المساعد الشخصي الرقمي

مشاهدة النسخة كاملة : يا طلح مامرك مع الصبح ضافي تكفون (ابغى هالقصيدة)


سكاكي
26/02/2005, 09:43 PM
السلام عليكم ورحمة الله وبركاتة

صراحة انا سمعت مقطع هالقصيدة بشريط

وهذا اللي انا حافظ منه

يا طلح مامرك مع الصبح ضافي
طيري غدى لي والشمس حيه

واللي عندة القصيدة لايبخل علينا
وهبى
28/02/2005, 01:31 AM
السلام عليكم اخى هذه القصيده للشاعر حمد السعيد وله شريط 0000من قبل سنتان تقريتا 000والان لايحظرنى اسم الشريط
امهلنى شوى
عاشق الفـــــــيّ
28/02/2005, 02:13 AM
تفضل ياسكاكي القصيده موجوده في هالرابط
يالطلح مامرك مع الصبح صافي (http://www.dwaihi.com/hm/25hamad.htm)
هبوب الحماد
28/02/2005, 03:57 AM
يالطلح مامرك مع الصبـح صافـي
طيرٍ غدا لي امـس والشمـس حيـه
اتلى العهـد بـه راح يطـرد مقافـي
خبري بـه اومـا فـي جناحـه هنيـه
ورد الطلـح
لاوالله الا مـرنـا الـعـصـر وافـــي
كــنــه غــــلامٍ مسـتـغـيـر بـهــيــه
اقـبـل عليـنـا ثــم اخــذ بانحـرافـي
يـوم الحـبـاري وقـعـن لــه سـويـه
قال الشاعر
يالطلـح قـل لـي عـل مابـه خلافـي
الـبـارحـه بـــرد وشـمــالٍ قــويــه
كانـه تعـشـى قـلـت عـلـه عـوافـي
والحـي يجمعـه الولـي مـع خويـه
ورد الطلـح
لاوالله الا صــاد خــرب متـعـافـي
واخـذ علـيـه مــن الثـنـادي شـويـه
لامـفـلـسٍ مـــره ولاقـــال كـافــي
يــوم اخلفـنـه عــن عـشـاه حقبـيـه
قال الشاعر
خــابــره والله قــاطــعٍ مـايـخـافـي
دايم على الصيـده تجـي لـه حميـه
انـشـدك بالـلـي منبـتـك بالسـوافـي
عـسـاه فــي خـيـرٍ ولافـيــه سـيــه
رد الـطـلـح
خبري به اقرش في سبوقه خلافي
مابه بـلا وامـرح علـى هالحصيـه
والفجر شخّص بالنواظـر وشافـي
طـلـعـه بـعـيـد ويـمـتــه سـاحـلـيـه
قال الشاعر
يالطـلـح ذا حـبـه ولاهــو بـخـافـي
مـتـعـادلٍ حــبــه بــحــب الـبـنـيـه
بعض الطيور ان راح قلنا عوافـي
لاشــك هــذا ويــن ابلـقـى حـلـيـه
رد الـطـلـح
اتعـب عليـه وعـادت الحـر يـافـي
اضـرب سهلهـا والوعـر والشقيـه
يجـيـبـه الـلــي رازقٍ هالعـجـافـي
بهـايـمٍ تمـشـي عـلــى غـيــر نـيــه
قال الشاعر
يالطلح لك مني يابو غصن ضافـي
لاجـابــه الله وكـــل نـيــه مـطـيــه
لاجيك انا فـي موتـر القـش هافـي
واسقـيـك هـالـلـي بـاقــي بتانـكـيـه
وآطـا علـى رملـة سوافيـك حافـي
وكـلٍ عـلـى ماقـيـل يـذكـر خـويـه
سكاكي
28/02/2005, 03:23 PM
وهبي


الله يعطيك العافية على المرور الطيب

ومشكور

,,,,,,,,,,,,,,,,,,,,,,,,,,,,,,,,,,,,,,,,,,,,,,


عاشق الفي

مشكوووووور ماااقصرت والله يكثر من امثالك في هالمنتدى

تقبل تحياتي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,

هبوب الحماد الله يعطيك العافية

على المتابعة

وعلى القصيدة

ومشكووووووووووور
ابو عايد
01/03/2005, 08:37 PM
تفضل أخي سكاكي من هنا (http://www.mekshat.com/vb/showthread.php?t=21563)

وتقبل تحياتي // العاشق الولهان
سكاكي
01/03/2005, 10:54 PM
ابو عايد

الله يعطيك العافية

ماقصرت خيرك سابق