الفناتير.....

[ابو فاد]

السلام عليكم
والله انا غثيتكم بكثره اسئلتي.....مو
المهم
رحت اليوم الفناتير ابي اصيد سلوس
حمد لله سفت سلوس قدامي واجد
بس المشكله ولا واحد راي يضرب معي
مع انه اشوفه يفتر حول العجين ويبتعد عنه
************
الخيط 40
وعوامه بينها وبين السن حوالي اقل من نص متر
سن مقاس 20
عجين
*************
مدري هو في شي عندي مومستوي عدل ولا كيف؟؟
وسلامتكم

[ABOFAR1S]

بدل العجين ؟

[حياتي البحر]

طول الركة وصغر السن شوي

[ابو فاد]

طول الركة وصغر السن شوي
نطول الركه فهمناها
بس في سن اصغر من مقاس 20 ؟؟؟
انا الي حاطنه 20

[كنعد]

السن خلة 16

ترى اذا كان السن صغير يفلت السلس

وطول الركة

واذا رميت العوامة اسحب بشويش على راحتك وان شالله يضرب معاك


واذا عندك ربيان حطة بدال العجين

ترى يضرب علية

اهم شي استخدم ميدار رقم (16)

تراني خبرة في صيد السلس من زمان وانا اصيدها شبعت منها

[ابو فاد]

السن خلة 16

ترى اذا كان السن صغير يفلت السلس

وطول الركة

واذا رميت العوامة اسحب بشويش على راحتك وان شالله يضرب معاك


واذا عندك ربيان حطة بدال العجين

ترى يضرب علية

اهم شي استخدم ميدار رقم (16)

تراني خبرة في صيد السلس من زمان وانا اصيدها شبعت منها
والله في سؤال محرجني بس الي على قلبي على لساني:D
انت من اي بحر تصيد السلس ؟؟؟؟
********************************
انزين وعلى طاري اذا كان السن صغير عللى طول يفلت
امس كنت واقف على السطحه الي في الفناتير
واطعم اقدر اشوفه
****
الاحظ السلس يجي تحته ما ياكل ولا يضرب ولا شي وعلى طو يبتعد
وباقي السلوس على نفس النمط
***
قعت حوالي ساعتين ونفس الشي
مدري في شي انا مسوبه غلط ولا هو طبعه كذا ولا كيف.؟؟
*******************************
سمحو لي على الاطاله...... ورحم الله والديكم على المعلومات القيمه.:good2: .

[كنعد]

انا اصيدة من بحر الخبر العزيزية

بقولك شي اذا رميتة قريب ما يضرب معاك
حاول ترمية بعيد

وحرك الطعم كل شوي اسحبة بشويش

وان شالله بتدعيلي


ولي على قلبك على السانك

بلعكس شي طيب احب النوعية هذي وبتوفيق

[كنعد]

لا تسالني لية مايضرب قريب لاحظتها كثير يضرب معاي بعيد احيانا اشوفة قريب من السيف بلحيل بس مايضرب

واذا رميته بعيد يضرب

على العموم انت لازم تحاول تكتشف السر بنفسك علشان تصير خبير وفاهم في صيد السمك

والله يوفقك

واي سؤال اقدر اجاوبك علية حاظر

[ابو فاد]

تسلم والله
وتسلم على ردك على موضوع المنكوس
حمدلله امس اول مره احذف ساليه بعد ما حطيت طحين
وصدت منكوس
وان شاء الله هذا الاسبوع بس اخلص اختباراتي بحط لكم الصور المنكوس الي صدته
ورحم الله والديك

[كنعد]

حاظرين حبيب قلبي

والله يوفقنا وياك

[وحيد الشيخ]

الاخ / أبو فاد السلام عليكم ورحمة الله وبركاته
لصيد السلس هناك طرق:
1/ عن طريق الجلب وهي كالتالي: نحضر اناء وتضع فيه رغيف خبز وتفتته بالماء
_ تجهز العجين
_ تختار الموقع المناسب
_ تبدأ رمي فتات الخبز بالماء ليتجمع السلس عليها
_ تحضر العجين على السنارة وتجعله بين اليدين وتفركه ليصبح طولي
_ ترمي العجين خلف فتات الخبز وتحركه فيهجم عليه السلس, فكلما ذهب السلس ترمي له فتتات الخبز فيعود فوراً
ملاحظة : لا تربط بالخيط عوامه فيخاف منها
الطريقة الثانية: عن طريق المخدجة , يتم رمي الخبز إلى ان يتجمع ويتم رمي المخدجة عليه
- صيد بالخيط ممتع لمقاومته
_ استخدم معه خيط خفيف مثل 20 وجلب صغير
_ يتواجد السلس بين المائين ( بداية الماء الازرق)
الطريقة الثالثة:عن طريق الخيط ويتم ربط فية سنارة مثلثة( بروسي) وفوقها مباشرة سنارة صغير يتم ضع عليها العجين , وترمى وعند هجوم السلس يتم سحب الخيط بشدة ( شك) فيمسك الخطاف السلس

[ابو فاد]

الاخ / أبو فاد السلام عليكم ورحمة الله وبركاته
لصيد السلس هناك طرق:
1/ عن طريق الجلب وهي كالتالي: نحضر اناء وتضع فيه رغيف خبز وتفتته بالماء
_ تجهز العجين
_ تختار الموقع المناسب
_ تبدأ رمي فتات الخبز بالماء ليتجمع السلس عليها
_ تحضر العجين على السنارة وتجعله بين اليدين وتفركه ليصبح طولي
_ ترمي العجين خلف فتات الخبز وتحركه فيهجم عليه السلس, فكلما ذهب السلس ترمي له فتتات الخبز فيعود فوراً
ملاحظة : لا تربط بالخيط عوامه فيخاف منها
الطريقة الثانية: عن طريق المخدجة , يتم رمي الخبز إلى ان يتجمع ويتم رمي المخدجة عليه
- صيد بالخيط ممتع لمقاومته
_ استخدم معه خيط خفيف مثل 20 وجلب صغير
_ يتواجد السلس بين المائين ( بداية الماء الازرق)
الطريقة الثالثة:عن طريق الخيط ويتم ربط فية سنارة مثلثة( بروسي) وفوقها مباشرة سنارة صغير يتم ضع عليها العجين , وترمى وعند هجوم السلس يتم سحب الخيط بشدة ( شك) فيمسك الخطاف السلس
والله افكار جميله
ان شاء الله بجربها وبعطيكم تقرير عنها.....

[مشاغب السقالة]

لازم تسمرله بالخبز المبلول

وبيجى عليك انشالله