تهريب زيت ؟ شروكي

[فايق ورايق]

السلام عليكم ورحمه الله وبركاتة

اليوم الاجواء ولله الحمد ممتازه قلت يابوشباب مافية مثل الطعوس بهالعصرية ورحت وطعست لي شوي واستمتعت ولله الحمد والمنه

انا اركب عامود الدبل اذا رحت للطعوس واذا رجعت افكة انت خابرين رجه العاموود

الملاحظة هي عند تركيب العامود قبل الروحة للطعوس اشوف تحت الماكينة مافية تهريب زيوت والامور ممتازه وبعد ماطعست وعند فكة عامود الدبل شفت تهريب زيت الماكينة مع اني ماشبيت على الموتر هقوتكم التهريب من وين


السيارة شروكي

رحم الله والديكم

[سوبر VTC]

ياليت تصور مكان التهريب :good:
الكلام مايثبت شي لازم تشوف اسفل المكينة بالنهار

انت تقصد تهريب او تعريق ؟؟؟
الجيب التويوتا سواء الحوض او الربع او الصالون و حتى الباترول
اذا فجرت و جلدت الموتر بالنفود
تنفجر الصوفة اللي بين القير و المكينة
و احيانا يكون تهريب من عند بكرة المكينة الكبيرة من عند وجه الكرتير
او تهريب من وجه صدر المكينة
او تهريب من صرة الكرتير
حتى كرتير القير التماتيك يكون عليه تعريق
و شي طبيعي مايضر
اهم شي لايصل لدرجة التهريب القوي او نقص زيت بشكل ملاحظ
اذا تعريق بسيط لاتحرك ساكن

[فايق ورايق]

رحم الله والديك دائما تشرف تسأولاتي بأرائك النيرة هذا والله تعبت فيها اقصد اللي باللون الاحمر

انت شفت مسمار الصره ناقع الزيت عنده طبعا موب منة التهريب
عموما بغسل الماكينة وبشوف من وين جاي هالتهريب هل كل ماجيت اطعس بتطلع لي مشكلة مع العلم اني ماني راعي فجر مراقى على خفيف

تحياتي

[رفيع المقآم]

هلا بك اخوي لا يكون من صوفه القير او من الباور يعني علبه الدركسون او الاصلاح بتاعه ((حقه)) او الدوده بتاعته ((حقته)) الزيت الاحمر ما يتعدى عن القير والباور يعني الدكسون وخرابيطه الباقيه ارجو اني اكون قد افدتك

[سوبر VTC]

الله يجزاك خير
غالبا الزيت اللي حول الصرة من الصوفة الخلفية
اللي بين المكينة و القير
غالب المواتر و حتى الجموس
تحصل اثر تندية زيت و حتى جرم الدبل تحصل عليه تعريق زيت
لذلك الوضع طبيعي و لايضيق صدرك
و المواتر توافيق
موفق