اسعار كفرات البالون

[أبوحميد]

السلام عليكم

اذا هذا الموضوع مخالف أو مهوب مكانه أحذفوة :)

حبيت اسأل عن كفرات البالون وأسعارها , والمدة اللي بتجلس معي .
لأني ناوي أشتري كفرات مقاس 16 .

[لحن الوداع]

حياك الله اخوي

سعرها ما يقارب 360 ريال نوع مكسس 8 غاط

عمرها سنه تقريبا

عيوبها رجه اول ما تمشي اذا صارت السياره واقفه مده طويله يعني نص يوم او يوم

و يلعب الهوى بسياره و ما تستحمل المطامر ورقي ارصفه و الطرق الجبليه

وهذا والله اعلم ,,

[~ V T A C ~]

^^^

اخوي اخالفك الراي من ناحية ماتستحمل

بالعكس والله ياهي مافيه مثله للجبال

[أبوحميد]

الله يجزاكم خير على هالمعلومات
ولامانع من الاضافة من بقية الاخوة

[هويدي]

ترا مب كل بالون بالون فيه انواع ولا بريال

جربت سيام تاير ـ ماكسس ـ سوموتمو

افضلهم السيام .. عيبه غالي ولا هو متوفر وبنفس الوقت ثقيل شوي

الماكسس ... حلو واخف من السيام بس عيبه موب راسي بالخط زي السيام

السوموتمو او شاهين بالون لا يقربك ثقيل ويهرب هوا من عند الجنط اذاكان تيوبلس

والبالون حسب تجربي يتحمل بالوعر افضل من الحجري اذا نزلت الهوا لـ 20

وعمره حسب الاستخدام والهوا اللي فيه .. اغلب الناس يتسحل او ينمسح معه بسرعه بسبب انه يمشي على الزفلت والهوا اقل من 30

اذا تبيه يعيش عبه بالديره 35 الى 40

واعذرونا على الاطاله والفلسفه الزايده :)

[عارف الشمري]

طيب وش رايكم بابو جمل تنصحوننا فيه اولا

لقيته جديد تاريخه جديد الكفر على 280 ريال اخذه او لا

[الرسام]

ممتاز جدا و ابوجمل هو مكسس

[محمد المساعد]

الماكسس زين ومثل ماقالو الاخوان للوعر 25
والديرة اقل شي35

[جهام القصيم]

طيب وش رايكم بابو جمل تنصحوننا فيه اولا

لقيته جديد تاريخه جديد الكفر على 280 ريال اخذه او لا
هل هو 6 كاندس او 8 يفرق السعر عليك با8 كاندس