تسجيل الدخول

مشاهدة النسخة كاملة : ارجو الافادة من خبراء الفخار وبخصوص الطاجن


تراثي
05/04/2010, 08:04 PM
السلام عليكم
انا من سكان الرياض شريت قدر طاجن من المحلات الي موجودة في الشفاء القدر الي شريتة نوعة مطلي حطيتة على عين الدافور مباشرة وانكسرههههههه ماكنت ادري ورحت لمة مرة ثانية وشريت واحد ثاني وجبت غطاسطل البوية وحطيت فوقة الطاجن وحطيتة على الدافور وزينت فية المرة الاولى سلم والثانية لكن الثالثة انكسر واللة قهر مع العلم هذي كانت نصيحت واحد من اعضاء المنتدى هل يوجدطاجن يتحمل حرارت عين الدافور
والي يعرف محلات تبيع الفخار غير الي موجودة في الشفا لا يبخل علينا
لاتكب البيالة
05/04/2010, 08:38 PM
السلام عليكم
اخي الكريم الطاجن انا لاحظت انه ماش مهوب عملي بالحيل لكن لو تاخذ جرة فخار ما تنكسر وتشيل اكثر واطعم وهي اللي تسمى برمة لكن هذي فخار اما البرمة الظاهر فخار مسوى به شي لاني اشوفه اسود الزبدة الانواع عديدة والاسماء اكثر لكن الجرة افضل شي
أبو مشعل
05/04/2010, 08:48 PM
السلام عليكم و رحمة الله وبركاته


يا حي الله اخي في الله تراثي


ان عندي قدر الفخار و الطاجن و لله الحمد احطه علي النار ( الحطب ) او الدفور او الغاز ولي اكثر من خمس اشهر استعملها و كلش تمام


اعتقد الي تشتري منهم ما هو اصلي اذا بغيت الفخار او الطاجن عليك بتصال علي اخونا في الله م.بندر


يجيك الطلب بالرياض ان شاء الله أفتك
اخيك في الله


ابو مشعل
هاوي الترحال
05/04/2010, 09:25 PM
الطاجن فيه منه نوع للتقديم ونوع ثاني للطبخ
ابورهف الصالح
05/04/2010, 09:48 PM
السلام عليكم
الطاجين صناعة سعودية او مغربية اذا كان سعودي طبيعي ينكسر اذا كان على النار مباشرة بالفرن فقط اما المغربي بعد ما تخلية بالماء ربع ساعة وقبل الطبخ فية تدهنة بزيت طبخ من تحت وعادي تحطه على النار مباشرة
ارسل على الخاص رقم مغربي يبيع الطواجن المغربية في الرياض
تراثي
05/04/2010, 10:05 PM
اهلا اخوي ابورهف الصالح
الرقم خطا لهنت ترسلة لي مرة ثانية
تراثي
06/04/2010, 12:04 AM
يعطيكم الف عافية ياشباب واللة يوفقكم وجميع
hot_line
06/04/2010, 03:55 AM
اخوي تراثي
فيها خوينا هنا م. بندر يبيع طواجن مغربيه

انا اخذت من عنده والرجل قمه بالاخلاق وطواجنه ممتازه عنده طاجن مغربي وفجار باكستاني

هذا موضوعه
http://www.mekshat.com/vb/showthread.php?t=246272
تراثي
06/04/2010, 07:17 AM
يعطيك العافية اخوي
ياشباب الي يعرف محلات تبيع طاجن مغربي غير الي في الشفاء لايبخل علينا
ولكم جزيل الشكر
تراثي
06/04/2010, 10:35 AM
السلام عليكم
انا ياشباب لقيت اليوم محل لبيع الفخار والطاجن المغربي الي نادر تلقاه في الرياض
وحبيت افيدكم عن موقع المحل
المحل موجود في اليورمارشية البوابة رقم 4
ابورايف
06/04/2010, 11:21 AM
الله يعطيك العافيه
جريح الصيد
06/04/2010, 12:00 PM
السلام عليكم
انا ياشباب لقيت اليوم محل لبيع الفخار والطاجن المغربي الي نادر تلقاه في الرياض
وحبيت افيدكم عن موقع المحل
المحل موجود في اليورمارشية البوابة رقم 4

مشكور يالغلا

بس ياليتك اخوي تخبرنا بالتفصيل الممل

لان الغالبيه من خارج الرياض وراح نحاول نمره عند الزياره

فياليت يكون تفصيل بالطريق اذا امكن يالغلا
السناام
06/04/2010, 01:02 PM
مشكور على الخبرية بصراحة من زمان ابحث عن طاجن مغربي:good:
تقبل تحياتي
ناصر الدهمشي
06/04/2010, 01:05 PM
اليورمارشيه اللي بالتخصصي!
راضي الدليل
06/04/2010, 01:37 PM
السلام عليكم
انا ياشباب لقيت اليوم محل لبيع الفخار والطاجن المغربي الي نادر تلقاه في الرياض
وحبيت افيدكم عن موقع المحل
المحل موجود في اليورمارشية البوابة رقم 4



بسم الله الرحمن الرحيم



السلام عليكم ورحمه الله وبركاته

الرجاء تحديد موقع اليورمارشيه واسعار الاواني الفخاريه ولك جزيل الشكر والتقدير.
ولد ميسان
06/04/2010, 01:41 PM
هلا فيك أخوي تراثي

بس وأنا أخوك أتوقع يكون غالي بحكم مكان المحل و إيجارة بس بأدلكم على مكان فيه أكثر من سبع محلات تبيع جميع انواع الفخاريات و الطواجن والموافي والمحانذ و الأفران الفخارية :

طول الله عمرك وعمر القارين تبتل سيده على طريق الملك فهد بإتجاة الجنوب حتى توصل مجمع الكباري اللي توديك لمكة و ديراب و الخرج , تروح مع طريق ديراب وهو الطريق الأوسط وبيلف الطريق معاك لجهة الغرب وإنتبة ترا فيه حفريات و أعمال كباري , من أول ما يلف بك الطريق للغرب شوف المحلات على يدك اليسار وهي محلات شعبية صغيره ,المهم روح سيده و أول يوتيرن إرجع معاه وتلقاهم على يمينك بعد هايبر بنده ب 600 متر تقريبا وإنشاء الله تلاقون اللي تبغونه من عندهم . أنا شريت من عندهم محنذ وعز الله إنه دسم شوارب واجد :good2: وأسعارهم رخيصه
تراثي
07/04/2010, 04:22 AM
السلام عليكم
بخصوص موقع اليورمارشية هو الي موجودفي طريق التخصصي
وهذا رقم راعي المحل المغربي 0598071943اسمه رشيد
ارجو ان اكون قدافدتكم
تراثي
07/04/2010, 04:35 AM
هلا ولد ميسان
المكان الي انت قلت علية عندهم اشياء واجدة لكن المشكلة انهم مايجيبون الطاجن المغربي
تراثي
07/04/2010, 04:37 AM
السلام عليكم
هلا ابو رهف الصالح ممكن تدلنا بتفصيل عن الموقع الخيري الي بيفتح الاسبوع القادم وفي اي يوم يبدا السوق وهل فية طواجن مغربية او سعودية فقط
ابورهف الصالح
09/04/2010, 02:24 AM
هلا اخوي تراثي
بخصوص السوق الخيري مخرج 16 مقابل أيكيا مأدري متى تم الافتتاح بس اليوم الخميس مفتوح والمدة من 12 يوم الى اسبوعين والدخول للعوائل فقط ( الطواجن مغربية)
رفيع المقآم
09/04/2010, 05:52 PM
والله ما اعرف عنها شي وانا اخوك
تراثي
10/04/2010, 10:20 AM
السلام عليكم
كيف الحال ابورهف صالح رحت لسوق الخيري ودرت فية لمن دخت لكن للاسف مالقيت الطاجن او بلاخص قسم مغربي
على العموم يعطيك العافية وماقصرت
مكشات المدينه
23/11/2010, 11:08 PM
والله لو الفرق دبل مع احترامي لصاحب الموضوع ابن بلدي اولى من الغريب وللاسف نستكثر على ابن البلد عشره والا عشرين وهي بالحلال .!!!!!!!!!!!!!
ومانشوفها كثيره على واحد ببلده قيمتها عشرين ريال ويبيعها عندنا باغلى الاثمان للعلم لوتروح لبلدهم دامك خليجي حتى لو اخذت درازن ببيعوك الطابق مطبوق,,,,,,,,,,,
عن نفسي شجعني موضوع العضو م بندر صاحب الفكره الله يجزاه الجنه ولو باخذ ما افكر اخذ الا منه (وجهة نظر )