موضوع محيرني بخصوص الاسلحة ارجوا التفاعل

[ولد دوارد]

بسم الله الرحمن الرحيم

الحين لو يقفطوني ومعي سلاح غير مصرح بتفتيش وش يسون تصادر البندق ؟ ووش بعد
ولو معي سلاح مصرح يمشوني؟
ولا لازم رخصة صيد؟
وعلموني تجاربكم ياشباب او المواقف الي جت معكم:eek:

[العاير]

تصادر البندق غرامه محاكمة فيها سجن تسجل سابقه عليك
طبعا هذا صار لى
لاكن اذا كانت مصرحة تمسك تعهد كفيل يطلعك منهم عاودت مرة ثانيه يمكن يسحب التصريح ويصادر السلاح
طبعا هذا نظاما
لاكن الاجواد واجد قليل يحصل مثل كذا على حسب الى ماسكك وانت وشطارك في التفاهم معه

[«نجم الخير»]

تصادر البندق غرامه محاكمة فيها سجن تسجل سابقه عليك
طبعا هذا صار لى
لاكن اذا كانت مصرحة تمسك تعهد كفيل يطلعك منهم عاودت مرة ثانيه يمكن يسحب التصريح ويصادر السلاح
طبعا هذا نظاما
لاكن الاجواد واجد قليل يحصل مثل كذا على حسب الى ماسكك وانت وشطارك في التفاهم معه



طيب اذ هذا الكلام صحيح ايش فائده التصريح


هذا الي يجيك من العالم


العام الماضي انا جاي من السحل وامسكوني نقطة تفتيش ع طريق حائل واخذوني للحجز


تعرفون ليش يقول اني معي الف طلقه ويكتبون تقرير طوووويل علي


لكن العسكري اتوقع انه دلخ طلعو كل المركز مثله فرحين انهم مسكين واحد معه الف طلقه بس باقي انهم يصورون الدرازن (الدسته) 10 قوطي ويطلعونها في التلفزيون يسمع بصريح 100 طلقه يحسب الصتم نفس الشوزل



الله يخلف علينا من

[سوبر جابري]

ههههههههههههههههههههه

[ولد دوارد]

ههههههههه
طيب والله مشكلة وشلون اطلع اقنص انا لم الدوادمي في جمران على وادي الرشاء يقولون كله تفاتيش
ونا مدري
وانا لم الشعراء اروح ماعندي مشكلة بس ودي اروح لم جمران ماحوله مزارع وفيه شجر واجد

[«نجم الخير»]

ههههههههه
طيب والله مشكلة وشلون اطلع اقنص انا لم الدوادمي في جمران على وادي الرشاء يقولون كله تفاتيش
ونا مدري
وانا لم الشعراء اروح ماعندي مشكلة بس ودي اروح لم جمران ماحوله مزارع وفيه شجر واجد

ولله ع حسب يمكن يكنون فاهمين النظام مثل الي حجزوني :D

الموقف كثيررررره خاص في اوقات الصيد

[- النشمي -]

غريبه وش فايدة الرخصه اجل ؟؟؟؟؟


حلالاه ياليمن تمشي بعيار خمسين على الشاص ومحد يعترضك لاحكومه ولاعسكر

http://up3.m5zn.com/photo/2009/5/28/02/776gogqcr.jpg/jpg

[ابوقشعان]

السلام عليكم ورحمة الله وبركاته
مره وقفتني دوريه وقامو بتفتيش السياره ولقاء السلاح ويوم لقاه قال وين التصريح طبعن عطيته التصريح قال ليش التصريح منتهي التصريح باقي على نهايه 5سنين قعدت اقراله واعلمه وين تاريخ النهايه وتاريخ البدايه الين فهم . واحد مره لاقا معي سلاح ماهو مصرح وقلب السياره ولقاه قالي صرحه قلت اتحرا التصاريه تفك ابن حلال وان طحط في الخبل الي مايسوا وانت بكرامه وكل من يقرا هذا الكلام الحذيان الي في رجول البخيل عزالله بيتعبك ويتعب خوياه :r

[أبـو مـدمـر]

أبوي كبير في السن .. ولازال يقنص ويروح للبرك حقة المويه ويشوف فيها بط والا من طيور البحر هاذي

المهم وهو يمشي على الخط العام

حصل جنب الخط مويه والمويه عليها طيور كباار سود

قال بس . الغداء وصل

وهو يسفط جنب الخط وينزل من السيارهـ وينزل المرتبه ويطلع ( أم سيلان ) اللي هي أم حبه أو أم سبع أوبر

ومانزلها زين الا الدوريه وراهـ
وهو يشوفها ولاهمته ولاعطاها بال
ويمشي ناصي البركه وناوي الطيور
ويجي العسكري بالجيب قدامه
قال وقف لو سمحة ويصيح بالمقرفون ههههههه
وشايبي يوقف
وهو يجي عندهـ قال نزل السلاح في الأرض

تقول أرهابي موب قناص
وأبوي يجيه يمشي
قال هـلا
قال نزل السلاح بعدين كلمني
وشايبي يتكي بالشوزن على الربع حق الدوريه
قال هـلا
قال نزلها بالأرض هههههه
ويروح أبوي وينزلها بالأرض

قال هـلا

قال ليش تحمل سـلاح والناس اللي مسافرين على الخط يشوفونك
ولو رميت وصابت كفرت سيارهـ وقلبو وش تسوي هههههههههههههههههه
شف لوين وصلت
قال أبوي انا شايب مأحب الدجاج ومن طلعت على الدنيا وانا أكلي صيد الدجاج المبرد هذا مأحبه
وهو يطالع في أبوي ويقعد يضحك
قال أبوي الحين انا بروح لغداي لايفوتني تبي شي
قال ايه
وين لوحة سيارتك الخلفيه
هههههههههههههههههههههه
السيارهـ ( ددسن 82 ) غمارهـ
قال أبوي ضايعه من المطبات وطرد الطيور وهو يقعد يضحك
قال أنتبه على نفسك ياشايب ترا لو غيري مهب فاكك
قال أبوي انا مأسمح لك تغلط علي
قال ليش
قال انا مانيب شايب
وهو يقعد يضحك قال في أمان الله ياشباب وأبوي يرفع يدهـ له وهو يحرك ويوقف جنب الخط
ويشوف أبوي لمى قرب الطيور ورمى وجاب الله ثنين وهو يقعد يضرب بواري ويحرك
.. يعني بعضهم يسامح
والا بعضهم علكه ينشب لك في حلقك

هذا أحسن المواقف اللي سمعت عنها من أبوي الله يطول بعمرهـ عن الشرطه والسلاح

[ولد دوارد]

مشكورين الله يعافيكم سوالف حلوة هههه
والله يخلي لك ابوك ويستر عليه

[ابو عجلان 1]

حياكم الله يا شباب ويا شيبان
هذي قصتي أنا واحد من الشباب
كنا جايين من الساحل ومعنا شوزلين مصرحه ومعنا فريزر مليان فل قميري ( قاعدين اسبوعين ) يوم تعدينا ظلم بحدود عشرة كيلو ألا وجيب أمن الطرق ورانا إذا أسرعنا أسرع وإذا هدينا هدى قلنا وش سالفته 0 المهم وتجينا محطة بعد ما لحقنا حوالي خمسين كيلو ونقوم وندق أشارة للمحطة ويقوم هو ويولع السفتي وقفنا
المهم الاثباتات وينكم جايين قلنا جايين من الساحل مصيدين قميري قال الفريزر هذا مليان قلنا أيه قال وين البنادق قلنا تحت المرتبة قال مصرحه قلنا أيه المهم قام يسولف معنا شوي وعطانا اثباتاتنا وفكنا 0
هذي وحده من عدة مرات

[مطفش الطيور]

مثل مثل مثل



قبيله المطران هم 4 في تفتيش واحد من عتيبه (ونعم فالقبيلتين) اذا مسك العتيبي مطيري معه سلاح تدخلو المطران وفكوه وهو يصير قصده عشان اذا جا احد عتيبي فكوه وهاذي حصلت لواحد اعرفه شخصيا

[عاشق الفتك 20]

والله انهاا مشكله التصريح انا لي 5 سنين
امشي بدوون تصريح ومرره حصلي مووقف
لقيناا 3 قميرياات بجاانب الخط وانا اروحلهن وارميهن
وايجيني جيب امن الطررق قااال وش تررمي قلت قميري
قاال فيه نزل اليووم قلت على خفيف اثرره قنااااص
وزين اني طحت في قنااص ويقعد يسوولف معي في الطيوور
قاال انتبه لا ترمي مرره ثاانيه فيه خوويااي يستلموون قبلي وبعدي ترراهم يدوورون السلاح قلت يعطيك الف عاافيه
ومرره دااخل الديرره با حفرالباطن لقت قمييريه وحده
والف عليه يوووم جيت ابي ارميهاا الى الجيب الربع 2007
حق الدووريه قداامي وانا مااد البندق وانا ادخله واحط الموتر بوواحد وادزله:good2: :good2: وهوو وراي وانا على الجيب
98 سفااري وطرررد با الديره وادخل الديره واحوووص
بين البيووت وهوو ضيعني والقااا باايكه حقت السيااره
عند بيت والله ماا ارعرفه وادخل بووسطهاا بس ترا
موكل مره تستلم الجررررررره وادرري اني اقررقر عليكم
بس اخووكم تحمس مع المووووضوع:D :D

[classica]

خخخخخخخخخخخخخخخخخخخخ
والله ياعليكم قصص ..
أنا امر نقطة ام سدره والشوزل ع الطبلون وش عنده خخخخخخخخخخخخ
الدعوه عند العسكري الي بيمسك ..اذا طيب بيفكك ..أما اذا هو ردي ..تحلم يفكك

[عقيعقب]

آآآآه من (بعض) عسكر أمن الطرق وسوالفهم

حسبي الله على من ظلمني ونعم الوكيل
حسبي الله على من ظلمني ونعم الوكيل
حسبي الله على من ظلمني ونعم الوكيل

الله ينتقم منه ويوريني فيه عجائب قدرته

والله ماكنت أظن إن فيه مسلم يظلم مسلم ويتهمه كذب وزور
وخصوصاً إنه يشوفه طالع من مسجد ومصلي لربه

لكن إذا كان خصمك القاضي من تقاضي

يعني لاتقول أنا ماشي عدل وعدوي يحتار فيني
حتى لو ماشي عدل يقدر يجيك واحد (منقول تأديبي) وجميع زملائه يشهدون بسوء أخلاقه وإستخدامه للحبوب ويتهمك بأقبح الإتهامات
وإذا جاء الصحيح يقولون لك الإدعاء أنت تروح تجيب شهودك
(ومهما قالوا لك عن زميلهم .. حلمك يشهدون معك)


اللهم أنت حسبي ونعم الوكيل
اللهم أنت حسبي ونعم الوكيل
اللهم أنت حسبي ونعم الوكيل


عود نفسك على ترجي العسكري حتى لو ما أذنبت .. حتى لا تصل لخيار يصعب عليك التراجع عنه إذا فعلته

[فارس الحربي1]

مره طالعين انا وثلاثه من جيراني واحد عمره فوق الاربعين وثلاثه كبري ببدايت العشرين
المهم فيه بعد محطة البطيحانيه وانت رايح لام رقيبه فيه على يمينك مركز حق امريكان ومحوطينه بعقم
وبزاوية العقم من الشمال الغربي فيه ثلاث من السدر ونحصل فيه 5قميريات وحنا ماصدقنا على الله نشوفهن لاننا من الصبح وحنا نفتر ماحصلنا الا وحده المهم وانزلك عليها واول ماطلعت راسي من العقم الا واشوف المستلم على العقم دخل غرفته او مادخل وانا اركض للسدر واطيرلك القميريات تقول ابعدن حوالي 400متر
وتجيك الطلقه من الشتفى }{ ام خمس ام شجره }{ وتسدحلك 3 جميع
ويشرولي او ماركبت على العقم الا العسكري يناظرلي وازبن بروحي
فكنا الله والحمد لله على كل حال