المساعد الشخصي الرقمي

مشاهدة النسخة كاملة : مشكله بدبة البريموس 12 رطل


فراس التميمي
03/04/2010, 12:30 PM
السلام عليكم ورحمة الله ورحمة الله وبركاته .. اما بعد


اخواني انا عندي مشكلتين في دبة البريموس وهي :

(1)عندي الشربوش ونا اطبخ ولا اشتغل عليه ينحل لحاله وبدون لا المسه

يعني ينفك على خفيف ويجبرني ارجع الفه بالبيز


(2) عندي الكرسي يتحرك يلف ما يثبت ابد ويسبب ازعاج لين حطيته ورا

ونا رايح للبر ولا طالع وهو معي لين سمعته ودي اصمخه في الجدار يعني صوته يسببلك (ازمه عاطفيه) :p:p

وش السوات معه ووشلون اخليه يثبت


صورة الدبه :

http://up.ql00p.com/files/c2bg4q5lp2d560593ez1.jpg
لاتكب البيالة
03/04/2010, 01:13 PM
السلام عليكم
حل الشربوش ما عندي علم
حل الكرسي تحط وردة مكان ربطه وان شاء الله يضبط وممكن يضبط معه الشربوش بعد
ولو تلاحظ هالراس عينه صغيره وغثيث شوي انصحك تحيله للتقاعد وتاخذ يابسكو ب 20 ريال احسن منه
فراس التميمي
03/04/2010, 01:52 PM
هلا والله اخوي العزيز لاتكب البياله

الى سألك

وشي الورده ولو تحط لها صور اكون شاكر

ويابسكو هذا وين القاهـ

ووش افضل هو ولا الراس الإطالي الي بـ35 الظاهر كاني منيب واهم

داري اني ثقلت عليك لاكن تحملني شوي

ترا ذا الراس مسببلي ازمه جايبلي الصمرقع لابوه من راس
اصيل نجد
03/04/2010, 01:53 PM
اخي فراس مساك الله بالخير الموضوع بسيط جدا جبلك سسته وحطه بين الراس والقاعده ونم ماعد تسمع صوت شرط تلتفت وتشوف انت جبته او لا وبالنسبه للشربوش خذ شربوش عين كبيره مع هوايه مرهمه والله ياطبخه انه يطرب صح خصوصا معك 12 رطل الله يكفيك شره تحياتي لك و للرواد منتدانا الغالي .
اصيل نجد
03/04/2010, 01:58 PM
على فكره فراس نسيت اقولك بالنسبه للشربوش اذا منت مغيره لف على السنه حقه تيب حق سباكين التيب الابيض ويطلع اخر حلاوه .
فراس التميمي
03/04/2010, 02:00 PM
هلا والله اخوي اصيل نجد

مساك الله بالنور والسرور

وين القا ذا السسته

والشربوش وين القا ذا الشربوش والهوايه الي تقول

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اصيل نجد
03/04/2010, 02:09 PM
اخوي ركب اي سسته تكون قريبه من مقاس الشربوبش يعني ماهو ظروري سسته معينه وبالنسبه للعين الكبيره تحصلها عند محل البريه للرحلات هي والهوايه وخذ مفتاح ايطالي لاتاخذ صيني .وتقدر تمر اي محل للرحلات عنده المطلوب لكن المفتاح انتبه لازم ايطالي تحياتي لك واسل مجرب
الضاحي
03/04/2010, 02:10 PM
هلا اخوي فراس

اذا انت في الرياض خذ الراس ووده للبرية وهو يضبطونه لك

وبعدين انت مشكلتك مع الراس وليس الدبة كما ذكرت في عنوان موضوعك
فراس التميمي
03/04/2010, 02:14 PM
طيب يا عيال ما قصرتو وكيفتو ووفيتو

بس تدرون وش المشكله الحين ..

قولولي وشي المشكله ..

قولولي طيب ..

طيب طيب بقول بقول لا تحمقون علي

البريه ذا وينه فيه بالظبط ولا هنتو
اصيل نجد
03/04/2010, 02:30 PM
البريه الله يطول عمرك بالروابي تشوف وانت طالع للمطار مع الدائري الشرقي امسك الخدمه قبل مخرج 14 يجيك مسجد على يمينك ادخل مع الشارع اللى على زاويه المسجد شارع سيدين يعني شارع ثلاثين يكون وجهك شرق عند اول اشاره ديور يعني سوي يوتير وارجع يصير وجهك غرب يصير علي ايدك اليمن صيدليه وبعدين محل البريه يعني ماهو بعيد عن الاشاره وزي مقال اخوي الضاحي ( الله يشفي ولده فهد ويخليه لهم امين يارب العالمين)خذ الغاز معك وهناك تحصل ابو يزيد رجال سنافي بارك الله فيه الله يوفقه تحياتي لك .
فهدالغيهب
03/04/2010, 02:47 PM
ابد محلات البرية بتلقى فيها الحل بإذن الله
فراس التميمي
03/04/2010, 02:50 PM
بيض الله وجيهكم والله انكم كفو

ماقصرتو كفيتو ووفيتو

الله يبيظ وجيهكم
لاتكب البيالة
03/04/2010, 04:18 PM
هلا والله اخوي العزيز لاتكب البياله

الى سألك

وشي الورده ولو تحط لها صور اكون شاكر

ويابسكو هذا وين القاهـ

ووش افضل هو ولا الراس الإطالي الي بـ35 الظاهر كاني منيب واهم

داري اني ثقلت عليك لاكن تحملني شوي

ترا ذا الراس مسببلي ازمه جايبلي الصمرقع لابوه من راس
السلام عليكم
اخي الكريم تبي رايي مدام الراس جايب لك الصمرقع غبه لانه اصلا ما ينفع شربوش صغير وخابرهن يقصرن بنفسهن ورح لمحل اليابس بالديرة او بعد فيه بمحل المقناص مخرج 15 واشتر عطي الله يابسكو رخيص وقوي وممتاز
وفكرة تودي راس للبرية عشان يكربونه او يركبون له ورده احسه شينه شوي تروه راس دافور مهوب مكينة سيارةيعني ان صلح ولا يجدع :)
فراس التميمي
03/04/2010, 05:45 PM
الله يرضى عليك ويرحم والدينا ووالديك

ماقصرت كفيت ووفيت
اصيل نجد
03/04/2010, 06:37 PM
صراحه كلام لاتكب البياله عين العقل شكرا