يوسف الخليفة1
03/04/2010, 09:49 PM
ما فيه غيرك يالرهاطي بالاقفار=دورج على كيفك قبل نقلة الطير
يجيك من بين المخاليق صقار=يبغاك للقرناس عبره وتصبير
ما يلقا غيرك والخفافيش والفار=الله يعين اليوم بعض الصقاقير
جاوبني يالجربوع واهديلك خيار=والا تجيك مسمسمات الشوابير
جاك السموم ولا توقيك الاشجار=غشاك لفحات الرموض المقاشير
انا اشهد انك يالسليتيح صبار=ما همك صدوف الشحاح المداهير
سبحان من سواك علام الاسرار=على قصر كفك تدوج المقافير
طويل ساق وحدها قد مشبار=تناقز براس الحزم والمشاجير
ما تلحظ فسوح الخلا صارت غبار=والصيد قل ولا تفيد المشاوير
حتى العبل ما فيها للضب ديار=الا قليل سحول واجفالة العير
جاوبني يالجربوع كان انت محتار=قللي عن اللي صاب الاقفار والبير
الما شحيح ومجدبن وقت الامطار=القاع ريغا والسحايق عثامير
صاب الجزيره من مجاثيم الاثبار=بامر الولي صارت سواة المقابير
يا رب ما غيرك على الناس غفار=انت الرحيم تسوق نود المزابير
نرجيك سودا بالمناشي كالابحار=تمشي باثرها جارفات المجارير
يوسف الخليفة ( أبو عبد الله )
يجيك من بين المخاليق صقار=يبغاك للقرناس عبره وتصبير
ما يلقا غيرك والخفافيش والفار=الله يعين اليوم بعض الصقاقير
جاوبني يالجربوع واهديلك خيار=والا تجيك مسمسمات الشوابير
جاك السموم ولا توقيك الاشجار=غشاك لفحات الرموض المقاشير
انا اشهد انك يالسليتيح صبار=ما همك صدوف الشحاح المداهير
سبحان من سواك علام الاسرار=على قصر كفك تدوج المقافير
طويل ساق وحدها قد مشبار=تناقز براس الحزم والمشاجير
ما تلحظ فسوح الخلا صارت غبار=والصيد قل ولا تفيد المشاوير
حتى العبل ما فيها للضب ديار=الا قليل سحول واجفالة العير
جاوبني يالجربوع كان انت محتار=قللي عن اللي صاب الاقفار والبير
الما شحيح ومجدبن وقت الامطار=القاع ريغا والسحايق عثامير
صاب الجزيره من مجاثيم الاثبار=بامر الولي صارت سواة المقابير
يا رب ما غيرك على الناس غفار=انت الرحيم تسوق نود المزابير
نرجيك سودا بالمناشي كالابحار=تمشي باثرها جارفات المجارير
يوسف الخليفة ( أبو عبد الله )