المساعد الشخصي الرقمي

مشاهدة النسخة كاملة : لاهل الخبره في الخرازات


الفزاع
27/02/2005, 01:08 AM
السلام عليكم اعضاء مكشات الطيبين
اعذروني على عدم المشاركه لكن والله اني من المتابعين للمنتدى بإستمرار واليوم انا محتاج فزعتكم في طريقة وزن الخرازه بدون دربيل لاني راجعت المنتدى ولكن لم اجد الاجابه مع العلم بان الخرازه من نوع رمنغتون تشيل 16طلقه في ماصوره تحت السبطانه صناعتها امريكيه والبندق ما فيها الا مسمارين اذا فكيتها يطيح السرج ويكون تحت السرج حديده مدرجه تتحكم في ارتفاع السرج ارجو من الخوه اللي عندهم معرفه بالامر انهم يفيدونا لتعم الفائده ولكم جزيل الشكر.
الفزاع
01/03/2005, 12:10 AM
شكل الشباب مشغولين بها لامطار ماشاء الله لكن العشم فيكم كبير يعني 30واحد اطلع على الموضوع وما فيه ولا رد؟؟؟
بندر501
01/03/2005, 01:55 AM
والله ماعندي خبره في الخرازات ..
SilverSniper
09/03/2005, 01:09 AM
حياك الله يالفزاع... ماعليش.. صيفنا عليك شوي.. وسع صدرك علينا :)
طريقة وزن الخرازة بدون دربيل هي نفس فكرة وزنها بالدربيل... ولكن يكون البعد عن الهدف أقل.. ويكون الطول الظاهر من الشعيرة الأمامية ثابت.. يعني على الطرف أو المنتصف أو مسح مع الشعيرة الخلفية..
والباقي تطبق نفس المذكور بالنسبة للدربيل.. سواء طلقة طلقة.. أو طلقة واحدة .. وهكذا.. وتعدل ارتفاع الشعيرة الخلفة بحل مسمار المنزلق على التدريج درجة بدرجة حتى يضبط معك وتربطه وهذا يعدل لك الارتفاع.. المسمار الثاني صغير تلقاه على جنب الشعيرة الخلفية من الخلف.. تحله وتحرك طرف الشعيرة الخلفي يمين ويسار حتى تضبط معك وتربطه وهذا يعدل لك الميول..
الفزاع
09/03/2005, 02:58 PM
السلام عليكم
شكرا للمرور والرد لكن مافيه مسمار يتحكم في الشعيره يعني الشعيره ثابته.
وشاكر لك مره اخرى وتقبل تحياتي.
SilverSniper
10/03/2005, 01:22 AM
يمكن ما فهمت عليك صح... موديل البندقية عندك Remington 550 عيار .22LR , L , S
ويوجد منها 3 اصدارات... I-550 ... II-550... III-550
هذا الموديل(II-550... III-550) فيه الشعيرة الخلفية ثابته بمنزلق تحتها وفي الخلف عند فتحة النظر يوجد مسمار صغير على الجانب الأيسر..
ان لم تجد هذا المسمار معنى ذلك أن الشعيرة الخلفية معدلة أو أنها الموديل القديم I-550 .. وهذا يعني انك محكوم بالارتفاع والانخفاض فقط..
يا ليت تقدر تحط صورة عشان أقدر أساعدك أكثر..