المساعد الشخصي الرقمي

مشاهدة النسخة كاملة : في الطريق الى رماح مساء الاحد 18/1/1426 صور الامطار بالاوديه والحزوم


المترو
27/02/2005, 11:25 PM
السلام عليكم ورحمة الله وبركاته
الصراحه انا ليس ممن يطامرون وقت المطر وخاصه خارج الديره الا اذا الطلعه سابقه وقت هطول المطر
وهذا اليوم الاحد بعد الظهر قلت يا ولد خل نشوف وقع المطر من هنا الى رماح على الاقل وخاصه انه عندما طلعت من الديره كان المطر خفيف ولكن من يوم مسكت طريق رماح وهي هتان ماشالله وسالت الارض والحزوم والاوديه جميعها اول شعيب على طريق رماح وشعيب الغيلانه وخريم مليانه سيل والماء متعدي الطريق الذي يوصل الى البوابه واليكم الصور ولو انها صور واحد خايف لا يتبلل من الماء بعضها وانا بالسياره بعد ما غيرت رأيي وشلت معاميلي يوم اشتد المطر

الاولى بحيره بجانب الطريق لا تستطيع ان تشوف نهايتها
http://www.mekshat.com/pix/upload/images7/mk3016_romah-rain1.jpg



الثانيه اول شعيب وانت رايح لرماح يمشي بقوه كبيره

http://www.mekshat.com/pix/upload/images7/mk3016_romah-rain2.jpg


الثالثه الرحال وقد توهق ونزل الى ان طبت الكفرات الاماميه بالماء وانحاش مريوساً بقوه

http://www.mekshat.com/pix/upload/images7/mk3016_romah-rain3.jpg


الرابعه شعيب دخل تحت السياره ولكن ربك لطف وهجيت

http://www.mekshat.com/pix/upload/images7/mk3016_romah-rain4.jpg


الخامسه منظر الشعيب وبديت ابعد واصور من بعيد ترى ما اخاف

http://www.mekshat.com/pix/upload/images7/mk3016_romah-rain5.jpg


السادسه تواجد دوريه للدفاع المدني بوادي الغيلانه لتحذير الناس من المجازفه والنزول للوادي

http://www.mekshat.com/pix/upload/images7/mk3016_romah-rain6.jpg













السابعه الماء وقد غطى الطريق الى بوابة روضة خريم مع العلم اني يوم ادخل كان الماء تحت الطريق ووتعداه خلال نصف ساعه فقط

http://www.mekshat.com/pix/upload/images7/mk3016_romah-rain7.jpg


الثامنه شعيب الغيلانه جنب الكبري والناس تستمتع بجريان الشعيب
http://www.mekshat.com/pix/upload/images7/mk3016_romah-rain8.jpg



التاسعه احد الشعاب بعد ان تشجعت ورحت امذرح طحت بالهشعيب وهو يمش يبعد ان الطريق 4 كلم مسوي ما اخاف


http://www.mekshat.com/pix/upload/images7/mk3016_romah-rain9.jpg


الاخيره هذه الشغيه كادت وربك لطف انها توهقني دخلت من تحت الموتر وانا نازل اصور الشعيب اللي فوق وبعدها المزبن الزفلت يا ولد وغابت الشمس


http://www.mekshat.com/pix/upload/images7/mk3016_romah-rain99.jpg












تحملو هذرتي وصوري الزينه بالحيل
والسلام عليكم

الرحال2003
محمد النجدي
27/02/2005, 11:45 PM
السلام عليكم

تسلم يمينك على هاللقطات الي تقول تعال بسرعه وش مقعدك عند لوحة المفاتيح

صراحة محترف تصوير

لا يكون عندك محل تصوير ومغبي علينا

الله يوفقك ويرزقنا من واسع فضله

جعل الله الامطار خير وبركه
اسيزو 4x4
27/02/2005, 11:59 PM
الله يعطيك العافية اخوي رحال 2003 على هالصور الطيبة

بارك الله فيك
نفل
28/02/2005, 12:19 AM
وعليكم السلام ورحمة الله وبركاته

هلا اخوي الرحال2003

الحمد لله على سلامتك اخوي

مشكور اخوي على التقرير الرائع والسريع والحمد لله والمنة على هذه النعم

بس انتبه توهق اخوي خاصة بطريق رماح حتى الردمية ربصت من كثر السيل

ومشكور اخوي وجزاك الله الف الف الف خير

ودي انشدك عن شعيب الغيلانة هو جاه سيل زيادة اليوم الاحد وهل ممشاه قوي

والسلام عليكم

اخوك ابو محمد
ريف النشاما
28/02/2005, 12:48 AM
السلام عليكم ورحمة الله

الحمد لله على السلامه يابو ناصر ولاعاد تمذرح بالأمطار :no2:

بس ياخوك أن مامذرحت بوقت المطر مت تمذرح :D

مذرح ومذرح ومذرح بس خلك حذر :redcar:
المتوكل
28/02/2005, 08:37 AM
عزالله انك ماقصرت ومشوار جميل وممتع بس وراك ما شبيت نارك ودنيت المعاميل بلجو الزين :)
راعي نوايا
28/02/2005, 10:40 AM
يعطيك العافية والحمدلله على السلامة
ندفرسان
28/02/2005, 11:23 AM
الله يعافيك على الصووووووووووور الرائعه
الضب الصماني
28/02/2005, 12:01 PM
الله على الرحلة الحلوة ،، والصور الاحلى ،، وترى في مثل هالاحوال الجوية الخوف مليح،،،
الدهماني
28/02/2005, 12:58 PM
ما شاء االله على هالرحلة والصورة الرائعة
وياخوي من خاف سلم وزين ما سويت بعّدت عن الغرابيل والغرازات ، وليتها غرازة تقدر تطلع المشكلة لا طبعت بحدى هالشعبان
صقر عليه
28/02/2005, 01:42 PM
السلام عليكم ورحمة الله وبركاته

الضب الصماني
الله على الرحلة الحلوة ،، والصور الاحلى ،، وترى في مثل هالاحوال الجوية الخوف مليح،،،
ذيب الجبال
28/02/2005, 11:02 PM
انا اشهد انها صور زينه بالحيل بالحيل
يابعدي والله يارحال لا عدمناك يالغالي وحمدلله على سلامتك
ربيق
28/02/2005, 11:11 PM
جزاك الله خير
وما قصرت
متيهة البكار
28/02/2005, 11:35 PM
يعطيك العافية يالرحال

صور ما مثلها

ما نقصها إلا قولت اخونا المتوكل (وراك ما شبيت نارك ودنيت المعاميل بلجو الزين )

مامثلها

سلمت ودمت
صقر
28/02/2005, 11:56 PM
مشكور اخي الرحال

تقرير ممتاز ورحلة موفقة لا تنسى

بس هالخوف اللي سيطر عليك وش سببه .... إدخل ولا يهمك احد <=== وهقه :D

بارك الله فيك.
حـــادي
03/03/2005, 07:15 AM
تسلم يمينك على هاللقطات وعساك على القوه