استفسار بخصوص حجم ماطور الكهرباء

[ابوشنب 1981]

ياجماعة الخير عندي مخيم ثابت واحتاج ماطور كهرب لتشغيل الآتي
1- دينمو ماء نصف حصان ( عند الحاجة فقط )
2- عدد 6 كشافات
3- عدد 14لمبة نجف ابيض
فكم يلزمني كيلو ؟
وايش الافضل ديزل ولا بنزين؟
ولكم جزيل الشكر

[ابوشنب 1981]

ياليت اللي عنده معلومة يفيدني لاني محتاج اشتري الماطور هاليومين ولكم جزيل الشكر

[المزااد]

انت تحتاج ماطور هوندا او روبين ......قوة 5000كيلو على شان تكون مرتاح ...
لان الكشافات تستهلك كيلوات ...اما اللمبات البيضاء فلا تستهلك الا القليل ....ةعليك بهذه الماركات على شان تكون مرتاح وتريح الورش من كثر الروحات عندهم ....وتقبل اجمل تحيه ...

[الثويرات]

انت تحتاج ماطور هوندا او روبين ......قوة 5000كيلو على شان تكون مرتاح ...
لان الكشافات تستهلك كيلوات ...اما اللمبات البيضاء فلا تستهلك الا القليل ....ةعليك بهذه الماركات على شان تكون مرتاح وتريح الورش من كثر الروحات عندهم ....وتقبل اجمل تحيه ...

ههههههههههههههههههههههههههههههههههههه


حرام عليك 5000 كيلو شكلك ناوي تاخذ من شركة الكهرباء دينمو

1 كيلو تساوي 1000 شمعه

[اصيل نجد]

السلام عليكم حاجتك ماطور من 2500 الى 3000 اذا كانت الكشافات اللى عندك تاخذ 400 واط وتعطيك 1200 واط يعني الكشافات البيض اللي بمحول وتراء النوع الاطالي ممتاز لاان نسبه الاسهلاك صحيحه ماهو زي الصيني ماكل كشاف كشاف يالحبيب وعليك بالهونداء عطي الله كد ومد برضه عندك الوربيان ممتاز يجي بالدرجه الثانيه والديزل حلو بس المشكله اذاء خربت الطرمبه لاانه اكثر شي يخرب بالماطور الديزل الطرمبه وهي غاليه شوي حسب حجم الماطور كذلك ماطور يانمار ماهو بطال الديزل محترم من هانوع لك تحياتي واي استفسار ابشر من عيوني .

[هوايتي مكشات]

بيض الله وجيهكم على المعلومات

[سلطان الزعيم]

اخوي الله يحيك حلك عندي ومضمون جميع المولدات والمواطير موجوده عندي بالايجار والبيع الافضل انك تستأجر اولا وتشوف الحجم والمقاس والنوع اللي يعجبك وبعدين انت تحدد احتياجك تحياتي

للاستفسار
ابو احمد
0506328161

[ابوشنب 1981]

المزاد -اصيل نجد - الثورات-هوايتي مكشات -سلطان الزعيم
اشكر الجميع على المشاركة والمعلومات المفيدة لاحرمكم الله الاجر
اخي اصيل نجد بالنسبة للكشاف الايطالي الابيض مااسمه ومن واقع خبرتك كم تتوقع احتاج للمخيم بمساحة 1000م وهل هو الافضل من ناحية استهلاك الماطور

[ابو البر]

السلام عليكم

يانمار ديزل ( ياباني ) ونم

مستعمل تلاقيه من 2500 الى 3500ريال
الثاني / مكينة لستر انقليزيه راسين تبريد هواء / وكبر الوساده .
وغيرها ما اعرف /
الشي المهم انك تاخذ لك ديزل وحط بجنبه خزان فيبر او حديد تاخذه من سوق المخيمات بالجنادريه .

ريح مخك من البدايه .

[خالد مكشات]

فيه بعض النقاط المهمة يغفل عنها كثير من الناس
النقطة الأولى وهي أنهم يقومون بحساب عدد الكشافات ويضربها في عدد شمعات الكشاف ثم يقرر حجم الماطور مثال ذلك يقول عندي ستة كشفات والكشاف الواحد 400 شمعه فيضرب 6 في 400 والناتج 2400 فيقوم بشراء ماطور قوته 2400 وهذا خطأ
لأن الكشاف أول ما تشغله يحتاج تقريبا لسبع مية شمعه لتقويمه ثم إذا استقر رجع إلى 400 شمعة
لذلك لا بد أن تأخذ هذا الشي في الحسبان
نقطة ثانية إذا جيت تشغل الكشافات حاول انك ما تشغلها في نفس اللحظة
شغل ثلاثة ثم بعد أن تستقر شغل البقية
نقطة ثالثة حجم الكيلوات المكتوب على المواطير لا يعطي رقم دقيق لقوة الماطور ففي الغالب أن الماطور يعطي أقل من الرقم الموجود بـنصف كيلو

تقبل تحياتي

[المزااد]

ماطور بقوة 5000كيلو ....لازلت عند راييئ من واقع تجربه ...والماركه (هوندا) او (روبين) او يانمار ...........................وشكرا جزيلا ...

[ابو البر]

اخوي ( المزاد) كلامك صحيح ورأي سديد بما انا متفقين على الآقل في ماطور (روبن ) وش رايك ....تحياتي لك طال عمرك .

[ابو البر]

اخوي ( خالد )
انت تطرقت للموضوع من جهه ثانيه هي عين الصواب غفلنا عنها جميعا ....وعسا اخونا صاحب الموضوع يراعي النقاط اللي ذكرتها .وعسى بس حارس المخيم يطبقها ......واهم شي قبل يطفي الماطور يتعود و يجبر الحارس على انه يطفي الكشافات اول .
تقبل تحياتي .

[المزااد]

فيه خطاء غير مقصود (القصد 5000شمعه )يعني 5كيلو ....والمعذره عن الغلط اللغير مقصود ...وتمنيت لو تم التصحيح بتصحيح النصوص المكتوبه فقط ....لان الهدف هو تقديم الاستشاره ليس الا ....والمستشار مؤتمن ...وتقبل اجمل تحيه ...ومعذره مره اخرى للجميع .

[ابو سمسم]

شف وانا اخوك بحكم تجربه في المخيمات من سنين

عندك 6 كشافات كل كشاف 400 واط 6*400= 2400
وعندك لمبات قلم في 20 واط وفيه 40 واط 40*14=560
الدينمو مابتعدا 300 واط
2400+560+300= 3260

لاتنسي انك بتحتاج
1- كم شاحن جوال
2-مسجل مثلآ
3- تلفزيون ورسيفر اذا كان في مباراه او غيره

يعني تحتاج الى 4000 وفوق يعني 5000 ممتاز وهذا الي تحتاجه

نصيحه خذ ديزل روبن او ياماها

لان عندي ماطور 3000 بنزين اشغله من بعد المغرب الين اذان الفجر ياخذ بعشره ريال ويمكن يزود

[ابوشنب 1981]

فعلا انا عاجز عن الشكر
في هذا المنتدى الرائع مايطرى على بالك استفسارالا ويتهافت عليك الزملاء بالاقتراحات والاراء والمشاركة
مااقول الا الله لايحرمني منكم ...ولكم جزيل الشكر

[ابو البر]

لو انك صادق وانت صادق لآنا صادقين كان تحبنا وتحب المنتدى
وماكانت مشاركاتك من يوم طرحت الموضوع الى الحين بالقطاره .

على العموم سوينا اللي علينا .....ونتمنى انك تسوي اللي عليك ....واصل معنا .
حياك وبياك .