المساعد الشخصي الرقمي

مشاهدة النسخة كاملة : صور لسيول يوم الجمعة 16-1-1420 بالرس


ابو شكاع
26/02/2005, 01:30 AM
بسم الله الرحمن الرحيم
صيحكم الله بالخير يامكشاتيين
استلموا هالصور لأمطار الخير على محافظة الرس ولا عليكم امر .....مع العلم ا ن هذي الصور للجسر الاول والثاني واللي يقعن جنوب الرس ب 15 كلم ... والرس عصر اليوم جاها ثلج (برد) على كبر فنجال القهوة حقيقة وليست مجاز حسب من وصفوا الموقف وكان قوي

http://www.qosman.com/uploads/00002407/pic%20018.jpg

http://www.qosman.com/uploads/00002407/pic%20021.jpg

http://www.qosman.com/uploads/00002407/pic%20027.jpg

http://www.qosman.com/uploads/00002407/pic%20033.jpg


هذا حمار الوحش هاجن من حديقة الحيوانات اللي بأصفر وادي النسا ومير يهكس

http://www.qosman.com/uploads/00002407/pic%20039.jpg


في الجو في البر في البحر

http://www.qosman.com/uploads/00002407/pic%20042.jpg


الصورة الجاية وقفت بوسط الشعيب وجلست لي شوي ... بغيت اهكس لولا ان الله فكنا ... مسوي نفسي اعرف اسوق بالشعبان

http://www.qosman.com/uploads/00002407/pic%20051.jpg

صور من داخل الديرة

http://www.qosman.com/uploads/00002407/pic%20062.jpg


هذا بس تحذير لأي واحد يفكر انه يكتتب في بنك البلاد خلال الايام الجاية

http://www.qosman.com/uploads/00002407/pic%20065.jpg

وسلامتكم
اسيزو 4x4
26/02/2005, 01:41 AM
الله يعطيك العافية اخوي ابو شكاع على الصور الطيبة والله الامطار عامة البلاد كلها ولله الحمد

والحمار الوحشي اكرمك الله انواع التهور :D :D

تحياتي لك ..
ابو شكاع
26/02/2005, 01:42 AM
فشيلة :(

التاريخ ياجماعة الربع عدلوه ولاعليكم امررررررر

التاريخ 16-1-1426
ابو شكاع
26/02/2005, 01:46 AM
هلابك ايسوزو ومرحبا

على كلامك الامطار يالله لك الحمد عامة ....

وبالنسبة للحمار الوحشي الله يكرمك ومن يقرأ .... جاب له الله جيب ربع وطلعه

وهلابك
المترو
26/02/2005, 08:30 AM
السلام عليكم ورحمة الله وبركاته
ماشالله تبارك الرحمن اللهم سقيا رحمه لا سقيا عذاب
شكرا وتسلم يا عم ابو شكاع على الصوره الجميله والنقل الحي للخير والامطار من الرس سقاها السيل هاك الديره العزيزه

وبشر عسى شعيب ابو عوض والملاذ سالت !!! وفيه مثل يقولون ماعوود شعيب ابو مروه يسيل عساها سالت جميعا

وسالفة التاريخ انا غيرته بمشاركتي

وتسلم يا خلفهم الرحال2003
رسلان
26/02/2005, 12:19 PM
الله يطرح به البركة ...
وتمنيت الكاميرا أمس ... شفت شي ماشفته قبل .. برد فعلاً كبير جدا والغريب انه مهب ودور وخشن شوي ...
والشوارع وقت العصر صارت شعبان تمشي وجنبك خشبة طايرة هاجتن من عمارة ...
والسيارات تعطلت ... وأول مرة الدفرنسين يدخل الماء الديلكو .. لكن بعذره الماء وصل مواصيل ما وصله .. والعالم تعكس السيد تهج من الشارع الوادي ...
وإما العالم اللي مهب مخليت هالعادة .... من يوم تنقط على طول الجسور ... ولا يتعظن بالماضي ... وشنقول إلا ... الله يهديهم ويحفظهم بحفظه ....
بارك الله فيك أخوي : أبو شكساع ...
إلتقاط رررائع وجميل ... عافاك الله ... ولاتخلينا من هالتغطيات الجو ماشاء الله محترم ....
عوفيت أخوي ... وتقبل تحيات ....
صقر
26/02/2005, 01:06 PM
مشكور يا بو شتساع على هذه الصور عن الرس والله يطرح فيه البركة

وفيه سؤالين:

الاول: خبرنا عن المنطقة ما اخضرّت الارض؟
الثاني : صورك هذي صور ( المنولتا) ؟

وأخيرا تم نقل موضوعك الى خيمة الاحوال الجوية.

وبارك الله فيك.
راعي كشته
26/02/2005, 01:09 PM
ماشاء الله تبارك الله اللهم اجعله سقيا رحمه

يعطيك العافيه اخوي ابو شكاع على المجهود الطيب وتسلم يمينك


تقبل تحياتي
راعي الوضحاء
26/02/2005, 01:17 PM
جزالك الله خير لانك النعمة لابد لها من شكر ياخوان اخاف ان يكون استدراج من رب العالمين
أبــوريـــان
26/02/2005, 02:14 PM
صور روعة اخوي يعطيك العافية