليوم كلمت وزاره الزراعه الي بالرياض وحولوي الى رماح وجيت الدكتور وكتبلي وصفتين وهي كما ذكرت وهي انفرولكسين ومالي فثامين يعطى مع الماء لمده ثلاث ايام وان شاء الله يروح المرض بس التطعيم البعض يقول لاتطعم يزود المرض وانا مترددوالى الحين وانا ماجربت اي الانواع بس يوم انك ذكرته نفس العلاج نقول ان شاء الله اسل مجرب ولا تسئل طبيب والله يشفي الحلال

[ناقل الخير]

مشكور الاخ صالح العتيبي على المعلومه الي ذكرته لي بس اني مضلله ورشرشت المكان بس مانفع الى الحين والله يعين

[صديق كلم رفيق]

علاج الهجار ، هو تحط يا طويل العمر ( رشاد) ويسمى ايضا ثفا ، في الماء الخاص بالغنم المصابه

بس انتبه تحط الرشاد للدفيع ، يسبب التسقيط للدفيع .

[حمد مبارك]

الله يعوضك خير اخوي
المرض خطير على البهم وانتشاره سريع مثل ما ذكرت وينتقل حتى عن طريق ملابس العامل
ويصيب البهم في الرئه خاصه الصغيره والتي لم تقرم
يوجد دواء يخفف من انتشار الفايروس اسمه انفرولكس مصري الصنع يستخدم مع الماء وتشرب منه الغنم ولاكن لا يستخدم اكثر من 5 ايام ابداً
استخدم خافض حراره ارتازون او اولجين والارتازون افضل لمدة 3 ايام للغنم المصابه وهذا مهم جداً مع بنسلين طويل المفعول
طعم الغنم والتطعيم لا يضر يباع في الصيدلايات بسعر 250 ريال روسي الصنع ويصرف من قبل الزراعه مجاناً
الهويجر انواع واخطره القلاعيه
وهذه تسبب اضرار في الغنم الكبيره بسبب ارتفاع الحراره وظهور حبيبات القلاع بين الاظلاف وعلى الفم واذا شاهدت اي قلاع بين الاظلاف استخدم البخاخ الازرق
ضع مع الماء فيتامين سلينيوم هـ وافضل شي الهولندي ابو صقر يرفع المناعه
ااذا كانت يوجد فيها قلاع بين الاظلاف فلا تدعها تمشي لانها يتعبها اكثر
وبالتوفيق ان شاء الله
والله لا يخسرك ويعوضك خير


انا مع اخوي راع الاوله
الهويجر او مايسمى ابو هجيير يصيب الغنم بالضلاع ويكون اكثر ضرر على البهم الصغار وربما يكون قاتل

فيه علاج عند الصيدليات البيطريه او عند الزراعه لازم تطعم الغنم به


علاج الهجار ، هو تحط يا طويل العمر ( رشاد) ويسمى ايضا ثفا ، في الماء الخاص بالغنم المصابه

بس انتبه تحط الرشاد للدفيع ، يسبب التسقيط للدفيع .

الرشاد مفيد بعد الله لكن في هذه الحاله لازم تعطي الغنم العلاج الذي ذكره اخوي راع الاوله

[ناقل الخير]

الاخ صديق كلم رفيق والاخ حمد مبارك مشكوريين على المعلومات وانا متوكل على الله رغم المرض اخر شي رصده من موت اكثر من ثلاثه البارح وكل يوم اثنين والى ثلاثه الله لايخسر ويعوض اكثر من 28راس اللي مات سواء بهم صخول وغنم وانا بروح لوزاره الرياض ابي اخذ التطعيم والله يعين

[ولد جد وعد]

الله يعوض لك فيما راح ويبارك لك فيما تبقى

عليك بالصبر والاحتساب والتوكل على الله

ان الله مع الصابرين

[ناقل الخير]

الله يجزاك خير يالاخ ولد جد وعد والله يعين

[عاشق الدهنا]

خل الغنم تمشي المشي زين

وبعدين عطها ثوم مع الماء واحرق كفرات من جهة الهواء وخل الدخان يروح جهة الغنم


كلام سليم الثوم انا مجربه . اما الكفرات سمعت عنه بس ماجربته.

[الهاجري ج]

اقتباس:حمد مبارك
المشاركة الأصلية كتبت بواسطة راع الاوله1 http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=4229136#post4229136)
الله يعوضك خير اخوي
المرض خطير على البهم وانتشاره سريع مثل ما ذكرت وينتقل حتى عن طريق ملابس العامل
ويصيب البهم في الرئه خاصه الصغيره والتي لم تقرم
يوجد دواء يخفف من انتشار الفايروس اسمه انفرولكس مصري الصنع يستخدم مع الماء وتشرب منه الغنم ولاكن لا يستخدم اكثر من 5 ايام ابداً
استخدم خافض حراره ارتازون او اولجين والارتازون افضل لمدة 3 ايام للغنم المصابه وهذا مهم جداً مع بنسلين طويل المفعول
طعم الغنم والتطعيم لا يضر يباع في الصيدلايات بسعر 250 ريال روسي الصنع ويصرف من قبل الزراعه مجاناً
الهويجر انواع واخطره القلاعيه
وهذه تسبب اضرار في الغنم الكبيره بسبب ارتفاع الحراره وظهور حبيبات القلاع بين الاظلاف وعلى الفم واذا شاهدت اي قلاع بين الاظلاف استخدم البخاخ الازرق
ضع مع الماء فيتامين سلينيوم هـ وافضل شي الهولندي ابو صقر يرفع المناعه
ااذا كانت يوجد فيها قلاع بين الاظلاف فلا تدعها تمشي لانها يتعبها اكثر
وبالتوفيق ان شاء الله
والله لا يخسرك ويعوضك خير


انا مع اخوي راع الاوله
الهويجر او مايسمى ابو هجيير يصيب الغنم بالضلاع ويكون اكثر ضرر على البهم الصغار وربما يكون قاتل

فيه علاج عند الصيدليات البيطريه او عند الزراعه لازم تطعم الغنم به


اقتباس:
المشاركة الأصلية كتبت بواسطة صديق كلم رفيق http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=4240075#post4240075)
علاج الهجار ، هو تحط يا طويل العمر ( رشاد) ويسمى ايضا ثفا ، في الماء الخاص بالغنم المصابه

بس انتبه تحط الرشاد للدفيع ، يسبب التسقيط للدفيع .

الرشاد مفيد بعد الله لكن في هذه الحاله لازم تعطي الغنم العلاج الذي ذكره اخوي راع الاوله





كلام صحيح 100% بإذن الله



لاتزيد على ماذكروه الاخوان
وحاول تستفيد من الاخ حمد مبارك لانه خبير لابعد الحدود من دون نقص في باقي الاخوان


والله يعوضك خير مما فقدته
اللهم آمين
وفي الغنم وأنا أخوك ولا في الاوادم

[شعيب حرم]

السلام عليكم
يوجد فى البر عشبة اسمة الجثاث دخن الغنم بة
والله يعوضك خير

[تميم لابتي]

السلام عليكم ياشباب
علاج مرض الهويجر 1/ اشعل كفر او اكثر حول المراح لقتل الفيروس الذي في الجو 2/ قطع شجر الحرمل قبل طلوع الشمس حتى يكون فيه ماء ثم وضعه في شراب الغنم حوض الماء 3/ كرر هذه الطريقه اكثر من مره خلال الاسبوع وهذه الطريقه مجربه/ الاستفسار جوال0553187570

[وايلي شمالي]

حط ثوم بالماء او رشاد وتوكل على الله

[ناقل الخير]

اشكر كل من ساهم معي واعطاني النصائح من جميع الاعضاء الله يجزاهم الف خير ولايريهم المكروه اما الاخوان 1البديع الافلاج 2تميم لابتي 3وايلي شمالي ان شاء الله المرض كل ماله يخف وندعوا الله ان يخفف عنا المصيبه وان لايوري المسلمين الامراض

[هيف راعي كيف]

السلام عليكم
وصايا جميلة

الهويجر جاء غنمي له يومين اول مابدا بالفحل:(
واليوم اشوف الرخال تضالع:(
مع العلم ان دايم احط ثوم في الماء وكذلك كبريت وصن ومستمر عليهن
لكن قدر الله وماشاء فعل..
ياليت ياقل خبر تقولي وش استخدمت لعلي اسوي سواتك

الله يفشي حلالي وحلالكم يارب من كل سوء انه سميع مجيب

[م.بندر]

السلام عليكم
وصايا جميلة

الهويجر جاء غنمي له يومين اول مابدا بالفحل:(
واليوم اشوف الرخال تضالع:(
مع العلم ان دايم احط ثوم في الماء وكذلك كبريت وصن ومستمر عليهن
لكن قدر الله وماشاء فعل..
ياليت ياقل خبر تقولي وش استخدمت لعلي اسوي سواتك

الله يفشي حلالي وحلالكم يارب من كل سوء انه سميع مجيب



السلام عليكم
الله يعوض عليكم
الوقايه خير من العلاج
1- اعزل المصاب
2-العلاج المستخدم
ا- مكان العزل يكون مضلل وبارد
ب-استخدم الابر اذا كانت الاصابات قليله
ديمالجين + سلفا
بالحم 3سم
لمدة اربع ايام
اما اذا كلن العدد كبير
استخدم سلفا ثلاثيه بودره
مع الماء

3-الحلال الي مافيه اصابه او خمول
حاول قدر المستطاع انك
تأمنله مشارب نظيفه
وكذالك اعطاه سلفا ثلاثيه مع الماء لمدة ثلاث ايام متتاليه
بعد ذالك
احسب اسبوعين من اخر يوم تم اعطائه السفا
وابد بالتحصينات
1- تحصين عن القلاعيه كل عام
وبعد 10 ايام
2- تحصين عن الدموي كل 6 اشهره
وبعد 10 ايام
3- تحصين عن المعوي كل 6اشهر
وبعد 10 ايام
4- تحصين عن طاعون المجترات الصغيره كل عام
وبعد 10 ايام
5- تحصين عن الجدره للضواين كل عام

احرص ان التحصينات
تكون في شهر
4 ميلادي
وكذالك في شهر
8 ميلادي
قباليت دخول الصيف ودخول اشتاء

التحصينات السنويه
شهر 4 ملادي افضل

[راعي عودات]

حاول الطفال ترضعهم نيدو وكما قالوا غير المكان وشب كفر حول المراح وثوم ودور بالنت تلقاء العلاجات اكتب علاج الهويحجر

[ريأأأأأن]

الهويجر والا ابو هجير ماله الا تنقع الحرمل بالماء وتخلي الحلال المصاب يشرب منه ولا تحرق كفرااات ويكون الهواء يرد الدخان عليها ومجربها كلا الحالتين والي يقول خرافه يجي ويسئل اهل الحلال .تحيتي لك وتقبل مروري .

[راعي الحمراء]

ناقل الخير الهويجر لايصيب الا الضأن وهو مرض بالمفاصل علاجه طريقتين الاولى دعها تمشي كثيرا والثانيه اشعل نارا حولها من الحرمل والحرجل ودع الدخون يمشي جهتها وراح تشوف الفرق شكرا لك

[هيف راعي كيف]

اشكرك الجميع على نصائحهم..


المرض بداء معي يوم 8-6-1431 ومستمر بالغنم الى اليوم 16-6-1431هـ وكل يوم الحلات تزيد عن اول بشكل مضاعف..


الموت وصل بالبهم الى 12 مابين اصعاد وبهم اعمارهن شهر الى شهر ونص..


الغنم مات منها وحدة اليوم..


طبعا حرارة الجو هالايام زادت المشكلة سبق ان اصاب غنمي قبل سنتين ولكن لم يكن بهذه الخطورة


اسال الله ان يعوضني خيرا..


كتبت تجربتي مع المرض من اجل الفائدة لبقية اخواني مربي الحلال

[كليب1]

اخوي ناقل الخير

الهويجر مرض بصيب الاغنام في الارجل

وتشوفها تضلع منه وهو مرض معدي لازم اللي تصاب تعزلها علي طول

ولا يعتبر من الامراض الخطير وعلاجه متوفر في الصيدليات البطريه

والله يبارك لك في حلالك

تحياتي


لافض فوك يانايف وما أزيد على كلامك بحرف واحد لاهنت

[هيف راعي كيف]

لا والله خطير على البهم الصغار قاتل

والى اليوم الوفيات من البهم 18

والحمدلله على قضائة وقدرة

[راعي لادن]

يوجد علاج ياخوي في الامارات ابار جديده عند البيطري الوطني في بوظبي شارع المطار

[هيف راعي كيف]

هلا براعي لادن

احنا بالسعوديه وكمان في ديرة مافيها الا بطيري واحد للاسف:(

واليوم مات اثنين من البهم

يصير العدد على مدى عشر ايام من المرض (20)عشرون من البهم وشاة.
والحمدلله حمدا حمدا:)

[ثلج]

الهويجر عبارة عن ارتفاع بدرجة الحرارة وعلاجة الفعال سلفا نقية(بيور)لمدة ثلاثة ايام بالماء وبعدها فيتامين سائل لمدة اربعة ـــ خمسة ايام وانشاء الله يرتفع المرض...واهم شيئ السرعة.. السرعة..في السلفا من ملاحظة ضلاع بعض الاغنام ....

[قزيزالنعام]

هلا براعي لادن



احنا بالسعوديه وكمان في ديرة مافيها الا بطيري واحد للاسف:(


واليوم مات اثنين من البهم


يصير العدد على مدى عشر ايام من المرض (20)عشرون من البهم وشاة.

والحمدلله حمدا حمدا:)

الله يعوض عليك خير منه ومثل ماقالو الاخوان الحرمل في الماء ويذا جيته ربوض علق البوري عليه تهج تراه مجربينه و ان شالله يرتفع منه بمر الله سبحانه

[سموالمرقاب]

اخوي اللي يقول الحرمل صدق والحلال عندي صابه ابوهجير وجربت الحرمل من شيبان اهل حلال مجربينه وابشرك حال الغنيمه بتحسن والله يعوضنا وياك وفي الصيف سريع الانتشار وحاول تغير مراح الحلال والله ييسر امرك ويعافي غنمك ويعوضك خير--وتقبل مروري

[معشي العرجا]

نصيحتي لك
1- غير مراح الحلال ان امكن
2- الضل ثم الضل وان كان قدرت تجمع الحلال مع بعض وترشه بماء هذي جيده جدا
3-الثوم زين بامر الله دقه وحطة في المشرب
التينة اللي اعرفه انها للتحصين قبل المرض بس ذلحين ماعاد تنفع
الله يعوضك خير

[الامبراطوور]

خل الغنم تمشي المشي زين

وبعدين عطها ثوم مع الماء واحرق كفرات من جهة الهواء وخل الدخان يروح جهة الغنم
ناقل الخير

كلام اخيو صحيح
وانا مجربه بنفسي

وحط لها بالماء حرمل

والغنم الكبيره ما يضرها تضلع ايام وتسلم

انما البهم الصغار اذا شرب حليب امه ذبحه على طووول


والله يرفع ما في غنمك ويربحك

[محب المراويح]

هلا براعي لادن



احنا بالسعوديه وكمان في ديرة مافيها الا بطيري واحد للاسف:(


واليوم مات اثنين من البهم


يصير العدد على مدى عشر ايام من المرض (20)عشرون من البهم وشاة.

والحمدلله حمدا حمدا:)


عليك بالحرمل اخوي
وحاول تقطفه قبل طلوع الشمس الورق فقط لاتاخذ الأعواد
ونقعه بماء
وبتشفى بإذن الله بعد ان تشرب من الماء عدة أيام


مجرب

[سعود الجهني]

الهويجر مرض خطير يصيب الاغناام


وعلاجة وأفضل طريقة لعلاجة هي كالتالي :


مع انها متعبة شوي لكن صاحب الحلال شقياان


المقادير
حرمل - فلفل اسود - رشاد - خفاان - كبريت - ورق حناء - ثوم - تمريرة - صبرة - محلب - اضخر - ورق سدر
وجمعيهاا موجودة ومتوفرة عند العطار بنفس الأسم ما عدا الحرمل يوجد في بعض الأودية


طريقة العمل


أولاً : تقوم بطحن الفلفل - والرشاد - والخفان - والكبريت -و ورق حناء - ورق السدر ثم يخلط ويربط في قماش ويوضع في الماء ليلة كاملة


ثانياً : تقوم بشوي الحرمل في حفرة تقوم بحفر حفرة ثم تشعل النار بوسطها وتنتظر لين يطيح الحطب ويصبح جمر ثم تجيب الحرمل وتقوم وبوضعة بشكل طولي متراص فوق بعض ومن ثم تغطي الحفرة بقطعة حديدة او ما اشبه ذلك ومن ثم تتركها لين الصباح
الصباح تقوم بفتح الحفرة وتجد الحرمل قد نشف تقوم بطحنه , ومن ثم تقوم بطبخه لمدة ساعة تقريباً مع ثوم - تمريرة - صبرة - محلب - اضخر ومن ثم ينزل من على النار ويترك لين يبرد تماماً


ثالثاً : يصفى ويخلط موياء الحرمل والأشياء اللي طبخنها معه من صبرة وتمريرة وثوم ويضاف عليه الموياء المنقوع فيه الفلفل - والرشاد - والخفاان - والكبريت -وورق حناء


رابعاً: تقوم بإصعاط الغنم من الموياء عن طريق الأنف طبعاً واحدة تلو الأخرى

خامساً: تغيير المراح وهذا مهم جداً تنقل الغنم بعيداً عن المكان القديم لكي لا تكسب المرض مرة اخرى لنه مرض معدي


سادساً : تسقى الغنم على الحثل أو الثفال وهو بواقي الحرمل المطبوخ والسدر المنقوع وما معه من اشياء


وإن شاء الله تشفى الغنم
وشئ مجرب



تحياتي ودي لكم

[مقناصي12]

المرض هذا معروف ويصيب حتى الابل وعلاجه في في الصيدليه لبيطريه ابرة

[jamal111]

المرض هذا معروف ويصيب حتى الابل وعلاجه في في الصيدليه لبيطريه ابرة

[الفريح1]

من احد الاسباب يقولون هو قله مشي الاغنام يعني لازم الغنم تسرح بهن لان المشي مفيد لهن على حسب كلام بعض المربين... والله يشفيهن يارب

[الارطل]

اخي العزيز

قبل كم اسبوع صاب غنمي ومعها بهم

اولا التطعيم الروسي اشتر وانت مغمض

ثانيا بنفس اليوم ابدا بحرق توايير وخل ريح الدخن صوب الغنم هذي مضاد للفايرس وعن تجربه با الاضافه الى صابون الاريل اوالتايد الاصلي ابو ريال بالماء بنسب خفيفه

ثالثا شد عن المراح

بخصوص الطليان هي المتضرر لانها غالبا تواجه الموت ولكن بعد التطعيم فيه ابر خاصه لمدة ثلاث ايام تعطى لها تساعد بنجاة الكثير منا



الاهم الماء والبرسيم اكثر منها

ما قلت عن تجربه اقل من اسبوعين ولله الحمد الحلال سليم مات من الطليان عدد كبير ولكن نقول الحمدلله