افاده يا اهل الدمام( تغيير جلد بلوف بدون فك الراس)

[GMC79]

السلام عليكم


يا اخوان
عندنا مكسيما تحتاج تغيير جلد بلوف

بس نبغا ميكانيكي فاهم يضبطها بدون فك الراس في الدمام او الخبر اللي يعرف يخبرنا وله دعوة صادقه في ظهر الغيب

[عبادي 2009]

لازم فك الراس

[GMC79]

ياخي سمعت ان في عده خاصة لها

[سوبر VTC]

ننتظر اهل الدمام :good:
نعم كلامك صحيح
يتم توليف سيخ يدخل من عند البوجي يقوم بضغط البلف
و من الجهة الاعلى يتم ضغط السبرنق لاخراج القفل => الفطسة
ثم اخراج السبرنق + الجلدة القديمة
ثم تركيب الجديدة
اهم شي انت متاكد انه من جلد البلوف ؟؟؟
تاكد لاتكون المشكلة من بلف بخار راس المكينة
اذا كان يوجد
لان اذا كان البلف خربان يكون فاتح باستمرار و معلق همن يخرج الزيت الى الثلاجه
ثم اذا فتح بلف الهواء دخل على غرفة الاحتراق و طلع دخان ابيض
و البعض يعتقد انه من جلد البلوف
و ههي مطبقة على كلام الاعضاء في بعض ورش الرياض
و حتى في كراج صيانة السيارات لامارة منطقة القصيم
نفس الطريقة

[GMC79]

شوف باقولك كل شي اخوي سوبر فتك ومافي مانع نعيد التشخيص مرة اخرى

السيارة توي شاريها 2007 تماتيك ماشيه 117000

غيرت الزيت يوم الجمعه الماضي بعد الفين كيلو قال البنشري مالقينا الا اقل من علبتين قلت يمكن راعيها الاول حاط زيت خفيف وطولنا عليه ونقص (احتمال)

غيرت الزيت وعايرت الزيت تمام الى الان مافيه دخان ابد

رحت الدمام وجلست فيها 5 ايام ورجعت لديرتي يوم الاربعاء ((يمكن مشيت 1200-1300 كلم على سرعة 170-220 ك/س في الخط)) لقيتها ناقصه علبه كامله

يوم الخميس زدناها علبه

ويوم الجمعه العصر دخنت دخان يميل الى الازرق مع دقت السلف وجلس الدخان بكثافه لمدة 30 ثانيه تقريبا بعدين خف ثم قطع عايرت الزيت تمام واللزوجه تمام رحت لمكانيكي فحصها وشم الشكمان والزيت قال السياره مافيها شي شرحت له وش اللي صار من نقص الزيت والدخان قال يمكن شنبر

المهم رحت الدمام بس هالمرة مهدي 160-140ك/س النقص خف عن اول لكن ما زال يكربن مع دقت السلف حتى لو هي حاميه يعني اوقف عشر دقايق واشغل تكح كحة بسيطط واذا هي بارده يطول

فحصت كمبيوتر طلعت الشنابر ولله الحمد ممتازه

ما بقي الا جلد البلوف والا وش رايك

[سوبر VTC]

الله يطعمك من خيره و يكفيك شره
اجل تكح :D لوز و الا حلق منشحط :D ههههه

هل فحصت شنابر البستم بساعة الضغط
تاكد من ضغط البساتم بالتسلسل فك كل البواجي و افحصهن
كل مرة تدق سلف و تشوف كم يوصل الضغط ؟
اذا كان الضغط في احد البساتم ضعيف فاحتمال شنبر ضعيف او كسر
او بلف منشرم او مقوس

http://www.mekshat.com/pix/upload04/images154/mk53291_bmpbojpo.jpg


تاكد من الكويلات لاتكون غرقانه بالزيت
مثل هذا الجيب شف الكويل و البواجي
احيانا يكون الزيت داخل من عند سنة البوجي او من عند قاعدة البلف



http://www.mekshat.com/pix/upload04/images154/mk53291_gnbdb2.jpg


في حالة ان الكويلات و البواجي بهن زيت
يصير بالموتر ترترة + لمبة المكينة والعة


خل الموتر يشتغل لمدة 10دقائق خصوصا الظهر
بعدين دس بنزين دوسة وحده اذا طلع دخان ابيض فهي احتمال جلد بلوف
و تاكد من عدم وجود تهريبات بالمكينة سواء كرتير الزيت او صدر المكينة او الصوفة اللي بين القير و المكينة

جرب حط زيت الترا سفن 50 20 :good:
و عاير الزيت بعد 2000 كيلو
و افضل مقياس ب5000كيلو
و لاتنسى السرعات العالية تخلي الموتر يصرف زيت
الافضل لاتعدا سرعة 140

تاكد من فلتر الهواء لايكون مليان زيت

هل مريت على ورشة العتيبي بالرياض
+ ورشة عبدالرحمن الجميح ابو عدنان

[شقردي تو]

السلام عليكم اخوي انا معي gxr 98 وكان ينقص زيته ويدخن شكمانه وغيرت جلد بلوف وصارممتاز امشي عليه 7000كم ولا ينقص

[رفيع المقآم]

والله يالغالي عندي فورد ينقص كل يومين ثلاثه نص علبه الى ثلاث ارباع وعادي لاني ما ابي اسافر عليها وبعدين غريب امرها ما تدخن ابد الا بحاله وحده اذا شغلتها يمكن دقيقه ثم يروح الدخان

[GMC79]

سوبر فتك

الله يجزاك خير

ماشاالله عليك ماخليت شي بيض الله وجهك


بالنسبه لفحص الكمبريشن بالساعه ما سويتها لكن بالكمبيوتر طلع الكمبريشن ممتاز الممتاز

وبالنسبه للكويلات والبواجي ما فحصتها لان الموتر صافي ولا يترتر نهائيا وعزمه عال العال

وبالنسبه للعشر دقايق الظهر ان شا الله اسويها

فيه اثر زيت على الكرتير يبدو وجه الكرتير تعبان لكنالتهريب ما ياصل الارض ابد وانا استبعده لوجود الدخان

ولا بعد مريت احد في الرياض ان شالله امرهم

[GMC79]

شقردي تو مشكور عال مرور

منوتي الشاص نفس اللي عندي بالضبط

[صقر ا لفز عة]

شقردي تو مشكور عال مرور

منوتي الشاص نفس اللي عندي بالضبط


أرســـــــــــــلـت لــــك عـلـى الـخـآص
هــــــــل وصــــــلــــــتـك ؟؟؟


http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)http://www.allfordmustangs.com/forums/avatars/mplumlee6.gif?dateline=1060436965
تـحـيــــــــــــــــآتي
<<< أبـو عـبـد الـرحـمـن >>>
""" الأصـيـل الـحـجـآزي """

[هوايتي مكشات]

اول مره اسمع تغيير الجلد بدون فك الراس

[سفاري97]

انا واعوذوبالله من كلمة انا مركب لسيارتي جلد بلوف بدون فك الراس
وكان ينقص الزيت بسبب التدخين<<<الله يحمانا وياكم اول مايشتغل واذا وقفت ومشيت يطلع دخان

[GMC79]

ماجاني شي ياصقر الفزعه

[أصيل حجآ زي]

السلام عليكم
يا اخوان
عندنا مكسيما تحتاج تغيير جلد بلوف
بس نبغا ميكانيكي فاهم يضبطها بدون فك الراس في الدمام او الخبر اللي يعرف يخبرنا وله دعوة صادقه في ظهر الغيب



أرســــــــلت لــــــــك عــــلـى الـخـآص
رقم مـُهـنـدسـيـن مـضبوطين 100%
على مســـؤليتي هـُم أشطر النآس .


تـحـيــــــــــــــــآتي
<<< أبـو عـبـد الـرحـمـن >>>
""" الأصـيـل الـحـجـآزي """

[GMC79]

حياك الله اخوي اصيل مريت ابو شعبان الأسبوع الماضي

[GMC79]

انا واعوذوبالله من كلمة انا مركب لسيارتي جلد بلوف بدون فك الراس
وكان ينقص الزيت بسبب التدخين<<<الله يحمانا وياكم اول مايشتغل واذا وقفت ومشيت يطلع دخان

وين الورشه ذي؟

[سفاري97]

آسف على التأخير في الرد ياجمس79
الورشه اللي صلحت سيارتي عندها في بريده الصناعيه القديمه (الورشة بجوار المسجد)المهندس تركي الجنسيه وبصراحه شغله نظيف
وفيه واحد سعودي في البدايع يمدحونه الشباب ولد عمي مشتغل عنده وموتره تمام ولله الحمد

[GMC79]

يعطيك العافية

[الشعشاعي]

أرســــــــلت لــــــــك عــــلـى الـخـآص
رقم مـُهـنـدسـيـن مـضبوطين 100%
على مســـؤليتي هـُم أشطر النآس .


تـحـيــــــــــــــــآتي
<<< أبـو عـبـد الـرحـمـن >>>
""" الأصـيـل الـحـجـآزي """









بخوص أرقام المهندسين ودي ترسلها لي ولا تعلمني مكانهم واسم ورشتهم ولا عليك أمر لأن عندي السيارة نفس المشكلة وودي أفحصها عند ميكانيكي ممتاز
جزاك الله خير وارحم الله والديك

[تاج القلوب]

أرســــــــلت لــــــــك عــــلـى الـخـآص
رقم مـُهـنـدسـيـن مـضبوطين 100%
على مســـؤليتي هـُم أشطر النآس .


تـحـيــــــــــــــــآتي
<<< أبـو عـبـد الـرحـمـن >>>
""" الأصـيـل الـحـجـآزي """


زودنا تكفى بالرقم لاهنت اذا في الدمام او الخبر

[بورياض]

[QUOTE=GMC79;4239820]السلام عليكم


يا اخوان
عندنا مكسيما تحتاج تغيير جلد بلوف

بس نبغا ميكانيكي فاهم يضبطها بدون فك الراس في الدمام او الخبر اللي يعرف يخبرنا وله دعوة صادقه في ظهر الغيب[/
QUOTE ]هلا ياشيخ اي غير جلد البلوف طبعآ سيارتك اتومتيك البلف بدون ميزان وانشاء الله تضبط على مسئوليتي انا اعمل مهندس في وكالة سيارات واكثر السيارات نفس الطريقة البلف اذ فيه مشكله تسمع صوت طقطقه خفيفية واذ ضغطة بنزين يروح ويرجع مرة ثانية وتقبل مروري